مخالفة ستاير الكبس 50 جنيه

**Eng.Mina** · 29-11-2008 09:52 PM

المشاركة الأصلية كتبت بواسطة Hossam_Hassan

بص، أنت ممكن تشيل الطبقة الغامقة اللى فيها، هيفضل الطبقة اللى فتحاتها اوسع، هتظلل شوية و متبقاش اسمها ستارة، انا عملت كده من يوم ما ركبتهم علشان الرؤية.

شكرا علي ردك يا استاذ حسام وانا حاعمل زي ماحضرتك قلت يمكن يسيبونا في حالنا ويسيبوا فلوسنا في جيوبنا

**Eng.Mina** · 29-11-2008 09:54 PM

المشاركة الأصلية كتبت بواسطة hishamanilka

فعلا يا بيه مفيش الكلام ده في اوروبا انا عايش في اوريا الستاير مش ممنوعه وكمان ممكن تركب فاميه للعربيه كلها ودارك كمان بس الشباكين اللي جنب السائق يمين وشمال لازم تثيتهم علي الرخصه انما استيكرات وزينون وحركات يارب تعمل العربيه قرد محدش بيكلمك اهم حاجه متغيرش لون العربيه اللي موجود في الرخصه والستائر كمان مش ممنوعه وعلي سبيل المثال انا عربيتي سيتروين ونازله بالستاره الخلفيه من المصنع وعادي جدا مش عارف في مصر بيعملوه الحوارات دي ليه بس انا اعتقد ان كل ده علشان لم فلوس مش اكتر ومخلفات وفلوس داخله الداخليه ومش بنشوف منهم حاجه لما بننزل مصر يا جماعه في حاجه مهمه احنا مش واخدين بالها منها اي حد اساله راح مصر يقوللي حلوه جدا بس ؟؟؟؟؟؟؟؟؟ لازم كله بس دي يقولها اقول له خير يقوللي المرور عندكم كارثه قولتله يا عم احنا غيركم انتم 9 مليون احنا 80 مليون انا اقصد السويد طبعا يقوللي الصين 2 مليار واليابان مش عارف كام الف مليون ومعندهمش المشكله دي اسكت علي طول واحاول اغير الموضوع واقول له مش مشكله بس مصر حلوه برده
ربنا ينقم منهم اللي باعوه وكالوه البلد اللي قارفينه جوه كاسفيننه بره

شكرا علي ردك يا استاذ هشام ويابختك انك قاعد بره وواخدين راحتكوا بدل الخنقة اللي احنا فيها دي

**TICOXX** · 29-11-2008 10:08 PM

يا باشا 50 رشوة فاميه احسن ما يسحب الرخصة و اروح اعمل فحص من اول و جديد و حللني على ما الرخص تروح المرور و ادفع الغرامة و العطلة وووووووووووو
ولا ايه رأيك؟

**Eng.Mina** · 29-11-2008 10:35 PM

المشاركة الأصلية كتبت بواسطة TICOXX

يا باشا 50 رشوة فاميه احسن ما يسحب الرخصة و اروح اعمل فحص من اول و جديد و حللني على ما الرخص تروح المرور و ادفع الغرامة و العطلة وووووووووووو
ولا ايه رأيك؟

طبعا يا باشا انا كاتبتلك كده في الرد بتاعي انا لما الامين قاللي اركن علي جنب كنت مرعوب ان الظابط يطلع رخم ويقوللي حاسحب رخصة العربية بس الحمد لله انها جت علي قد كده طبعا ال 50 جنيه احسن من موال الفحص والعطلة والقرف بتاع المرور ده انا كمان نسيت اقولكوا ان وانا بدفع للظابط فاديتله 100 جنيه قام مد ايده في جيبه وطلع كمية رخص ياجماعة ولا 30 رخصة متكومين فوق بعض تشكيلة بأه رخص عربيات علي رخص قيادة وفي وسطهم 50 جنيه ادهالي ومشيت علي طول فواضح يا جماعة انهم ابتدوا يشدوا حيلهم تاني بعد ما كانوا ناموا شوية

**mada121977** · 30-11-2008 02:06 AM

انا لسه معمول معايا الحوار ده يوم الاربعاء قدام مستشفى معهد ناصر على الكورنيش وبرضه دفعت الخمسين بندق ... ربنا ينتقم من اللى فى بالى

