بالنسبه لستائر الفبريكه هل عليها مخالفه و لا ايه خلفي او ابواب
مثلا الزينون عليه مخالفه بس العربيات الحديثه نازله بزينون الفابريكه هل عليه مخالفه ؟؟؟
ولو الفابريكه مش عليه مخالفه ازاي بيعرف ان ده الفابريكه و لا متركب؟؟؟؟
عرض للطباعة
بالنسبه لستائر الفبريكه هل عليها مخالفه و لا ايه خلفي او ابواب
مثلا الزينون عليه مخالفه بس العربيات الحديثه نازله بزينون الفابريكه هل عليه مخالفه ؟؟؟
ولو الفابريكه مش عليه مخالفه ازاي بيعرف ان ده الفابريكه و لا متركب؟؟؟؟
للأسف الستائر عندنا في الميجان والزجاج الملون عليهم مخالفه لان مش مكتوب في الرخصه الكلام ده.....اخويا وقفوه من كام يوم في لجنة عباس العقاد واتغرم الحمد لله بسبب الستائر والزجاج الملون....... عموما الصح عشان ماحدش يتكلم معانا في الموضوع ده الرخصه يكون مكتوب فيها الكلام ده إثبات انه نازل مع العربيه مش انا اللي مركبه.
كان في موضوع احمد عبد المقصود ربنا يكرمه عمله عن الموضوع ده بس مش عارف وصل لفين مع الناس في التوكيل ان شاء الله نعرف منه تفاصيل اكتر .
صباح الفل يا وحوش
الموضوع ده محتاج مساعدة من الكتور أكمل ....... لأن تونى ( اللى أنا أعرفه كويس فى التوكيل بقى ماسك مدير عام ما بعد البيع فى رينو و كيا مع بعض ومبقاش فاضيلى قوى :) )
ممكن لو دكتور أكمل يعرف حد هناك يحاولنا فى الموضوع ده
و أنا برضه هحاول من سكة تانية بس مش مضمونة.
ربنا يسهل أن شاء الله
الأخوة الأفاضل
السلام عليكم و رحمة الله و بركاته و كل عام و حضراتكم جميعا بخير
بخصوص أى شئ في العربية فبريكة و مش مثبته في الرخصة
عن نفسي لو صادفت لجنة رئيسها فكره ضيق أخليه يعمل مخالفات عليها لغاية ما يزهق و يبعتها على الملف و أبقى ريحته نفسيا و مش حيشوف مني جنيه مصالحه لطمعه في نسبته من المخالفات.
على ميعاد الفحص لازم العربية تتفحص طبعا بمعرفة مهندس الفحص (إذا كان حاصل على بكالوريوس هندسة من أساسه) وقتها أثبت كل ما هو فابريقة (ستاير و غيرها) و أشيل المخالفات المتعلقة بها أو أقدم تظلم الذي بدوره لازم يحولها للفحص الفني لأن ده أساس شغلهم مش أنا إللي أقول لهم يعملوه
السلام عليكو يا جماعه الستائر مش مخالفه لأنها نازله مع العربيه المشكله عندنا فى الظباط ال مش فهمين دى أورجينال ولا متركبه لو الظابط فهم مش اى كلام حيمشيك لأنها بينه انها جايه فى العربيه و لو ظابط من ايهم حيأولك مخالفه لو لقيتو متفاهيم فهيمو لقيتو دماغو ضيقه سيبو لأن المهندس ال فى المرور حيأولك مفيش مخالفه المشكله التانيه هى ان كل الناس ال أشتروا الميجان زيرو حيعرفو ان الأفراج الجمركى بتاع العربيه مفهوش الستائر فبتالى مش حنعرف نثبته على الرخصه انا ها حاول اسئل اشوف حنعرف نعمل حاجه ولا لأ بالنسبه لكمين عباس العقاد انا رخصت الكليو اتسحبت منى فى تقاطع يوسف عباس مع النصر وكانت دوريه راكبه الساعه 6 مساءاً منتهى علشان الزينون وانا كنت مشغل الفوجات بس و طافى فوق الظابط يقولى اصل انتا مركبو مش اصلى قولتلو هو انت ظابط ولا مهندس يقولى احنا بنسيبوا فى الباسات و الجيتا علشان بينزل فيهم قولتلو انت متعرفش ان فى باسات و جيتا من غير زينون يقولى لأ المهم لأقيتو موقف 10 عربيات ومعا 4 امناء شرطه المهم قولتيلو لو فى مخالفه دفعهانى علشان انا خارج مع العائله و مش عايز اليوم يبوظ يقولى لأهسحبها قولتلو طيب اسحبها علشان انا سايب العائله فى العربيه المهم طبعاً تتوقعو ان الخروجه بقت جميله خالص علشان الواحد اتعكنن المهم تانى يوم ماسك الجورنال (الأهرام)لقيت الظابط (النقيب) نازلو خبر فى الجورنال انو سحب فى يومين 8الأف رخصه رقم جديد بمعدل 4الأف فى اليوم خبر للتاميع الأعلامى و ممكن بترقى ولا حاجه بس المهم انو عكنن على 8الأف شخص مش مهم المهم ان ينزلو خبر كبير بأسمو
وسلامى و تحياتى للجميع
د/اكمل حمدى
معلش يا دكتور أكمل:)......لسه واحد صاحبى مسحوبه رخصه عشان الزينون الأوريجينال اللى فى عربيته المازدا 3.......بس هتعمل أيه....؟
بالنسبة للستاير أنا كنت كلمت حد فى التوكيل وقالى أكلم تونى ولما قلتله أن تونى مشغول قالى ممكن أعملهالك أنت.....وفهمت منه أنه مش هيقدر يعملها للناس كلها عشان خارج نطاق سلطته.
عموماً أسأل و ربنا يقدم اللى فيه الخير أن شاء الله.
شكرا للوحوش علي الردود
كده انا عرفت انها مخافه و عليها سحب رخص
لان احنا في مصررررر ام الدنيا
وجزاكم الله خيرا و كل عام و انتم بخير
مصر بقت زى الزفت
ولا أم الدنيا ولا حاجه
وبحس أن بتوع المرور بالذات محدش فيهم بيفهم أى حاجه وبحس كمان أنهم مخنوقين من أصحاب العربيات المحترمة وبينتقموا منهم
يقعد يسألك فين الرخصة وبعدين فين رخصة السواقة وبعدين اصل فى كشاف مكسور ولو مفيش كل ده يبقى هل معاك طفاية حريق
والله ربنا ينتقم من كل اللى بيرخموا على الشعب
انا عن نفسى اول رخصة اتسحبت منى ما عرفتش اجيبها تماماً وعملت بدل فاقد
وبحاول على قد ما أقدر ما اخليهاش تتسحب
وربنا يخلى لنا قانون المرور الجديد ويحيا العدل فى بلد العدل