عرض للطباعة
السلام عليكم
دلوقتى انا معايا 150 الف وبعد ارتفاع اسعار السيارات مش عارف اجيب ايه
فـ فكرت اجيب peugeot 301 جيده او اجيب BMW 116i لان لما شوفت الاسعار لاقيت انى ممكنى اجيب حاجة موديب 2008 مثلا بالسعر ده او 320i موديل 2006
فـ انهى الافضل ولا فى حل تالت ممن يكون احسن ؟
بي ام هتبقي خلاص خلصانه انت بتقارن 2016 ب 2006 مينفعش تقارن كده في حاجات كتير بين البي ام و 301 في مازدا 2011، سيفيك 2010 ، جيتا 2010، جولف 2012 وفي كوري بس منصحكش
زيرو
او كسر زيرو .. يعنى عربيه استعمال 10 الاف كيلو بالكتير
غير كده .. انت بتدور على الحاجه اللى حتتعبك
بسم الله الرحمن الرحيم الزميل الفاضل لا أنصحك بشراء البيجو 301 و لا السى إيليزيه و لا اللوجان و لا البونتو يمكنك شراء الآتى: 1 - سكودا رابيد 154000 2 - سوزوكى سويفت 149000 3 - سوزوكى سويفت ديزاير 155000 4 - شيفروليه أوبترا أعلى فئه (مصرى أو صينى) السعر لا يزيد عن 143000 5 - نيسان صنى أعلى فئه 140000 6 - نيسان سنترا أول فئه 157000 7 - (إن إستطعت زيادة 9000 جنيه) هيونداى إلانترا hd أول فئه 159000 أرى من وجهة نظرى أن الإختيارات السابقه كلها مناسبه و إن كان لكل إختيار عيوب و مميزات. لا يوجد ترشيح بعينه من بينهم و لكن سأعطيك لمحه 1 - سيارات سوزوكى سيارات الخدمه الشاقه و العمر الطويل و لم أسمع أن أحدآ إشتكى من السويفت أو السويفت ديزاير . . و لكن الشكاوى من الوكيل و قد تم حل هذه المشكله . . تم إنشاء مركز خدمه عملاق و حتى الآن لم تثبت الرؤيه عما إذا سيكون مركز مستقل أم معتمد من مودرن موتورز 2 - سيارات نيسان (لها ما للسوزوكى و عليها ما على السوزوكى) . . نفس المركز الذى سيخدم سيارات السوزوكى سيخدم سيارات النيسان . . أنا كنت من أشد أعداء الصنى لما كنت أعرفه من ملاكها من عيوبها المستفزه . . و لكن كما شهدت بالعيب فلا بد و أن أشهد بالميزه . . بعد وصول النسخه الجديده و المعدله من النيسان الصنى إختفت كل مشاكل و عيوب الصنى القديمه و هذا بشهادة ملاكها و ليس شهادتى أنا 3 - على الرغم من إننى أرفض تسميتها شيفروليه أوبترا لأن إسمها الحقيقى هو باوجين 630 (سياره صينيه 100% إبتداءآ من التصميم و حتى تصنيع أصغر مكون فى السياره) إلا أن ملاكها يشكرون فيها جدآ 4 - إلانترا hd إختيار ناجح بمعنى الكلمه حتى إننى (حتى هذه اللحظه) لا أجد لها عيب أذكره 5 - رابيد تعطيك آداء ممتاز و لكنك تواجه سعر إعادة البيع المتدنى عند البيع و أسعار الصيانات الغاليه هداك الله لأرشد أمرك و أقومه السلام عليكم ورحمة الله و بركاته
زود شويه وهات شارك
لو مكان حضرتك اجيب زيرو
المفاضلة بين الانواع هتبقى حسب احتياجات حضرتك من العربية
والزملا الافاضل وضحوا معظم العربيات اللى فى الرينج ده
اضيف ليها التيجو بحوالى 153 الف لو من برة التوكيل
الميزة فى الزيرو انك مش هتحمل هم الصيانة كام سنة فى الاول ان شاء الله
فى حين كسر الزير بالسعر ده هتكون صيانته غالية.
