الموضوع: مشوار تغيير زيت الفتيس .... طفح الكيل

WJ 2001 – Laredo – 4.7
أولا كل عام وحضراتكم بخير
ثانيا مبدئياً كده علشان نبقى واضحين مبحبش نقطة زيت تخرج من مكانها (موتور – فتيس – باور - .... الخ)
ثالثاً لاحظت ان فى ترشيح لزيت الفتيس من الجزء الخلفى للكرتيره وكنت في نفس الوقت عاوز اغير زيت وفلاتر فتوكلت على الله وجبت الزيت Mopar ATF+4 والفلترين وأنبوبتين سليكون Mopar وغيرت الزيت والفلاتر والحمد لله وبعد حوالى اسبوع فى نشع تانى من نفس المكان.
بعد درسة الموضوع ده توصلت لحاجة ولو غلط صلحولى مفيش حد بيقفل كرتيرة صح (أنا غيرت الزيت عند واحد المفروض أنه كويس جدا وعرفته من المنتدى ده) لقيت فى المنتديات الأجنبيه لازم الكرتيره تتنضف كويس جداً (طبعا ده بيحصل هنا لانك بتشوف الكرتيره اقدمك) انما المكان اللى فى الفتيس اللى الكرتيره بتقفل عليه انت مبتشوفوش الا لو نزلت تحت العربية (وده طبعا مابيحصلش) تانى حاجه السليكون اللى بيتحط على الكرتيرة لازم يتساب عليها حوالى ساعة قبل تجميع الكرتيره فى مكانها لحد ميمسك نفسه (طبعا ده محصلش السليكون مسافة ما اتحط تم تركيب الكرتيره) وبعدين تتربط المسامير بشكل تبادلى دون تقريط وبعدين يتم الرباط بمفتاح عزم علشان كل المسامير تبقى مربوطه بنفس القوه (وبرده ده مبيحصلش كل مسمار وحظه فى الرباط).
الخلاصه المرضوع ماشى أى كلام حتى عند أفضل الورش ما بتقدرش حاجه انت جايب حاجات تعدى 2000 جنيه ومفيش أى مراعاه لأصول الصنعة ويجى يقولك ده نشع بسيط لا يسبب ضرر.
هل فى أسلوب تانى لتغيير زيت الفتيس يمشى مع شغل البركة ده فى ناس بنستخدم جوان بدل السليكون ؟؟ أيهما أفضل .... والا الواحد بشتغل بأيديه ويخلص