سؤال محير تشترى اية إنفى 2017 و لا سينوفا a1
رايكم يهمنى
انا طلع عينى فى شراء عربية
كل شوية الاسعار تزيد و تزيد لحد متزنقت فى الصينى
و كمان اتزنقت فى ميزانية لا تزيد عن 100 الف بالعافية
ياريت الحل
عرض للطباعة
سؤال محير تشترى اية إنفى 2017 و لا سينوفا a1
رايكم يهمنى
انا طلع عينى فى شراء عربية
كل شوية الاسعار تزيد و تزيد لحد متزنقت فى الصينى
و كمان اتزنقت فى ميزانية لا تزيد عن 100 الف بالعافية
ياريت الحل
الانفى افضل من السنوفا دى اول حاجه مميزات الانفى وكيل قوى غبور عربيه ليها سمعه طيبه من كام سنه وقطع غيار متوفره داخل التوكيل وفى السوق العادى واسعارزى الفيرنا واهم من ده كله الانفى والتيجو تقدمه على الكورى فى اختبارات التصادم فى الاتحاد الاوربى وممكن تشوف الفيديوهات على اليو تيوب وحصلت على موافقة الاتحاد الاوربى فى البيع لان اوربا مش اى عربيه تتباع عندهم مش زى مصر اى زباله بتتباع عندنا وسعرها 101 وعربيه قويه وسدقنى ماسكه سعر مش بتخصر زى باقى الصينى ؟اما السينوفا مين الوكيل اسمه القصراوى انتى تعرفه وله تعرف غبور ولو عايز تسئل عن القصراوى اسئل بتوع الميكروباص عارفينه كويس وانتى فكر وصلى استخاره وشوف ايه الصالح وربنا يوفقك
توكل على الله اختيار كويس من كل النواحى وانا بقولك نصيحه لوجه الله الانفى ناجحه فى مصر عربيه عائليه شكلها فخم جدا والصالون واسع والشنطه مشاء الله عليها القيمه وخلى بالك العربيه بيركب عليها حجات الميتسيوبيشى يعنى ليها حلول انشاء الله بعد عمر طويل اوعى تقلق اهم حاجه تحافظ عليها دى جايه بلشقى وتعبت فى كل قرش فيها يبقى احطها فى عينى لانها هتشيل اسرتى اغلى حاجه فى الدنيا وهترحمنى من بهدلة السكه حافظ على عربيتك تحافظ عليك وافضل لون اللى المدام تقول عليه مش عايزين مشاكل فى رمضان وانا افضل ليك الفضى سهل فى النظافه وربنا يبارك ويسترها معاك
ههههه
فعلا عندك حق مش عاوزين مشاكل
عندى احساس ان العربية دية هتنافس الجيلى و هتغلى
و بعدين حسيت كمان انها صاج اقوى من الجيلى
مفيش ايرباج لكن قوية لاقدر الله فى التصادم
انتى ادخل على اليوتيوب واكتب شيرى e5 واتفرج على كل حاجه واتمتع بلفيديوهات وكمان العربيه موجوده فى الخليج وروسيا والعراق ودول كتير واسئل الناس اللى جابتها وشوف البى واى دى سعرها 125 الف والتوكيل بتاعها شركة الامل بتاعة الادا واسئل عن توكيل الامل اسوء من الزفت والنصب العلنى لان جارى عنده بى واى دى والله اسمها رخم قوى بيشتكى من التوكيل انتى توكل على الله ومفيش حد بيتفق على شئ واحد الاختلاف من سمات البشر ربنا يوفقك
بدون تردد الانفى
انا افضل الانفى لنفس الاسباب اللى ذكرها الاعضاء الافاضل
بين شكل ووسع وتوكيل
واضيف ليهم الانتشار
وان سعرها مقابل قيمتها لسه مش مبالغ فيه
وربنا يوفقك لما فيه الخير.
الانفي افضل بمراحل
حاليا مبيعاتها عاليه بعد انحسار المنافسه
في فئتها
وانقراض الانوس وال فيرنا
وال لوجان اللي وصلت 130الف
غبور نازل بتقله مع الانفي وال تيجو