ربنا يوفقك
طيب واضح ان كله اجمع على الزيرو يكون افضل بس انا دلوقتى بدور على عربيه تكون واسعه و تكون مريحه و فيها اوبشنز كتير علشان كده فكرت فى الـ301 لان ديه اللى شوفت فيها الحاجات اللى انا عاوزها فـ هل ممكن الاقى اختيار افضل فى الامكانيات ديه و نفس السعر
و انا فكرت اجيب جولف مثلا او جيتا بس انا خايف برده انى اجيب عبيه و اصرف عليها كتير او يطلع فيها مشاكل لان مش هقدر صرف على العربيه وكل شوية اغير فيها حاجة
تويوتا كورولا 2012 او 2013 يابانى واعتمادية
السلام عليكم ورحمة الله وبركاته مفيش حد يختلف على اليابانى بس انا اضمن منين ان صاحب العربيه محاقظ او مهمل او لاقدر الله خلبوص ودى كارثه لوحدها ومفيش حد بيهتم بيها كل هم الشارى ان العربيه دواخل سليمه ومرشتش بويه كل ده كويس لكن الوساخه ملهاش حل غير رضى ربنا وعلشان كده الزيرو احسن مليون مره من المستعمل مهما كان المانى يابانى مش مهم اركب زيرو احسن لوحتى صينى متخافشى التيجو حلوه ومفيش حد اشتكى منها فكر وربنا يوفقكاقتباس:
المشاركة الأصلية كتبت بواسطة marko polo
طيب ياجماعه انا كدة صرفت نظر عن المستعمل خالص و بصراحه شوفت الاسكودا رابيد والفئه الاولى و بفكر اجيبها فـ انتو ايه رائيكم و فكرت انى اجيب لانسر الفئه الاولى كانت بـ 160 بس بصراحه شايف الفئه الاولى مفتقره كل حاجة و انا مش هقدر اجيب فئه اعلى عكس البيجو 301 فيها حاجات كتي عجبانى جدا فأنتم رائكم ايه ؟
وهل فيه امكانيه ان اسعار العربيات ترخص شويه زى الاول ولا هتفضل كدة وتغلى اكتر كمان ؟
مفيش اسعار بترخص فى البلد دى اللى بيرخص فى مصر الانسان ؟اقتباس:
المشاركة الأصلية كتبت بواسطة imohamedosama
خليك في الجديد طبعاً زي ما انت قررت.
رأيي مع إحترامي للكل خليك في اللوجان و هات أعلى فئة فيها اللي هي بالنافيجيتور.
الأسباب هي إن اللوجان عربية واسعة و عالية عن الأرض و موتورها قوي جداً و كمان منتشرة و قطع غيارها متوفرة و التوكيل ممتاز و ده اللي مخليها ماسكة سعر كويس في إعادة البيع و لو اني حاسس إنك مش بتفكر في إعادة البيع و إلا ماكنتش فكرت في الرابيد.
و كمان لما تركب أعلى فئة في العربية حتكون مستمتع جداً أكتر 100 مرة من إنك تكون راكب عربية قليلة الإمكانيات لمجرد إنها من ماركة ألماني أو ياباني.
ربنا يوفقك.
اشتري زيرو.. ونصيحة لوجه الله انا بعد شهرين مقارنات مفصلة بين الصني واللوجان (أعلى فئة بالنافيجيتور) والتيجو ومؤخراً الاوبترا أحب أقولك هات شيفروليه أوبترا الجديدة (التجميع المصري مش المستوردة من الصين).. احجزها من التوكيل أفضل.. سعرها الحالي 140 إستلام خلال 45 يوم (والحقيقة خلال اسبوعين تلاتة) وهتكون موديل 2017.. ممكن تزود 5 آلاف وتستلمها فوري من اي موزع لكن هتكون موديل2016
العربية دي غلبت الكل.. انا اعرف اللي اشترى الصني والستيب واي (اللي هي نسخة من اللوجان) وبيندموا ومنهم اللي بيدور يبيعها بعد شراءها باسبوعين !!!
قريب جداً ان شاء الله هعمل موضوع عن المقارنة بين العربيات دي واقولك أسباب تفوق الاوبترا.. بس باختصار هتلاقي فيها كل ما تتخيله من مواصفات وكماليات وبأفضل سعر وجودة عالية لم أكن انا شخصياً أتوقعها...
