سؤال محير تشترى اية إنفى 2017 و لا سينوفا a1

**engphp** · 15-06-2016 01:45 AM

سؤال محير تشترى اية إنفى 2017 و لا سينوفا a1

رايكم يهمنى
انا طلع عينى فى شراء عربية
كل شوية الاسعار تزيد و تزيد لحد متزنقت فى الصينى
و كمان اتزنقت فى ميزانية لا تزيد عن 100 الف بالعافية

ياريت الحل

**Mohamed Desoky** · 15-06-2016 01:59 AM

الانفى افضل من السنوفا دى اول حاجه مميزات الانفى وكيل قوى غبور عربيه ليها سمعه طيبه من كام سنه وقطع غيار متوفره داخل التوكيل وفى السوق العادى واسعارزى الفيرنا واهم من ده كله الانفى والتيجو تقدمه على الكورى فى اختبارات التصادم فى الاتحاد الاوربى وممكن تشوف الفيديوهات على اليو تيوب وحصلت على موافقة الاتحاد الاوربى فى البيع لان اوربا مش اى عربيه تتباع عندهم مش زى مصر اى زباله بتتباع عندنا وسعرها 101 وعربيه قويه وسدقنى ماسكه سعر مش بتخصر زى باقى الصينى ؟اما السينوفا مين الوكيل اسمه القصراوى انتى تعرفه وله تعرف غبور ولو عايز تسئل عن القصراوى اسئل بتوع الميكروباص عارفينه كويس وانتى فكر وصلى استخاره وشوف ايه الصالح وربنا يوفقك

**engphp** · 15-06-2016 02:03 AM

المشاركة الأصلية كتبت بواسطة mohamed desoky

الانفى افضل من السنوفا دى اول حاجه مميزات الانفى وكيل قوى غبور عربيه ليها سمعه طيبه من كام سنه وقطع غيار متوفره داخل التوكيل وفى السوق العادى واسعارزى الفيرنا واهم من ده كله الانفى والتيجو تقدمه على الكورى فى اختبارات التصادم فى الاتحاد الاوربى وممكن تشوف الفيديوهات على اليو تيوب وحصلت على موافقة الاتحاد الاوربى فى البيع لان اوربا مش اى عربيه تتباع عندهم مش زى مصر اى زباله بتتباع عندنا وسعرها 101 وعربيه قويه وسدقنى ماسكه سعر مش بتخصر زى باقى الصينى ؟اما السينوفا مين الوكيل اسمه القصراوى انتى تعرفه وله تعرف غبور ولو عايز تسئل عن القصراوى اسئل بتوع الميكروباص عارفينه كويس وانتى فكر وصلى استخاره وشوف ايه الصالح وربنا يوفقك

شكرا ليك
قدرت الاقيها بسعر 99 الف
بس محتار فى اللون
هتوكل على الله و اشترى انفى
و احنا مش عاوزين غير الستر بدل بهدلة الشارع
عشان اطفالى فقط لا غير

**Mohamed Desoky** · 15-06-2016 02:13 AM

المشاركة الأصلية كتبت بواسطة engphp

شكرا ليك
قدرت الاقيها بسعر 99 الف
بس محتار فى اللون
هتوكل على الله و اشترى انفى
و احنا مش عاوزين غير الستر بدل بهدلة الشارع
عشان اطفالى فقط لا غير

توكل على الله اختيار كويس من كل النواحى وانا بقولك نصيحه لوجه الله الانفى ناجحه فى مصر عربيه عائليه شكلها فخم جدا والصالون واسع والشنطه مشاء الله عليها القيمه وخلى بالك العربيه بيركب عليها حجات الميتسيوبيشى يعنى ليها حلول انشاء الله بعد عمر طويل اوعى تقلق اهم حاجه تحافظ عليها دى جايه بلشقى وتعبت فى كل قرش فيها يبقى احطها فى عينى لانها هتشيل اسرتى اغلى حاجه فى الدنيا وهترحمنى من بهدلة السكه حافظ على عربيتك تحافظ عليك وافضل لون اللى المدام تقول عليه مش عايزين مشاكل فى رمضان وانا افضل ليك الفضى سهل فى النظافه وربنا يبارك ويسترها معاك

**engphp** · 15-06-2016 02:17 AM

ههههه

فعلا عندك حق مش عاوزين مشاكل

عندى احساس ان العربية دية هتنافس الجيلى و هتغلى
و بعدين حسيت كمان انها صاج اقوى من الجيلى
مفيش ايرباج لكن قوية لاقدر الله فى التصادم

**Mohamed Desoky** · 15-06-2016 02:31 AM

انتى ادخل على اليوتيوب واكتب شيرى e5 واتفرج على كل حاجه واتمتع بلفيديوهات وكمان العربيه موجوده فى الخليج وروسيا والعراق ودول كتير واسئل الناس اللى جابتها وشوف البى واى دى سعرها 125 الف والتوكيل بتاعها شركة الامل بتاعة الادا واسئل عن توكيل الامل اسوء من الزفت والنصب العلنى لان جارى عنده بى واى دى والله اسمها رخم قوى بيشتكى من التوكيل انتى توكل على الله ومفيش حد بيتفق على شئ واحد الاختلاف من سمات البشر ربنا يوفقك

**هانى ظرف منصور** · 19-06-2016 02:41 PM

بدون تردد الانفى

**Mohamed Desoky** · 19-06-2016 04:00 PM

المشاركة الأصلية كتبت بواسطة engphp

ههههه

فعلا عندك حق مش عاوزين مشاكل

عندى احساس ان العربية دية هتنافس الجيلى و هتغلى
و بعدين حسيت كمان انها صاج اقوى من الجيلى
مفيش ايرباج لكن قوية لاقدر الله فى التصادم

السلام عليكم ورحمة الله وبركاته ايه الاخبار وصلت لايه علشان عايزين تقرير

**dr_haitham79** · 25-06-2016 02:53 AM

انا افضل الانفى لنفس الاسباب اللى ذكرها الاعضاء الافاضل
بين شكل ووسع وتوكيل
واضيف ليهم الانتشار
وان سعرها مقابل قيمتها لسه مش مبالغ فيه
وربنا يوفقك لما فيه الخير.

**hugan** · 25-06-2016 03:12 AM

الانفي افضل بمراحل
حاليا مبيعاتها عاليه بعد انحسار المنافسه
في فئتها
وانقراض الانوس وال فيرنا
وال لوجان اللي وصلت 130الف
غبور نازل بتقله مع الانفي وال تيجو