الموضوع: بونتو 2004 بتفصل مع التكييف

السلام عليكم أعضاء رابطة بونتو

المشكلة بتاعتى ممكن تكون تم مناقشتها قبل كدة بس فعلا انا دورت كتير فى المنتدى و ما وصلتش لشرح وافى. فالوسمحتو اللى عنده حل او فكرة عن سبب المشكلة اللى هقولها يفدنا وجزاه الله كل خير.

المشكلة اللى عندي ان البونتو معايا موديل 2004 ومن يوم ما اشتراتها و كل ما اشغل التكييف العربية تفصل. عملت عمرة للموتور وفضلت المشكلة زي ما هيا.
بعد كده الموتور شيع منى وركبت مكنة جديده(شورت بلوك بس) وبرده المشكلة لسه موجوده. روحت لحد وقالى لى ممكن تبقي بسبب البوابة والايدول , غيرت البوابة والمشكلة زي ما هيا.

الحمدلله العربية ماشية زي الفل ومفيش غير شوية سخونة بسيطة فى الايام الحر الشديد او لما بقف فى زحمة فترة طويلة ما عادا ذلك الدنيا فله.

انا من يوم ما جبتها ومنى عني اشغل التكييف من غير ما توقف لانها لما بتوقف لازم ابطل التكييف و امشى من غيره فى ايامنا الحر ده.

انا ماغيرتش فلتر البنزين بتاعها خالص لان كله بيقولى الفلتر موجود فى طورمبت البنزين ولازم لو عايز اغيره يبقى الطرومبه هتتغير بس ما عرفش هل ممكن يكون هو ده السبب ولا هروح ادفع 1300 ج على الفاضى والمشكلة تفضل زي ما هيا.

افيدونا اعزكم الله.
كل عام وانتم بخير

السلام عليكم ورحمة الله وبركاته
اخى العزيز ارجو رفع صورة للمحرك وصورة اخرى للتروتل ( البوابة )
سوف اساعدك ان شاء الله لحل المشكله