أقولك أحسن.. روح الشيخ زايد على المحور من بره بعد هايبر وان على طول هتلاقي توكيل نيسان ورينو وشيفروليه.. ادخلهم واحد واحد واركب الصني واللوجان وخلي الأوبترا للآخر علشان هتنبهر !! مش هتصدق نفسك... هتحس بفخامة وجودة واوبشنز عالية جداً .. انا بعد ما كنت هجيب اللوجان خلاص لما شفت الاوبترا وركبت الاتنين ورا بعض زي ما بقولك حسيت ان مفيش وجه للمقارنة.. حسيت ان اللوجان (اللي كنت شايفها عربية تحفة وفاكر انها فخمة) لما ركبت الاوبترا بعدها بنص دقيقة حسيت ان اللوجان جنبها عاملة زي اللانوس !!!!
انا نفسي انبهرت ومكنتش مصدق الفخامة والاوبشنز العالية.. فتحة سقف الكترونية وفتيس 6 سرعات وزجاج فاميه... تحس انك راكب نسخة من الكروز... وب 140 ألف بس.. بس خلي بالك ان سعرها غلي من 8 ايام بعد ما كان 137.. بسبب زيادة الطلب عليها..
وزي ما اللوجان ملت الشوارع الفترة اللي فاتت هتشوف الايام الجاية الاوبترا هتعمل ايه... بدأت فعلاً تغرق الشوارع..
صدقني انا قبل ما اشوفها قلت لنفسي اكيد مش هجيبها دي صيني بس بعد ما شفتها وقعدت في اللوجان قبلها وبعدين قعدت فيها (توكيل رينو وشيفروليه لازقين في بعض في الشيخ زايد) قلت لنفسي انا هجيب العربية دي حتى لو كانت مش شيفروليه (حتى لو كانت ماركة صيني صيني ماركة جاكي شان او بينج بونج مثلاً).. بس يارب ألحق قبل ما سعرها يغلى تاني..
وبصفة عامة إحلق بسرعة لأن الأسعار هتلغلى قبل نهاية رمضان..كل السيارات.. وده خبر اكيد بنسبة 99% أما اللي اأكيد بنسبة 100% والله اعلم هو انها هتزيد برضو بس مع بداية شهر يوليو 2016 (علشان بداية العام المالي الجديد والموزانة الجديدة اللي هيزيد معاها كل حاجة.. مرتبات الحكومة الغلابة ومرتبات الفئات الممزية في البلد البهوات يعني.. وبداية تطبيق زيادات الجمارك والضرائب إلخ).. يعني كده كده متوقع الاسعار تزيد خلال أيام..
اولا مبروك الاختيار و نهايه الحيره .. بالتوفيق
ممكن توضيح .. ليه التجميع المصرى موش الصينى ؟اقتباس:
أحب أقولك هات شيفروليه أوبترا الجديدة (التجميع المصري مش المستوردة من الصين).. احجزها من التوكيل أفضل
ممكن توضيح .. ايه الجمارك اللى هتزيد و كمان ايه الضرايب ؟؟اقتباس:
وبداية تطبيق زيادات الجمارك والضرائب إلخ)
الله يبارك فيه ياحبيبي شكراً..اقتباس:
المشاركة الأصلية كتبت بواسطة tasaka
:Y_hi_3[1]:
بالنسبة للضرائب على حد علمي ان الموازنة الجديدة فيها زيادة في بضع الرسوم والضرائب ودايما الزيادات اللي زي كده بتتطبق من بداية العام المالي علشان كده الاسعار كل سنة بتزيد في شهر 7 خصوصاً ان البلد بتحاول تعمل مشروعات ضخمة وبتدور لها على تمويل..
بالنسبة للجمارك فأنا أقصد الزيادة الأخيرة في الجمارك اللي أقرها الرئيس بقانون صدر من فترة ولسه واخد موافقة البرلمان من فترة قريبة (أعتقد من اسبوعين).. وطبعاً النيتجة هتبان خلال الفترة الجاية (على شهر 7 يعني) وان كان فيه سلع سعرها طلع فوراً (اللي هي اتفرض عليها الجمارك) اما باقي السلع فمتوقع زيادتها بالتدريج (بطريقة غير مباشرة كرد فعل لزيادة غيرها وانخفاض قيمة النقود)
ده غير ان كل التوكيلات والموزعين بيأكدوا زيادة الاسعار قبل نهاية رمضان..
