الموضوع: نصيحتكم لزيت موتور جيلي باندا

المشاركة الأصلية كتبت بواسطة borio1704

أولا مبروك على العربية .. وإن شاء الله تكون فاتحة خير عليك.. وربنا يعطيك خيرها ويكفيك شرها..

ثانيا.. عايزك تطلع فكرة العربية اللي بتعيش العمر كله دي من دماغك... العربيات دلوقتي ما بقتش بتتصنع للغرض ده.. حتى لو كاتت مرسيدس.... والعربيات اللي بتعيش فعلا دلوقتي هي العربيات اليابانية.. ومش كلها كمان...

فأي عربية مهما كان نوعها هتبدأ تفتح بقها في الصيانة بعد 5 سنوات من تاريخ إنتاج (حتى لو ما استخدمتهاش).. ﻹن أجزاء الكاوتش اللي فيها بتتحلل وتنشف.. وطبيعي جدا تلاقي تسريبات من خراطيم المياه أو العوازل الحرارية.

ثالثا... كويس جدا إنك أخدت العريية بكتالوجها.. وأهم حاجة تعملها إنك تقراه وتتفذ اللي فيه .. ده لو عايز فعلا تحافظ على العربية بأقل قدر من المشاكل خلال فترة وجودها معاك..


نيجي للمفيد

بالنسبة للزيت المناسب.. فتوصيات الزيت في الكتالوج تعتبر متواضعة (api sg) نظرا ﻹن العربية اقتصادية أساسا... وبالتالي فمعظم الزيوت اللي في السوق بدرجات اللزوجة المكتوبة قي الكتالوج تمشي معاك كويس جدا..

يهمني أعرف إيه طريقة سواقتك.. وعدد الكيلومترات المتوقعة في السنة..

يهمني كمان أعرف إيه أولوياتك بالنسبة لسعر الزيت.. ﻹنك تقدر تحط زيت يكلفك 150 جنيه .. وفيه زيوت تانية تكلفك 350 جنيه.. وزيوت كمان تكلفك 550 جنيه.


...

الله يبارك فيك وربنا يخليك لينا
اما بالنسبة لطريقة السواقة فمبحبش احمل عالموتور نهائي يعني اعلي RPM ممكن بيبقي في رينج 2500-3000
عدد الكيلومترات المتوقعه مش كتير يعني انا جايبها للشغل والفسح بس وقليل ما بسافر بس لو هسافر هسافر بيها بس بحكم الشغل وكده فده قليل
فأتوقع عدد الكيلومترات في السنة من 10.000 - 15.000
أما اولوياتي في الزيت اني احافظ علي الموتور أقصي لو امكن العمر كله وكوني مهندس فهقولك مقولتنا الشهيرة أفضل آداء بأقل تكلفة :D :D :D most economic
بمعني مش هستخسر في الزيت الفلوس بس مش محتاج زيت يقعد 20.000 او 6 شهور لأن عمري ما هكمل ال 20.000 قبل سنة او سنتين :D
ده قصدي

والله المستعان ومستني نصايحكم القيمة اللي بثق فيها جداً

منتظر نصيحتكم الهامة

المشاركة الأصلية كتبت بواسطة borio1704

أولا أنا آسف على تأخير الرد.. مش عارف بقت بتحصل معايا كتير حكاية إني أنسى أرد :(

المهم..

أعتقد فعلا إن أنسب زيت بالنسبالك هو بلزوجة 5W-30... خصوصا إن استخدامك يعتبر خفيف نسبيا (مش محمل العربية ولا بتجري بيها).


ويفضل كمان يكون الزيت تخليقي من أساس معدني.. على أساس إن عمره حوالي 10 آلاف كيلومتر مش أكتر... ومع ذلك... ارجع بردو لكتالوج عربيتك لمعرفة موعد تغيير الزيت

والزيوت دي في أغلب الأحوال هي اللي موجودة في السوق.. أذكر منهم لحضرتك التالي:


SHELL HELIX ULTRA 5W-30
Shell Helix Ultra 5W-30 | Shell Global

CASTROL MAGNATEC 5W-30
Castrol Magnatec - Car Engine Oil | Castrol Arabia | Castrol MAGNATEC Brand | Engine Oil - Car Products | Castrol Arabia | Car - Motor Oil & Lubricants | Castrol Arabia | Products | Castrol Middle East | Castrol - Motor Oil & Lubricants | Castrol Mid

Mobil 1™ x1 5W-30
5W-30 Oil | Mobil 1 x1 5W-30

Mobil 1™ ESP Formula 5W-30
Mobil 1™ ESP Formula 5W-30 | Mobil 1™

AMSOIL OE 5W-30 Synthetic Motor Oil
AMSOIL OE 5W-30 Synthetic Motor Oil

AMSOIL XL 5W-30 Synthetic Motor Oil
AMSOIL XL 5W-30 Synthetic Motor Oil

ده غير ماركات تانية كتير في السوق... شوف اللي تستريحله فيهم واشتريه.

طبعا .. مش كل الزيوت دي زي بعض تماما... بس كلهم أعلى من متطلبات موتورك بمراحل.

على فكرة .. كل الزيوت اللي فوق دي تتغير كل 6 شهور... وما تقعدهاش في موتورك أكتر من 10 آلاف كيلومتر إلا إذا كان بروشور الزيت نفسه قايل كده.

ولو لسه محتار.. أنا تحت أمرك في أي سؤال.


...

حبيبي تسلملي علي ردك
بس حسب ما فهمت من الكتالوج ان 5 - 30 ده في المناطق الباردة اما -30
اما في في -20 او أعلي كاتبين 15-40 w ولا إيه رأي حضرتك خصوصاً ان الجو بيبقي نار جهنم في مصر

طيب الكتالوج كاتب تغيير الزيت والفلتر كل 5000 كم او 4 شهور !!

الكلام ده بجد ؟ :D