محاسب هيعملي سجل تجاري وبطاقة ضريبية ومحتاج مساعدتكم

السلام عليكم

انا فكرت اعمل سجل تجاري وبطاقة ضريبية لأكتر من سبب

اولا علشان اقدر اكتب ف بطاقتي اني صاحب عمل لأني شغلي حر

ثانيا علشان اطلع باسبور مكتوب فيه اني شغال واسافر من غير ما اطلع كل شوية تصريح امني وكلام من ده

ثالثا علشان اعرف اتعامل مع البنوك بدون تعقيدات

المهم .. في محاسب عنده شركة استشارات قالي هيعلي الموضوع ده ب 1500 وهيعمل العنوان على مكتبه هو
واعمله توكيل بالتعامل مع الشهر العقاري والغرفة التجارية والتأمينات وكذا
واديله صورة بطاقتي وف وقت معين هيكلمني اروحله علشان اصل البطاقة

فدلوقت انا عندي سؤالين اهم من بعض

اول سؤال
انا السبب الرئيسي اللي مخليني اعمل كدة هو اني محتاج اطلع باسبور بمهنة علشان يسهلي الحركة لأني ناوي اسافر سياحة لأكتر من دولة
فأنا فكرت اكتب السجل التجاري بنشاطي المهني وهو التسويق العقاري
بس هو قالي ممكن اعملها استيراد وتصدير علشان يبقى اسهل ف السفر ... هو اقترح عليا بس .. بس ف الأصل هو ميعرفش الأسهل
فياريت لو حد يعرف يدلني اعمل النشاط ايه

تاني سؤال
اي الخطوات اللي المفروض اعملها مع المحاسب
وهل التوكيل اللي طلبه ممكن يستخدمه خارج الأمر ده

شكرا جزيلا

متابع

متابع

الموضوع مش محتاج محاسب.
تقدر تروح بنفسك الضرايب وبعدين الغرفه التجاريه التابعه لمحافظتك والاجراءات مفيش اسهل من كده.
وبالنسبه للعنوان اعمله على شقتك السكنيه او لو عجزت خالص فى واحد اعرفه فالهرم ممكن ياجر لك مكتب يوم عشان المعاينه ده لو عاينوا اصلا.
وكده كده انت محتاج الورق للبطاقه وتروح تقفله تانى يوم.
استيراد وتصدير نشاط كويس وعموما كده كده لو الدوله اللى انت مسافر لها مش سهله الإجراءات لو كتبت وزير برضو مش هتسافر .

على فكرة الموضوع مش سهل للدرجة دي
في اجراءات كتير ومحتاج حد عمل الموضوع كذا مرة
غير كدة في مبلغ بيتدفع برضه حوالي 500ج على حسب ما قرأت
ناس كتير بتعمله ب 2000 وده بيعمله ب 1500 وانا مش مشكلتي ف الفلوس أد ما مشكلتي ف التخصص اللي ناوي اسجل بيه الشركة وكمان الاجراءات اللي هعملها معاه

هو قالي اعمله توكيل بالكلام ده
التعامل مع الضرائب العامة وماموريتها وضرائب المبيعات وماموريتها واثبات تواريخ العقودبالشهر العقاري والتوقيع عليها والسجل التجاري والغرف التجاريه والتأمينات الاجتماعية وذلك في كافة اتخاذ الاجراءات اللازمة واستلام وتسليم الاوراق مع كافة الجهات الحكومية والغير حكومية

هل كدة تمام ؟

متابع

يا باشا اهم سؤال اية الضمان فى عدم وجودك وبالتوكيل ممكن يستورد اى بضاعة بناءا على ورق الذى معاة وباسمك
طبعا مشاكل كتير وضرايب وحضرتك ترجع تفاجئ بكدة

Dedi مهو انا مش اول واحد هيخلي حد يعمله القصة دي
ناس كتير جدا بتعملها !!

وايه البديل ف نظرك ؟؟

التوكيل لا فيه استيراد و لا تصدير و لا اداره اى شىء و الضمان بسيط جدا اول ميخلص هتلغى التوكيل و تخليه يمضىى على استلام اعلان الغاء التوكيل و خلصت و انا شايف ان تخصص استيراد و تصدير افضل فعلا

اقتباس:

---

المشاركة الأصلية كتبت بواسطة mahmoud naguib

على فكرة الموضوع مش سهل للدرجة دي
في اجراءات كتير ومحتاج حد عمل الموضوع كذا مرة
غير كدة في مبلغ بيتدفع برضه حوالي 500ج على حسب ما قرأت
ناس كتير بتعمله ب 2000 وده بيعمله ب 1500 وانا مش مشكلتي ف الفلوس أد ما مشكلتي ف التخصص اللي ناوي اسجل بيه الشركة وكمان الاجراءات اللي هعملها معاه