شيفروليه نفسها زودت الاوبترا يوم الخميس قبل اللي فات.. وقبلها نيسان زودت اسعارها من حوالي اسبوعين تقريبا.. والكل ساعتها هاجمهم لأنهم مهتموش بحملة خليها تصدي وتحدوها)
مرة تانية علشان معرفتش اعدل ردي الأول:
اشتري زيرو.. ونصيحة لوجه الله انا بعد شهرين مقارنات مفصلة بين الصني (أعلى فئة) واللوجان (أعلى فئة بالنافيجيتور) والتيجو ومؤخراً الاوبترا أحب أقولك هات شيفروليه أوبترا الجديدة (التجميع المصري مش المستوردة من الصين).. احجزها من التوكيل أفضل.. سعرها الحالي 140 إستلام خلال 45 يوم (والحقيقة خلال اسبوعين تلاتة) وهتكون موديل 2017.. ممكن تزود 5 آلاف وتستلمها فوري من اي موزع لكن هتكون موديل2016
العربية دي غلبت الكل.. انا اعرف اللي اشترى الصني والستيب واي (اللي هي نسخة من اللوجان) وبيندموا ومنهم اللي بيدور يبيعها بعد شراءها باسبوعين !!!
وبإختصار مزايا الصني أعلى فئة:
سمارت كي (مفتاح ذكي)
طي المرايات كهربائيا (بس دس ميزة وعيب لان لو سايس قفلهالك بإيده هيكسرها او يبوظها وتبقى مصيبة)
صالون واسع جداً (بس باقي العربيات مش ضيقة.. مش فارقة كتير يعني)
فتحة تكييف للكنبة الخلفية بمرحة سرعتين (بس تكييف الصني اساسا ضيف)
زجاج فاميه خلفي (بس موجود في الاوبترا)
كرسي الكنبة الخلفية الاوسط يمكن طيه ليتحول لمسند يد به مكان لكوبين من المشروبات (بس ده موجود في الاوبترا برضو بس مش موجود في اللوجان)
عيوبها:
صاجها ورق (كل العربيات صاجها ضعيف صحيح بس الصني أضعفهم على الاطلاق... سمك الصاج حاجة تقرف)
صحيح بيقولوا ان مشكلة الطنابير والفرامل بتاعة 2015 اتحلت بس بسمع ان فيه ناس تانية ظهرت عندهم والله اعلم
أسوأ توكيل في العالم من وجهة نظري.. (كل التوكيلات ممكن تستهبل في تصليح عيب صناعة لشخص معين .. عربية او اتنين او عشرة مثلاً لكن توكيل نيسان كان بيستهبل في أسطول كامل من العربيات اللي كان فيها مشكلة الفرامل وكانوا بيتهربوا من المسئولية ومش عاوزين يعترفوا بالمشكلة).. حتى نيسان قشقاي الجديدة فيها مشكلة في الفتيس ومش سائلين في العملاء .. من الآخر اكتر توكيل عليه أحكام وسوابق وقضايا في المحاكم وحماية المستلهك.. واكتر توكيل معموله جروبات للمتضريين منه للمطالبة بحقهم..
شكلها لسه وحش من ورا (حسنوا شكلها من ادام بس لسه وحش من ورا..تحسها واخدة شالوت) بس دي طبعاً أزواق
بالنسبة للوجان:
مزاياها
موتورها 1600 (الاوبترا والصني موتورهم 1500.. بس قوة موتورهم والعزم تقريبا هو هو.. فرق بسيط اوي .. بالعكس المواتير ال 1500 يمكن توفر شوية في البنزين)
فيها مثبت ومحدد سرعة (وده هيريحيك اوي في السفر.. اما لو مكنتش بتسافر كتير مش هيفرق معاك.. خصوصاً انه بيفصل اول ما تدوس على الفرامل او البنزين.. وهتحتاج تشغله تاني ساعتها).. باختصار يعني مش مهم اوي في القيادة داخل المدن.. ده حتى الدادائري بتاعنا مش هتقدر تشغله عليه
أكبر شنطة 510 لتر (لكن الفرق مش كبير... الصني 490 والاوبترا 480.. يعني تقريبا زي بعض)
جودة عالية (لكن هتتفاجيء لما تقارنها بالاوبترا.. إنبهارك بيها هيروح وهتلاقي الاوتبرا جنبها جوهرة بتلمع.. زي ما تقارن الدهب بالماس.. اللوجان حلوة بس الاوبترا تحفة)
فيها كاسيت بشاشة ونافيجيتور (دي اعلى فئة..بس اي عربية ممكن في المستقبل تركبلها كاسيت فيه نافيجيتور عادي يعني)
عالية عن الارض (لكن ده يعتبر ميزة وعيب لأنها مش عربية كبيرة suv لا دي عربية صغيرة سيدان وارتفاعها هيقلل من ثباتها.. رغم ان اللي معاهم مش بيتشتكوا من ثباتها لكن بالعقل كده الارتفاع مبالغ فيه فعلاً وكان المقصود انها تبقى مناسبة لمصر وده فعلاً شيء كويس في السرعة البطيئة لكن فعلاً بيأثر على الثبات على السرعات العالية لأن حجم العربية صغير.. وفيه ناس بعد ما بتجيبها بتعدل العربية علشان توطيها شوية!! هتلاقي النت مليان مواضيع عن كده)
عيوب اللوجان:
فتيسها 4 سرعات (صوته بيعلى على السرعات العالية لأن الفتيس جاب الرابع ومفيش غيارات تاني) اما الاوبترا ففتيسها 6 سرعات
سحبها وحش لحد 60 كم/ساعة.. واعرف ناس بتحاول تبيعها علشان كده!!
