ممكن أهل الخبرة يفيدوني الافيو افضل ام البونتو
عرض للطباعة
ممكن أهل الخبرة يفيدوني الافيو افضل ام البونتو
انا اسمع ان الافيو فيها مشاكل كتير ، البونتو مش متأكد .
الافيو اسهل فى البيع بعد كده
بص لو مش بتحب الجرى و عاوز توفر فى البنزين جامد يبقى البونتو
عربية ايطالى 100% و 2 ايرباجز بس المشكلة ان محركها ضعيف شوية
يعني يا جماعة مين اللي تستحمل اكتر ومن ناحية الامان والعمرالافتراضي او كفاءة التصنيع و هل البونتو تعتبر كشكل مقبولة والف شكر لكم جميعا
من ناحية الأستحمال و الامان و العمر و كفائة التصنيع البونتو تكسب
و على فكرة انا بحب جدا جدا جدا جدا جدا شكل البونتو هوة مش مقبول هوة جميل فى رأى
:k47::k47:
بص يا سيدى الفاضل، انا كنت فى مركز خدمة و صيانة فيات من كام ساعة فى ابو رواش ، اتكلمت مع احد المهندسين هناك و كان راجل محترم جداً و بقاله هناك مده طويلة ، الراجل كان فى منتهى الصراحة هوا متكلمش على عربية بالتحديد بس اتكلم على التكنولوجيا علشان يكون محايد تماما ، و لما سألته على موتور البونتو ليه بيطلع 60 حصان بس مع انه 1300 سى سى و دا مش قليل ، و فى عربيات زى .... موتور 1400 سى سى و بتكلع 95 حصان ، المهندس فهمنى ان كون العربيه بيتطلع قوه عاليه بنفس سعة عربية قوتها معقوله دى ميزة و عيب ،الميزة هى القوه العالية الناتجة عن تعقيد شديد فى ادارة المحرك فى السيارة و التغذية طبعاً ، و العيب فى الموضوع دا ان صاحب العربية دى هيضطر يصلحها فى التوكيل و المهندسين فى التوكيل مضطرين برده يستخدموا الكمبيوتر و اجهزة تانية علشان يظبطوا العربية و صيانتها بتبقى مكلفه ، و طبعاً شاور على عربيتى برة (البلونيز) و قالى العربية دى مثلاً 1600 سى سى و بتعمل 75 حصان بس ، مع ان مواتير ال 1600 تعمل فوق المية بكتيييير ، لكن الموتور عندك غير معقد ، و بتصلحها "ع الرصيف" و اى ميكانيكى ممكن يعملها ، هوا الموضوع دا كدة بالظبط و كل العربية ما تكون ابسط كل ما تعيش اكتر .
اللى فهمته من الكلام دا ان البونتو سهله التركيب و مش معقده علشان كده ممكن تصلحها بنفسك او عند الميكانيكى من غير تعقيد ولا كمبيوتر و حاجات من دى ، و كمان دا بيزود عمرها لانها زى ما تقول كدة "كلاسيك" فبتمشى مع اى وقت ، زى ال 127 كده :) و الله اعلم اما عن صورها فهتلاقى كل اللى نفسك فيه هنا
http://www.zastava10.com/index.php?n...stike.Galerija
http://www.zastava10.com/uploads/DSC0654/DSC_0654.jpg
http://www.zastava10.com/uploads/DSC...DSC_0531_1.jpg
http://www.zastava10.com/uploads/DSC0514/DSC_0514.jpg
http://www.zastava10.com/uploads/DSC0876/DSC_0876.jpg
http://www.zastava10.com/uploads/DSC0725/DSC_0725.jpg
http://www.zastava10.com/uploads/DSC1005/DSC_1005.jpg
http://www.zastava10.com/uploads/DSC0892/DSC_0892.jpg
http://www.zastava10.com/uploads/DSC0818/DSC_0818.jpg
http://www.zastava10.com/uploads/DSC0803/DSC_0803.jpg
بالزمة دى وحشة ؟؟؟ بس خد بالك ، اللى فى الصورة دى بالرغم من انها صورة طبق الاصل من اللى موجودة فى مصر و اللى فى ايطاليا لكن Zostava 10 مصنوعة فى شركة تانية بترخيص من فيات و عمرها ما نزلت مصر ، ماتقلقش اللى فى مصر فيات ايطالى 100%
كنت في نفس الموقف بس فعلا لا مجال للمقارنة.
