الموضوع: مين افضل الافيو ام البونتو والسعر متقارب

انا اسمع ان الافيو فيها مشاكل كتير ، البونتو مش متأكد .

الافيو اسهل فى البيع بعد كده

يعني يا جماعة مين اللي تستحمل اكتر ومن ناحية الامان والعمرالافتراضي او كفاءة التصنيع و هل البونتو تعتبر كشكل مقبولة والف شكر لكم جميعا

:k47::k47:

بص يا سيدى الفاضل، انا كنت فى مركز خدمة و صيانة فيات من كام ساعة فى ابو رواش ، اتكلمت مع احد المهندسين هناك و كان راجل محترم جداً و بقاله هناك مده طويلة ، الراجل كان فى منتهى الصراحة هوا متكلمش على عربية بالتحديد بس اتكلم على التكنولوجيا علشان يكون محايد تماما ، و لما سألته على موتور البونتو ليه بيطلع 60 حصان بس مع انه 1300 سى سى و دا مش قليل ، و فى عربيات زى .... موتور 1400 سى سى و بتكلع 95 حصان ، المهندس فهمنى ان كون العربيه بيتطلع قوه عاليه بنفس سعة عربية قوتها معقوله دى ميزة و عيب ،الميزة هى القوه العالية الناتجة عن تعقيد شديد فى ادارة المحرك فى السيارة و التغذية طبعاً ، و العيب فى الموضوع دا ان صاحب العربية دى هيضطر يصلحها فى التوكيل و المهندسين فى التوكيل مضطرين برده يستخدموا الكمبيوتر و اجهزة تانية علشان يظبطوا العربية و صيانتها بتبقى مكلفه ، و طبعاً شاور على عربيتى برة (البلونيز) و قالى العربية دى مثلاً 1600 سى سى و بتعمل 75 حصان بس ، مع ان مواتير ال 1600 تعمل فوق المية بكتيييير ، لكن الموتور عندك غير معقد ، و بتصلحها "ع الرصيف" و اى ميكانيكى ممكن يعملها ، هوا الموضوع دا كدة بالظبط و كل العربية ما تكون ابسط كل ما تعيش اكتر .

اللى فهمته من الكلام دا ان البونتو سهله التركيب و مش معقده علشان كده ممكن تصلحها بنفسك او عند الميكانيكى من غير تعقيد ولا كمبيوتر و حاجات من دى ، و كمان دا بيزود عمرها لانها زى ما تقول كدة "كلاسيك" فبتمشى مع اى وقت ، زى ال 127 كده :) و الله اعلم اما عن صورها فهتلاقى كل اللى نفسك فيه هنا
http://www.zastava10.com/index.php?n...stike.Galerija




















بالزمة دى وحشة ؟؟؟ بس خد بالك ، اللى فى الصورة دى بالرغم من انها صورة طبق الاصل من اللى موجودة فى مصر و اللى فى ايطاليا لكن Zostava 10 مصنوعة فى شركة تانية بترخيص من فيات و عمرها ما نزلت مصر ، ماتقلقش اللى فى مصر فيات ايطالى 100%

كنت في نفس الموقف بس فعلا لا مجال للمقارنة.

بونتو مش هاتندم.