الموضوع: افيدوني افادكم الله

المشاركة الأصلية كتبت بواسطة م/أحمد عبد الفتاح

الحاجات دى كتير قوى على فكرة يعنى معديين الـ ١١ الف جنيه ولسه المصنعية !!!!!
هو إيه الفرق بين طقم الكاتينة ووش تقسيمة الكاتينة ؟؟؟ وايه المقصود بالحاجتين سيور يعنى ولا بكر كاتينة ولاتروس ولا شداد ؟؟؟؟
العفشة كلها والمساعدين حايتغيروا ليه ؟؟؟؟ هو العربية مشيها كويس معاك ولا بتخبط فى المطبات ولا بتحك فى الكاوتش لو حد ركب معاك ؟؟؟؟
معلش انت لو عاوز تطمن على العفشة تروح لواحد بتاع زوايا كويس الأول تخليه يظبط زوايا ولو لقى حاجه فى العفشة حايقولك روح غيرها وتعالى وبكده تبقى اطمنت عالعفشة ومحدش اشتغلك .
وتروح لميكانيكى كويس يشوفلك ايه الجوانات اللى بايظة ويعملك قصة الكارتير ويغير الزيوت والفلاتر والبوجيهات و السيور ولو لقى الشدادات ولا البكر خشن حايقولك وتغيرهم.
حكاية سلك البوجيهات دى ليه هل فيه عندك مشكلة والموتور مثلا بيقطع واللمبة بتاعة التشيك انجن منورة ؟؟؟؟؟ لو مافيش حاجه يبقى خليهم
انا عاوزك تروح تفكره انه نسى يكتبلك الطنابير وتيل الفرامل والماستر والسيرفو (أنا باهزر على فكرة)
لو العربية فيها كل الحاجات دى فعلاً يبقى معلش تروح ترجعها على طول

جزاك الله كل خير على افادتك ليا
معلش انا خبرتي زيرو في العربيات للاسف وبحاول ان مايضحكش عليا بسؤالي لاهل الخبره امثالكم نفعنا الله بخبرتكم وجزاكم الله عنا خيرا
انا بالنسبة لطقم الكاتينة كان بيتكلم ف طقم السيور وبالنسبة للعربية مش بتخبط ف المطبات العادي
انا همشي بنصيحتك هادور على حد محترم بتاع زوايا واكشف على العفشة من خلاله وهتبقى دي اول خطوة
ونفسي الاقي حد يراعي ربنا ف مهنته ويقول على اللي محتاجاه العربية من غير مايستسهل
ويطلب تغيير كل اللي ف العربية

ومره تانية جزاك الله خيرا

المشاركة الأصلية كتبت بواسطة م/أحمد عبد الفتاح

هو إيه الفرق بين طقم الكاتينة ووش تقسيمة الكاتينة ؟؟؟ وايه المقصود بالحاجتين سيور يعنى ولا بكر كاتينة ولاتروس ولا شداد ؟؟؟؟

اسمحلى يا باشا ارد عليك فى النقطة دى ....

طقم الكاتينة زى ما حضرتك وضحت .... سير كاتينة 91 سنة ( تقريبا ) ... سير باور و سير و تكييف و كمان بلية سير كاتينة ... و دى لازم تتغير مع كل غيار سير كاتينة ... علشان البلية عمرها اطول شوية من السير .... بس مش حتكمل غيار 2 سير ....
بمعنى .. سير الكاتينة الاصلى فى اللانسر ... زى ما المانيوال بيقول ... بيتغير كل 80 الف كم ... البلية الاصلية ممكن تفضل معاك لغاية 120 الف من غير مشاكل ... بس مش حتكمل لغاية 160 الف كم
فانا بريح دماغى و اغير البلية دائما مع تغيير السير

وش تقسيمة الكاتينة .... 2 غطاء بلاستيك بيغطى السيور ... علوى و سفلى

الشغل فى السيور بيكون دمه تقيل شوية علشان المكان بيكون ضيق شوية
انا متفق مع حضرتك تماما فيما ذكرته عن العفشة و عن بقية الحاجات ....

سلك البوجيهات احيانا بتكون فيه مشاكل .... اخيانا بيغيروا الاسلاك دى باسلاك تقليد ... و دى بتكون رديئة شوية ... فيه فى السوق سلك بوجيهات صينى ب 40 جنيه !!!!!!
السلك الاصلى عمره طويل

المشاركة الأصلية كتبت بواسطة huelsayed

جزاك الله كل خير على افادتك ليا
معلش انا خبرتي زيرو في العربيات للاسف وبحاول ان مايضحكش عليا بسؤالي لاهل الخبره امثالكم نفعنا الله بخبرتكم وجزاكم الله عنا خيرا
انا بالنسبة لطقم الكاتينة كان بيتكلم ف طقم السيور وبالنسبة للعربية مش بتخبط ف المطبات العادي
انا همشي بنصيحتك هادور على حد محترم بتاع زوايا واكشف على العفشة من خلاله وهتبقى دي اول خطوة
ونفسي الاقي حد يراعي ربنا ف مهنته ويقول على اللي محتاجاه العربية من غير مايستسهل
ويطلب تغيير كل اللي ف العربية

ومره تانية جزاك الله خيرا

المهندس احمد عبد الفتاح جاب من الاخر ....
اما بخصوص صنايعى محترم و بيراعى ربنا ..... فلك الله ...
لازم يتضحك عليك مرة و اتنين .... و القاعدة العامة ... محدش بيتعلم ببلاش