الموضوع: مشكلة في إطارات ال BMW 340i

السلام عليكم..
أنا اشتريت مؤخرا 340 والحمدلله العربية ممتازة ولكن العربية عاملة 3000 كم، وفي مطب عادي جدا قطع فردة كاوتش تماما، وبعدها بأسبوع مطب تاني قطع فردتين تانيين برضه بالكامل.. فهل ده سوء تخزين وعدم أمانة من التوكيل؟ وأتصرف إزاي؟ خاصة إن المقاسات مش موجودة أصلا لا في الوكيل ولا في السوق؟
الأمامي Bridgestone 225 40/R19 89Y
الخلفي Bridgestone 255 35/R19 92Y

أنا في الفردة الأولي كانت أمامية ولم أجد بريدجستون أبدا وقمت بالتغيير لبيريللي نفس المقاس بالظبط، لأن فت أند فكس قال أن مفيش مقاس 19 خالص بريدجستون والتوكيل معندوش.. والحمدلله لم ألحظ تغييرا يذكر عند التغيير لبيريللي.. ولكن الإطاريين الذين انفجرا مؤخرا منهم الإطار الخلفي وهو ما لم أجده سواء بريدجستون ولا بيريللي..

هل أركب في الخلفية كاوتش عادي مش رن فلات؟ وهل لازم ساعتها أغير الاتنين الخلفيين؟ أم هل ممكن أغير واحدة بس بنفس المقاس تكون عادية وأسيب السليمة رن فلات؟

أرجو الإفادة مشكورين.. ولو في حد يقدر يقول لي أجيبهم منين بيريللي أو غيره بس نفس المقاس فأرجو المساعدة

متشكر لردك..

واضح إن فعلا العيب في إطارات التوكيل..
طبعا أنكروا بالإضافة للمعاملة السيئة وسوء خدمة ما بعد البيع، مع إن ماحدث هو التالي:
أول فردة من الأصلي ضربت غيرتها برة التوكيل
بعد كدة بأسبوع فردتين ضربوا غيرتهم برضو برة التوكيل مع إن العربية خدت المطب بالكامل
بعدها بعشر أيام الفردة الأصلي الوحيدة الباقية ضربت مع إن برضو العربية كلها أخدت المطب

بعد كدة أخدت حفرة أسوأ من اللي فاتوا كلهم والحمد لله محصلش حاجة :)
ولو هأحكي على اللي حصل في التوكيل مش هاخلص، حسبنا الله ونعم الوكيل