الموضوع: محتارررررررررر

احسب الموضوع بشكل تانى ، العربية مش سعر و امكانيات بس ، عندك استهلاك البنزين و نوع قطع الغيار ، العربية اليابانى مش زى العربية الاوربى او الصينى ، فدى فلوس خارجة يومياً عليها ، شوف عاوز عائلية و لا موفرة و لا اية ؟ و هتلاقى لكل ظروف عربية تناسبها ، مفيش حاجة اسمها عربية كاملة من مجاميعه ، بس فى عربية مناسبة ليك و بتكملك .
حظ سعيد يا مان

مشكوريييييييييييييييييييي ين

بص ياسيدي انا عندي الاتنين نيو اكسنت 2006 مانيوال ونوبيرا 2003 اوتوماتيك وهقولك على قد ماقدر الفرق مابينهم اولا :
1-من حيث الماتور الاكسنت اقوى بمراحل وناعمه جدا في السحب وصوته مازيكا وسرعته القصوى 210 والتسارع من0 الى 100 في 9 ثواني فيما ان النوبيرا سرعتهاالقصوى 180
2-من حيث العزل الاتنين ممتازين
3-الكماليات الاكسنت والنوبيرا 4 زجاج كهرباء وسنتر وتمتاز النوبيرا بوجود مرايا كهرباء فيما انها تتوافر في الاكسنت الاوتوماتيك فقط
-تمتاز الاكسنت بكاسيت سي دي وكمبيوتر رحلات ومسند جانبي
4-التكييف في السيارتين ممتاز وان كان في الاكسنت يمتاز بلنقاء العالي وعدم وجود اي رائحه -يؤثر على اداء النوبيرا مع اعتبار ان سيارتي اوتوماتيك ولكن لا يؤثر في اداء الاكسنت وان كان له تاثير كبير في استهلاك البنزين
5-من حيث الوسع لا مجال للمقارنه لصالح النوبيرا مع اعتبار ان السيارتين من فئتين مختلفتين النوبيرا عائليه والكنبه تتسع ل3 اشخاص مستريحين
والاكسنت شبابيه جدا
6-العفشه في النوبيرا جيده جدا وناعمه في المطبات -في الاكسنت ناشفه جدا وهتحس بكل زلطه في الشارع لانها عفشتها رياضيه وهتتعب اللي قاعد ورا
7-قطع الغيار النوبيرا ارخص من الاكسنت والاثنين منتشرين
8-في الاتزان الاثنين ممتازين جدا على سرعة 140 كم علشان ده كان اخر سرعه جبتها بيهم
9-الصيانه النوبيرا اكتر اعطال من الاكسنت على اعتبار اننا عندي النوبيرا 2003 والاكسنت 2006 يعني 3 سنين فرق
واخيرا لو انت عايز عربيه عائليه تحملها فوق طاقتها وتمشي هات النوبيرا
ولو عايز عربيه شبابيه اشبه بعربيات السباق وسواقتها متعه هات الاكسنت ولكنها غير عائليه تماما يعني هتتعبك وهتتعب اللي راكب معاك لو محملها جامد
السياراتين بوجه عام 1- النوبيرا تصميمها و ماتورها قديم نسبيا 106 حصان لم يحدث لها تغيير من سنة 99
2- نيو اكسنت سياره حديثه بتصميم حديث سنة 2006 وماتورها cvvt 112 hp
واسف للاطاله وبالتوفيق انشاء الله