بونتو مش هاتندم.
البونتو شيك جدا وشبابى 100%
لو عاوز بونتو و خلاص قررت ، ادينى خبر انا و 3 من اصحابى هنجيب 4 عربيات مره واحده و بكده المفروض ناخد تخفيض جامد ، معتقدش هناخدها باكتر من 70 مع المثلث و العدة الكامله مش اللى مع الاستبن و معاهم غطا العربية و 4 دواسات و الهدية المعروفة (CD Radio ) الاصلى بتاعها ، و احنا متفقين هنجيبها مع بعض فى شهر مارس علشان نشوف اذا كانت العربيات هترخص ولا لأ و نشوف العربية عامله اية فى السوق و لو فى حاجة تانية داخله المنافسه. لو تحب تشترى معانا ادينى خبر
بونتو
اسأل مجرب
............................
بقالها معايا داخله ع 6 سنين
ما اشتكتش منها خالص...
واخويا معاه بونتو 2008
توكل ع الله
الافيو بس تفرق معاك لو انت غاوي شد وسحب وسرعات عاليه...
مستر احمد نبيل تسلم ايدك ، مادام بقى عندك ، خلينا نستغلك شوية :) ، اية اخبار التكييف و الضمان معاك ؟؟؟ ، و عزل الصوت اخبارة اية ؟
بس الشكر ليك واجب ربنا يعينا و نرد الجمايل يا باشا
انا والله مندهش انتم اسرة واهل بجد مش عارف أشكركم ازاي جزاكم الله كل خير وفعلا معلومات قيمة انا بقيت مقنع بالفيات بونتو
بالتوفيق يا صديقى
اينشتاين:
-التكييف في الجو الحار جدا يكون مش وحش.. بس بياخد وقت طويل..
في الليل تلاجه... باشغله على 1 اة 2 فقط
-الضمان .. دخلت التوكيل مره واحده وندمت,,, وحاليا باتعامل مع اي ميكانيكي تاني بره لأن العربيه موتورها بسيط ومافيهوش اي تعقيد وبتتصلح في اي حته
-العزل: كويس جدا
حلو اوى الكلام دا يا دكتور :k18:، و انا فعلاً سألت مهندس فى الصيانة بتاعتهم و قالى (بشكل غير مباشر) على موضوع بساطة الموتور لما سألته ليه 60 حصان بس مع انها 1300 سى سى ، بس ربنا يخليك طمنتنى ، انا كدة اشترى و انا مطمأن و ربنا يباركلنا فى عم حسنى الميكانيكى دا احنا بنشتغل معاه من 10 سنين هوا بقى يظبطنا .
و الف شكر تانى يا دكتور . :k10:
كويس جدا المقارنة دى لن انا كنت محتار فيها انا كمان بس كده ان شاء الله اشتريها و الأستاذ اللى عاوز يشتريها فى مارس انا معاه لو ناوى يشتريها
عدد الاحصنة لا يتناسب طرديا مع تكنولوجيا المحرك, ده اعتقاد خاطىء, موتور البونتو مصمم ليقدم اداء جيد داخل المدينة و يعيش طويلا و يستهلك القليل من الوقود, و هذه الأهداف التصميمية التى فرضتها طبيعة السيارة المدنية هى التى ادت الى انخفاض عدد الاحصنة المتولدة, بالعكس اذا صممت السيارة للطرق السريعة حيث تزيد عدد الأحصنة, و الموضوع ملوش دعوة ببساطة الصيانة من عدمه.