عندى تلاجة هيتاشى بابين بالطول
صناعة تايلاندى
وشاريها من ديسمبر 2010
وممتازة جدااااااا ماشاء الله عليها
وتوكيلها محترم لان فى مرة عربية بمقطورة قطعت سلك الكهرباء العمومى فى الشارع ومكنش فى حد فى البيت والكهرباء قعدت تعلى وتوطى ولما روحت البيت لقيتها مش شغالة فكلمت الوكيل بتاعها
لقيت تانى يوم فنى من مركز الخدمة بالزقازيق جالى البيت وشافها لقى البوردة بتاعتها اتحرقت قال ليا انهم هيحاولوا يصلحو البوردة واذا منفعش تصليحها هيركب بوردة جديدة والجديدة تمنها 1200 جنيه
فانا قلت فى نفسى اكيد هستهبلوا ويقولوا انهم معرفوش يصلحوها علشان يركبوا واحدة جديدة
بس طلعوا مركز خدمه محترم
ولقيت الفنى جالى بعد تلات ايام ومعاه البوردة القديمة وقال ليا انهم صلحوها وركبها فعلا واشتغلت تمام لحد النهاردة والحمدلله والكلام ده كان من حوالى سنتين والتصليح اتكلف 200 جنيه
المفضلات