الموضوع: حادثتين في يومين متتاليين

السبت 29 نوفمبر
يوم اجازة عادي زي اي يوم سبت كان ورايا كام مشوار لازم اعملهم الصبح بدري نزلت علي الساعة 10:30 و كالعادة نزلت لقيت العربية واخدة الحضن المتين بتاع كل يوم شكلة كدة ميكروباص خد جنب العربية الشمال ناحيتي بس مكانتش جامدة قوي يعني الباب الوراني كان داخل شوية لجوة بس غير ملحوظة و طبعا خدش كبير بطول البابين طبعا اتعكننت و مبقتش عارف اعمل اية الصراحة في الشارع بتاعنا
اركنها عمودي وشها قدام يفرتكو النمر
اركنها عمودي ضهرها قدام الاقي الفنوس الوراني مشروخ و العربية مكحوتة
اركنها موازي الاقيها واخدة اللي فية القسمة زي مقولت
المهم رحت قضيت مشاويري و انا مش طيق نفسي :bigear: مكنتش عارف ان التقيل لسة جاي

كلمت واحد صحبي عشان نروح لسمكري و اشوف الباب دة حعمل فية اية قالي خلاص اخلص شغل علي 6 و نتقابل قولت ماشي خلص و كلمني واحد صاحبي تاني كلمني قالي ان باباة تعبان و هو في مرسي مطروح و مش حيقدر يسوق و هوة راجع فوصلني لحد اتوبيس شرق الدلتا في وسط البلد في رمسيس عشان مش حينفع اروح بعربيتي قولتلة ok كانت لسة الساعة 4 قولت فرصة اضيع وقت لحد 6 و خاصة اني مكونش عاوز اروح البيت و كنت قرفان عديت علية و وصلتو و رجعت المهندسين قابلت صاحبي التاني في احمد عرابي عشان نروح للسمكري و ماشي عادي في جامعة الدول و دخلت البطل احمد الموقف كالتالي
واحدة راكبة عربية bmw بتلف و داخلة البطل احمد عبد العزيز من اليمين لفت و ماسكة الحارة اليمين و انا ماسك الحارة الشمال وراها , اخدت سرعة الشارع عادي و بعدين لقت ميكرباص واقف قدامها علي الشمال اخدت الغرزة المتينة بسرعتها و بقت قدامي (الكلام دة كلة قبل اليكروباص بشوية) انا هديت وراها و بعدين زودت سرعتها و انا وراها و هوب الارض انشقت عن بنت بتعدي الشارع من ورا الميكروباص ضربت فرامل و انا كمان فرملت جامد وراها و عادي الموضوع تحت السيطرة اللي حصل ان البنت اللي بتعدي اترددت راحت راجعة و عديت تاني و لقيت ال bmw فجاءة وقفت ( full stop ) دية بقي اللي مكنتش عامل حسابها كبست فرامل سك بس طبعا المسافة كانت لا تسمح و العربية وقفت تماما لبست فيها من ورا بس الحمد الله مش علي سرعة عالية اكيد اقل من 20 km/h
لان ال air bags مفتحتش
المشهد التالي بقي البنت اللي في ال bmw طارت و لا حتي فكرت تنزل من عربتها و طبعا انا من الصدمة و المفاجاءة ملحقتش اخد نمرة عربتها
البنت التانية عديت الشارع عادي جدا ولااااااااااا اكن في اي حاجة حصلت قدمها
نزلت انا و صاحبي طبعا الكبوت عندي لازم يتغير و الصدر القدماني زنق علي الريدياتير و الفوانيس سليمة بس الوشوش اللي جوة اتكسرت و علي فكرة بقي ال bmw دية عربية حلوفة محصلهاش اي حاجة دة اللي لحقت اشوفة قبل البنت ما تجري (انا مش عارف هي جريت لية هي مغلطتش علي فكرة هي اتفاجلت بالبنت بتعدي قدامها و اكيد مش حتخبطها يعني ,اللي بتعدي الشارع هية اللي @!#$)
التردد التردد مرض الجنس البشري قالتها حكمة و الله شجرة الدر
انا استعوضت ربنا في اللي في اللي حصل عندي و قولت حسبي الله و نعم الوكيل
بصيت بس للبنت اللي بتعدي بازدراء و مرضيتش اشتمها و هي بردة بصيتلي باشمئزاز(عادي جدا )
الناس قعدو يقولولي اجري وراها بس قلت انا عوضي عند الله و مش حجري ورا حد

انا عاوز اسئل سوال واحد الي اي مدي تنطبق صحة المقولة ان كل واحد مسئول عن وش عربيتة

يعني انت تقف قدامي فجاة (all of sudden) و تقولي انت مسئول عن وش عربيتك!!!!!!

قدر الله و ماشاء فعل المشكلة انها جاية في وقت
داخل العيد و الله اعلم حتخلص قبلية ولا لا!!
انا عندي زنقة شغل فظيعة اليومين دول و مش عارف واللة امتي حوديها التوكيل اعمل مقايسة و اتابع الموضوع

الحمد الله اللذي لا يحمد علي مكروة سواة
انا راضي بالي ربنا اقتضاة لية

الحمد لله انك بخير
وفداك الف عربيه
والله انا كدا بدأت اخاف علشان في مشروع عربيه قريبا ان شاء الله
وهتكون اول عربيه :K14:
ربنا يحفظك ويحفظ جميع المسلمين