**mrbond88** · 30-11-2008 02:19 AM

مع كل احترامي
بس بجد الستاير اللي ورا دي بتجيبلي العصبي
بتحجب رؤية الطريق عني , ولا زم اشوف بعد العربية اللي قدامي ايه
فالستاير دي بتخليني كاني ماشي طول السكة ورا اتوبيس مخبي السكة

وعلى فكرة دي ممكن تسبب حوادث , تخيل اللي مركب الستاير حاجة خلته يفرمل فجأة طبعا اللي ورا مش شايف حاجة وهيلبس في زي الفل

و ربنا يستر

**Mohamed_Ibiza** · 30-11-2008 02:23 AM

معلش ربنا يعوض عليك ياباشاوربنا ع الظالم والمفتري

**HSultan** · 30-11-2008 03:10 AM

لقد قرأت لكم ما يلي فى الأهرام من كام سنة
الستائر المعدنية التى يضعها قائدو السيارات فى سيارتهم قانونية بمقتضى الكتاب الدورى رقم 10 لسنة 1988 من الإدارة العامة للمرور المتضمن السماح بوضع ستائر معدنية على شكل حصيرة على الزجاج الخلفى للسيارة أو أى من أنواع الستائر الأخرى ما دامت لا تحمل أى صور أو عبارات مخالفة للقانون والآداب العامة ولا أى إعلانات عن شركات أو مؤسسات ويكون الغرض منها حجب الشمس عن المقاعد الخلفية فقط - بريد الأهرام - لواء / رضا عبد الله - مدير عام المرور الأسبق .
أتمني أن يكون في وسع أحد الأعضاء المطلعيين على القوانين إذا كان هذا الكتاب الدورى ما زال ساريا أم لا ؟؟؟
- ثم إن السيارات الأوروبية الآن تتضمن ستارة خلفية تضاف للسيارة فى المصنع - وكذلك الزينون ومن المعروف صرامة المواصفات الأوروبية ؟؟؟
- ولكن الزينون المضاف للسيارات فى محلات الإكسسوارات المصرية لا أعتقد إنه يطابق أى مواصفات.
وأجمل ما فى الموضوع إن المرور موش ممكن يلاحظ إن سيارتك لا يعمل بها ضوء فرامل حتى وصلت نسبة السيارات التى لا يعمل بها نور الفرامل إلى أكثر من 30٪ ولكن المرور يعمل بنظام الموضة شوية طفاية وشوية قمل ونتانة ولكن الأمور الحيوية مثل أضواء السيارة وحالة الكاوتش فهي أمور ثانوية وعجبي .

**badblood** · 30-11-2008 03:37 AM

المشاركة الأصلية كتبت بواسطة ahmad7610

الحمد لله انها جت على قد كده و مسحبش الرخصة ...
بس لا أظن ان ده موجود فى اى دولة سوى مصر ......

ماهي مصر ام الدنيا لازم تكون مختلفة
وفي نفس الوقت متخلفة وعايزة الحرق

**Amrrr** · 30-11-2008 10:54 AM

المشاركة الأصلية كتبت بواسطة mrbond88

مع كل احترامي
بس بجد الستاير اللي ورا دي بتجيبلي العصبي
بتحجب رؤية الطريق عني , ولا زم اشوف بعد العربية اللي قدامي ايه
فالستاير دي بتخليني كاني ماشي طول السكة ورا اتوبيس مخبي السكة

وعلى فكرة دي ممكن تسبب حوادث , تخيل اللي مركب الستاير حاجة خلته يفرمل فجأة طبعا اللي ورا مش شايف حاجة وهيلبس في زي الفل

و ربنا يستر

عشان بتبقى لازق في العربية اللي قدامك !!!لو سايب مسافة معقولة مش هيبقى في مشكلة

الموضوع: مخالفة ستاير الكبس 50 جنيه

LinkBack

أدوات الموضوع

عرض

-

-

-

-

-

-

المواضيع المتشابهه

هو ليه ستاير الكبس في اسكندرية غالية كده؟؟؟؟

منين اجيب ستاير الجيتا الكبس

كل البروتوناوية اللي عايزين ستاير كبس .... ركبت ستاير كبس ل gen-2 ب 90 جنيه

حد يقولي اجيب ستاير الكبس دي منين؟؟؟؟

ستاير الهوندا سيفيك الكبس

الكلمات الدلالية لهذا الموضوع

المفضلات

المفضلات

ضوابط المشاركة