تمام طب تنصحني انضف حاجة إيه او لو هترتبهم من الافضل للاقل جودة
وقريت عن castrol magnatec عجباني الفكرة بس خايف منها تكون نصب هل فعلاً الفكرة دي تستحق اني اشتريه ولا مش بالدرجة الضجة اللي عاملينها ؟
عرض للطباعة
تمام طب تنصحني انضف حاجة إيه او لو هترتبهم من الافضل للاقل جودة
وقريت عن castrol magnatec عجباني الفكرة بس خايف منها تكون نصب هل فعلاً الفكرة دي تستحق اني اشتريه ولا مش بالدرجة الضجة اللي عاملينها ؟
بشكل عام... الزيت اللي تلاقي عليه أرقام مواصفات كتير بببقى أعلى (بس مش قاعدة .. ﻹن المواصفات نفسها تختلف).
تمن وجهة نظري.. أقدر تقول إن الترتيب كالتالي:
1- موبل 1 - ESP Formula
2- آمسويل XL
3- آمسويل OE
4- موبل 1 - X1
5- كاسترول ماجناتك
6- شل هيليكس ألترا
الحقيقة الفروق بسيطة... والترتيب ممكن يختلف بشكل بسيط لو بصيت من وجهة نظر تانية.
بس علشان تبقى واخد بالك.. كاسترول ماجناتك ماهواش زيت تخليقي...
ده زيت معدني.. وعلى أقصى تقدير زيت نصف تخليقي... ولو نصف تخليقي هيقولوا بوضوح إنه نصف تخليقي.
الفكرة إن مستواه عالي في أغلب الأحوال API SN.. وعلى فكرة.. فيه منه في السعودية بلزوجة 10W-30 بمستوى SL.. يعني مش الزيت الPremium.
بس مبدئيا... هو حل ممتاز لمشكلة الأداء مقابل السعر.. خصوصا في العربيات الاقتصادية اللي مش طالبة زيت بمستوى أداء عالي... زي الباندا.
أنصحك بيه.
طبعا ..فيه زيوت أعلى... ولكن هل حضرتك محتاج كل ده؟؟؟ هي دي الفكرة اللي اتفقنا عليها من البداية.
...
تمام استفسار اخير
هل لو جبت زيت لزوجته 15-40 هيبقي فيه مشكلة ؟ لأني متخوف من ذكرهم درجة الحرارة -30 ثم -25 ثم -20
انه يكون حدود يعني -30 ل -25 تستخدم كذا و -25 ل -20 كذا و -20 لاعلي تستخدم 15 - 40 ولا ايه رأيك ؟
وهل هتفرق 5-30 من 15-40 ؟ وايه نصايحك لو 15-40 لأني هسافر القاهرة اشتري الزيت لأن المنيا مش لاقي فيها غير لزوجة 20-50 :d
لا مش كده خالص...
الكتالوج كاتب قدام كل درجة لزوجة مدى التشغيل بتاعها
مثلا.. درجة لزوجة 5w-30 مكتوب .. -30 or above
يعني ابتداء من درجة 30 تحت الصفر وأعلى.... و"أعلى" دي مالهاش حد أقصى.
وهكذا باقي اللزوجات.
الفرق بس في درجة الحرارة المذكورة هو درجة حرارة الجو اللي ممكن تشغل فيه العربية بعد وقفة طول الليل..
يعني الناس اللي درجة الحرارة عندهم في الشتا بتنزل لحد 20 تحت الصفر ما ينفعش يحطوا غير 5w-30 و 10w-30 .. إنما لو درجة الحرارة وصلت لحد 10 تحت الصفر فيقدروا يحطوا أي واحدة من الثلاث لزوجات.
طبعا.. بالنسبالنا في مصر الثلاث لزوجات ينفعونا.
عموما.. رأيي تعدي على الموضوع ده علشان تطمن أكتر..
http://www.nilemotors.net/Nile/481878-a.html
...
جبت امسويل OE
٥-٣٠
ILSAC G-5,G4
API SN, SM
ايه اخباره ؟
قالولي مفيش في مصر ٥-٣٠ xl وبتوع موبيل حسسوني اني بتكلم هيروغليفي مفيش عندهم غير ٢٠-٥٠ موبيل وان ابو ٩٥ جنيه :D
بس هو امسويل oe زيت تخليقي كامل صح؟؟ يعني يقعد 10.000 كيلو او سنة ولا أقل ؟ وإيه الافضل
واسف علي الإزعاج وشكراً جزيلاً علي تعبك معايا :)
مفيش تعب ولا حاجة .. المهم إنك تجيب حاجة مناسبة فعلا لعربيتك وتحس إنك ما رميتش فلوسك على الأرض..
حسب كتالوج زيت آمسويل OE.. فالزيت ده بيقعد الفترة المنصوص عليها في الكتالوج بتاع العربية.
المعلومة دي موجودة في الصفحة التانية من بروشور الزيت ده تحت عنوان Service Life
http://www.amsoil.com/lit/databulletins/g3404.pdf
عموما.. زيت آمسويل OE تخليقي من أساس معدني.. أعتقد إنك تقدر تخليه في الموتور لحد 10 آلاف ميلومتر أو 6 أشهر.. مش أكتر من كده.
...