هو قالي اعمله توكيل بالكلام ده
التعامل مع الضرائب العامة وماموريتها وضرائب المبيعات وماموريتها واثبات تواريخ العقودبالشهر العقاري والتوقيع عليها والسجل التجاري والغرف التجاريه والتأمينات الاجتماعية وذلك في كافة اتخاذ الاجراءات اللازمة واستلام وتسليم الاوراق مع كافة الجهات الحكومية والغير حكومية

هل كدة تمام ؟

---

عن تجربه سهل جدا
هات 1000 وانا اعملهولك ههههههه
ضرايب ايه حضرتك فى نشاط وهمى وكمان ضريبه مبيعات !!!! واضح انه عامله البحر طحينه...
تانى
انت هتفتح سجل تعمل البطاقه وتقفل تانى

اطلع بنفسك على هيئة الاستثمار One stop shop اسس منشأة فردية (بس انشطة محددة بس مس مفتوحة لكل الانشطة) هتاخد السجل التجاري و كل الورق وانت ماشي نفس اليوم و بعد اسبوعين تستلم البطاقة الضريبية و التكلفة لا تتعدى ١٥٠ جنيه

انا مش حابب ادخل نفسي ف روتين الحكومة ومش معايا عربية اروح وآجي بيها غير اني مش متمكن اوي ف التعامل مع الجهات دي
فأنا مش مشكلتي ف السعر ...
ومش هلغي السجل والبطاقة الضريبية بعد الرقم القومي على طول .. هسيبهم شوية
في سؤال مهم عايز اعرفه
لو خلصت السجل والبطاقة وطلعت رقم قومي
هيتكتب فيها مدير شركة (.........)
هيتكتب اسم الشركة بس مش هيتكتب تخصص
وبالتالي ف الباسبور برضه معتقدش هيتكتب تخصص
فهتفرق ايه لو عملتها استيراد وتصدير او تسويق عقاري ؟؟

سؤال تاني
انا ناوي اطلع رخصة قيادة ومكتوب ف بطاقتي حاصل على
اخليها شوية لحد ما اطلع رقم قومي فيه وظيفة
ولا عادي مبتفرقش ؟؟
وبيتكتب ايه ف الرخصة لو كان مكتوب ف البطاقة مدير شركة (.....) ؟؟

متابع

اقتباس:

---

المشاركة الأصلية كتبت بواسطة mahmoud naguib

انا مش حابب ادخل نفسي ف روتين الحكومة ومش معايا عربية اروح وآجي بيها غير اني مش متمكن اوي ف التعامل مع الجهات دي
فأنا مش مشكلتي ف السعر ...
ومش هلغي السجل والبطاقة الضريبية بعد الرقم القومي على طول .. هسيبهم شوية
في سؤال مهم عايز اعرفه
لو خلصت السجل والبطاقة وطلعت رقم قومي
هيتكتب فيها مدير شركة (.........)
هيتكتب اسم الشركة بس مش هيتكتب تخصص
وبالتالي ف الباسبور برضه معتقدش هيتكتب تخصص
فهتفرق ايه لو عملتها استيراد وتصدير او تسويق عقاري ؟؟

سؤال تاني
انا ناوي اطلع رخصة قيادة ومكتوب ف بطاقتي حاصل على
اخليها شوية لحد ما اطلع رقم قومي فيه وظيفة
ولا عادي مبتفرقش ؟؟
وبيتكتب ايه ف الرخصة لو كان مكتوب ف البطاقة مدير شركة (.....) ؟؟

---

هيتكتبلك صاحب منشاة كذا
النقطة ان تعقيدات السفارات للاعمال الخاصة بايخة جدا غير لو موظف واهمها كشف حساب بنكي ٦ اشهر باسم المنشاة يوضح تعاملاتها حجمها ايه

طب انا جت ف دماغي فكرة تانيه

ممكن اتفق معاه يعملي Hr Letter بوظيفة معينة عنده ف المكتب وأحطها ف بطاقتي وباقي الأمور هتترتب على اللي موجود ف البطاقة

انا كلمته النهاردة وقلتله على موضوع ال HR Letter وقالي مفيش مشكلة يعملهالي ويشتركلي ف التأمينات علشان اغير الوظيفة ف البطاقة وقالي الموضوع هيتكلف 600 وممكن اوصلهم معاه ل 500
اي رأيكم ف الحل ده ؟؟
وياترى ايه المسمى الوظيفي الأفضل اللي ممكن اعمله ويسهلي قصة السفر
مدير تسويق
او مدير المكتب
او مستشار مالي مثلا ؟؟

كلهم حلوين مدير تسويق او مستشار مالى بس بلاش مدير مكتب شوف مدير اداره من ادارات الشركه و كله هيبقى شكله حلو