مفيهاش سمارت كي زي الصني (بس بصراحة تغور الصني بمشاكلها)
مفيهاش زجاج فاميه (مش هتفرق مع البعض) لكن الاوبترا والصني فيهم زجاج فاميه خلفي
مفيهاش فتحة سقف (الأوبترا فيها فتحة سقف وكمان التحكم فيها الكترونياً)
مفيهاش مسند يد خلفي
مزايا الاوبترا:
فيها كل الاوبشنز اللي في باقي العربيات من نفس الفئة
فخمة جداً من الداخل والخارج
تحس إنك راكب نسخة من الكروز
فيها فتيس 6 سرعات
موتورها صحيح 1500 بس بيدي 110 حصان وعزمه شديد زيه زي مواتير ال 1600 (يعني هيوفر بنزين وكمان بنقس القوة)
فيها فتحة سقف والتحكم فيها الكتروني كمان
تكييفها أفضل من اللوجان والصني
فرشها جلد فخم
تابلوه فخم جداً
شنطتها كبيرة (تقريبا 480 لتر)
كرسي الكنبة الخلفية الاوسط يمكن طيه ليتحول لمسند يد به مكان لكوبين من المشروبات (بس ده موجود في الصني برضو بس مش موجود في اللوجان)
عيوبها:
البعض بيعتبر من عيوبها ان معظم مكوناتها مصنوعة في مصنع جينيرال موتورز بالصين وبعضها مصري وبعضها كوري.. وبتتجمع في مصر.. لكن أقسم بالله انا لما ركبتها حسيت بفرق شاسع في الفخامة بينها وبين اللوجان اللي تقفيلها مغربي.. والله قلت لنفسي هشتريها حتى لو كانت صيني صيني ماركة جاكي شان او بينج بونج :) .. أركب اللوجان واركب الاوبترا وانت تفهم انا اقصد ايه.. مش هتصدق فرق الفخامة والرفاهية.
مفيهاش مثبت سرعة (بس ده برضو مش موجود في الصني.. ومش مهم غير في السفر.. واعرف ناس كتير عندهم ومش بيستخدموه اساسا)
قريب جداً ان شاء الله هعمل موضوع عن المقارنة بين العربيات دي واقولك أسباب تفوق الاوبترا.. بس باختصار هتلاقي فيها كل ما تتخيله من مواصفات وكماليات وبأفضل سعر وجودة عالية لم أكن انا شخصياً أتوقعها...
أقولك أحسن.. روح الشيخ زايد على المحور من بره بعد هايبر وان على طول هتلاقي توكيل نيسان ورينو وشيفروليه.. ادخلهم واحد واحد واركب الصني واللوجان وخلي الأوبترا للآخر علشان هتنبهر !! مش هتصدق نفسك... هتحس بفخامة وجودة واوبشنز عالية جداً .. انا بعد ما كنت هجيب اللوجان خلاص لما شفت الاوبترا وركبت الاتنين ورا بعض زي ما بقولك حسيت ان مفيش وجه للمقارنة.. حسيت ان اللوجان (اللي كنت شايفها عربية تحفة وفاكر انها فخمة) لما ركبت الاوبترا بعدها بنص دقيقة حسيت ان اللوجان جنبها عاملة زي اللانوس !!!!
انا نفسي انبهرت ومكنتش مصدق الفخامة والاوبشنز العالية.. فتحة سقف الكترونية وفتيس 6 سرعات وزجاج فاميه... تحس انك راكب نسخة من الكروز... وب 140 ألف بس.. بس خلي بالك ان سعرها غلي من 8 ايام بعد ما كان 137.. بسبب زيادة الطلب عليها..
وزي ما اللوجان ملت الشوارع الفترة اللي فاتت هتشوف الايام الجاية الاوبترا هتعمل ايه... بدأت فعلاً تغرق الشوارع..
صدقني انا قبل ما اشوفها قلت لنفسي اكيد مش هجيبها دي صيني بس بعد ما شفتها وقعدت في اللوجان قبلها وبعدين قعدت فيها (توكيل رينو وشيفروليه لازقين في بعض في الشيخ زايد) قلت لنفسي انا هجيب العربية دي حتى لو كانت مش شيفروليه (حتى لو كانت ماركة صيني صيني ماركة جاكي شان او بينج بونج مثلاً).. بس يارب ألحق قبل ما سعرها يغلى تاني..
وبصفة عامة إحلق بسرعة لأن الأسعار هتلغلى قبل نهاية رمضان..كل السيارات.. وده خبر اكيد بنسبة 99% أما اللي اأكيد بنسبة 100% والله اعلم هو انها هتزيد برضو بس مع بداية شهر يوليو 2016 (علشان بداية العام المالي الجديد والموزانة الجديدة اللي هيزيد معاها كل حاجة.. مرتبات الحكومة الغلابة ومرتبات الفئات الممزية في البلد البهوات يعني.. وبداية تطبيق زيادات الجمارك والضرائب إلخ).. يعني كده كده متوقع الاسعار تزيد خلال أيام..
بس برضه ما وضحتش .. ليه اخترت الاوبترا التجميع المصرى .. موش الصينى ؟؟
هل فيه فرق اوبشن زياده فى المصرى
على فكره الفتيس ال 6 نقلات .. المفروض يخلى سحب العربيه احسن .. و يوفر بنزين اكتر
تكملة للمقارنة:
من عيوب الصني
استهلاكها للبنزين عالي (زمان كانوا بيقولوا عليها بلاعة بنزين.. والموديلات الحديثة مازل استهلاكها عالي ايضا)
من عيوب اللوجان
استهلاكها للبنزين مرتفع نوعاً ما.. لكن الصني أسوأ
على فكرة انا استبعدت البيجو مع انها ماركة محترمة جداً لكن انا استبعدتها خوفاً من سعر قطع غيارها الغالي.. علشان كده معنديش فكرة عن مواصفاتها..
والتيجو ركبتها محستش فيها بأي نوع من الفخامة.. وقعدتها متعبة.. مش مريحة.. وناس كتير حذروني منها.. الموديلات الحديثة كمان مش بس القديمة.. في بعضها فيه مشاكل وعيوب ومش لاقيين لها حل.. قالولي كده بصراحة ولما ركبتها ولقيتها مش مريحة فيا لقعدة استبعدتها ومهتمتش ابحث عن حقيقة العيوب او كونها اشعات..
بالنسبة للسكودا رابيد.. سعرها غلي جداً ومش متوفرة بسهولة والاهم من كده هي انها على ما اتذكر مكنش فيها نفس الاوبشنز العالية اللي في باقي العربيات.. الوسائد هوائية وال abs/ebd على ما اتذكر.. بس كده كده سعرها علي جداً..
التجميع المصري أفضل بكثير والدليل هو ان أكتر الحاجزين في الدفعات الاولى كانوا العاملين بمصنع تجميع جينيرال موتورز بمصر.. يعني اللي بيجمعوها نفسهم جريوا واشتروها.. ومش لأن ليهم مزايا العاملين من تقسيط وخلافه لأ.. والدليل انهم مكانواش بيشتروا المستوردة من الصين... وأول ما بدأوا تجميع النسخة اللي بتتجمع في مصر وشافوا بنفسهم جودة مكوناتها وفخامتها بالمقارنة بالعربيات الأخرى زي اللوجان او بالمقارنة بالنسخة الصيني المستوردة (اللي كانوا ممكن يشرتوها برضو) جريوا بسرعة وحجزرها من التوكيل (منصور).. تخيل اللي بيجمعوا العربية نفسهم بيشتروها لنفسهم وبيحطوا فيها فلوسهم.. ده من اكتر الاسباب اللي تطمنك لجودة خاماتها..اقتباس:
المشاركة الأصلية كتبت بواسطة tasaka
ولما تركب اللوجان وتركب الاوبترا بعدها هتفهم قصدي جداً وهتفتكر كلامي ده.. هتحس انك راكب نسخة من الكروز..
حاجة تانية مهمة.. النسخة المصر فئة واحدة هاي لاين فيها كل الاوبشنز اللي في الدنيا..اما بالنسبة للنسخة الصيني فيوجد منها فئتين الاولى ينقصها بعض الاوبشنز واهمهم فتحة السقف... والثانية فيها كل شيء لكن سعرها اعلى من النسخة المجمعة في مصر ب 3000 ج (بسبب الجمارك) ... والكل بيقول ان المصري أفضل بكثير.. مش فاكر بصراحة الفرق بينهم ايه (ده لو كان فيه فرق).. لكن الكل بيقولي احجز المصري افضل...
انا كنت قارنت بينهم لكن نسيت بصراحة الفرق.. لكن مبدئياً المصري هتكون موديل 2017.. الصيني اخرها 2016 ومش هينزل منها تاني خلاص..
متشكر جدا على ردك حضرتك فى مقارنات و توضيحات كتيير و انا فعلا كنت بفكر فى الاوبترا بس مكنتش عارف الفرق بين المصرى و المستوردة بس انت قولت المفيد وانا ان شاء الله هنزل التوكيل اتفرج عليها و ربنا يقدم اللى فيه الخير ان شاء اللهاقتباس:
المشاركة الأصلية كتبت بواسطة m-sabry
ملحوظة اخيرة:
الاوبترا يعتبر فيها كل الاوبشنز اللي في الدنيا. اما مو
ملحوظة اخيرة:
كنت متضايق الاول ان الاوبترا مفيهاش مثبت سرعة بس لما سألت وعرفت ان الكروز كمان مفيهاش مثبت سرعة وعرفت ان كل عربيات جينيرال موتروز مفيهاش الاوبشن ده.. عرفت وإتأكدت ان الاوبترا تعتبرفيها كل الاوبشنز الممكنة ..
ده غير انه مش مهم غير في السفر فقط وكمان لقيت ناس كتيرة بتقولي انه عندهم ومش بيستخدموه..
ساعتها قلت لنفسي ان فتحة السقف الالكترونية والفتيس ال 6 سرعات والزجاج الفاميه اللي في الاوبترا اهم بكتير من مثبت السرعة اللي في اللوجان...
انت تجيب كورولا مستعمل
او كروز زيرو ايهما اقرب
انت قلت فى رد سابق ان الاوبترا فيها espاقتباس:
المشاركة الأصلية كتبت بواسطة m-sabry
هل انت متأكد و سألت فى التوكيل ؟؟
أنا ليا موضوع بدور على عربية في حدود 160
http://www.nilemotors.net/Nile/490284-160.html
لما شفت الموضوع ده استبشرت و قلت هلاقي رد
بس للأسف لقيت 160 بقوا ميجيبوش عربية زيرو عدلة خالص
أنا راكب 301 بس مانيوال...مرتاح فيها جدا مش مضايقني غير أنها مانيوال
و عايز حاجة أوتو
شكلها كده مفيش أفضل من 301 أو سي إليزيه أوتوماتيك HL و خلص الكلام
لكن أركب صيني و لا مغربي ب160 (ده مستحيل)
و هحس إني غيرت للأسوء مش للأفضل
مش هيبقى في ميزة غير الفتيس الأوتو
أنا مستغرب من كلام البعض بالبعد عن 301 و سي إليزيه
مش فاهم الكلام مبني عن تجربة و لا لأ
بالعكس أنا بنصح صاحب الموضوع بشدة ب301 أو سي إليزيه
أفضل حاجة في المستوى السعري الحالي
و دي مواضيعي عن 301 تقدر تعرف منها أكتر عن العربية
http://www.nilemotors.net/Nile/411464-301.html
http://www.nilemotors.net/Nile/411572-301-2-a.html
يا ترى في إختيارات تانية الواحد مش شايفها في حدود 160 ألف
كان نفسي ألطش في فلوانس و لا كروز و لا سنترا...بس بعد غلو الأسعار شكلها مفيش نصيب
الحمد لله...قدر الله و ما شاء فعل