الناس اللي فاهمه في صوت تكتكه صادر من العلبه الصغيرة ورا الثلاجه ما السبب

اقتباس:

---

المشاركة الأصلية كتبت بواسطة q&q

يا ريت يا حبزا تكتب نوع الثلاجة وهل هي توفروست ولا أيه

---

كريازي نوفروست ١٨ قدم

اقتباس:

---

المشاركة الأصلية كتبت بواسطة elawany13

هي كريازي؟
رفع درجه التبريد مش هيفيد بحاجه
المشكله ديه بتحصل لما تنسي باب التلاجه مفتوح او مش مقفول كويس
الصح انك تفصلها خالص يومين تلاته وتسيب التلاجه مفتوحه
وتنشفها بعد كده وتشغلها هتلاقيها زي الفل

---

هي فعلا كريازي بس باب التلاجه متأكد ان بيبقى مقفول التجميد شبه منعدم كيس ماء اتجمد بنسبة ٤٠ ٪‏ بعد ٤٨ ساعه !!!!!!

خايف يكون الاستبليزر السبب مظهرتش المشكلة غير لما جبته بعدها بيومين بس التلاجه بتستحمل ٢٤٠ فولت وهو عمره ما بيعدي ال ٢٤٠ نهائي

العلم عند الله بقى

اقتباس:

---

المشاركة الأصلية كتبت بواسطة imnotim

هي فعلا كريازي بس باب التلاجه متأكد ان بيبقى مقفول التجميد شبه منعدم كيس ماء اتجمد بنسبة ٤٠ ٪‏ بعد ٤٨ ساعه !!!!!!

خايف يكون الاستبليزر السبب مظهرتش المشكلة غير لما جبته بعدها بيومين بس التلاجه بتستحمل ٢٤٠ فولت وهو عمره ما بيعدي ال ٢٤٠ نهائي

العلم عند الله بقى

---

ده عيب صناعه فى جميع تلاجات كريازى
فيه تلج بيسد مجرى التبريد وبيضعف كفائة التبريد تدريجيا
المفروض فيه سخان لأذابه هذا التلج بس بسبب عيب صناعه فى جميع التلاجات من هذه الماركة بتحصل المشكلة ديه كل فترة
والحل زى ما قولتلك حاول كل فترة لما تسافر للمصيف مثلا تسيبها مفتوحة علشان التلج اللى فيها يذوب
وممكن لو مستعجل عليها بمياه فاترة تحطها فى الديب فريزر وهتنزل على التلاجه وتكررها لحد ما تحس ان المياه مبقتش بتنزل باردة وده معناه ان التلج ذاب

اقتباس:

---

المشاركة الأصلية كتبت بواسطة elawany13

ده عيب صناعه فى جميع تلاجات كريازى
فيه تلج بيسد مجرى التبريد وبيضعف كفائة التبريد تدريجيا
المفروض فيه سخان لأذابه هذا التلج بس بسبب عيب صناعه فى جميع التلاجات من هذه الماركة بتحصل المشكلة ديه كل فترة
والحل زى ما قولتلك حاول كل فترة لما تسافر للمصيف مثلا تسيبها مفتوحة علشان التلج اللى فيها يذوب
وممكن لو مستعجل عليها بمياه فاترة تحطها فى الديب فريزر وهتنزل على التلاجه وتكررها لحد ما تحس ان المياه مبقتش بتنزل باردة وده معناه ان التلج ذاب

---

الف شكر على المعلومات بس المشكلة مظهرتش غير بعد ما جبت الاستبلايزر بيومين فمش عارف هو السبب ولا دي مجرد صدفه لان باقي الاجهزة تمام مفيش مشاكل منها انا كلمت الفني هشوف رائيه ايه برده لو مجاش هجرب طريقتك وابلغك بالنتائج

اتوقع ان الكهربا عتدك بتضعف كتيير والاستبليزر بيقاوم معاها وبتسمع فى التلاجة حاول تغيير مكان التلاجة لمكان تاني (فيشة تانية) وجرب

اقتباس:

---

المشاركة الأصلية كتبت بواسطة elawany13

ده عيب صناعه فى جميع تلاجات كريازى
فيه تلج بيسد مجرى التبريد وبيضعف كفائة التبريد تدريجيا
المفروض فيه سخان لأذابه هذا التلج بس بسبب عيب صناعه فى جميع التلاجات من هذه الماركة بتحصل المشكلة ديه كل فترة
والحل زى ما قولتلك حاول كل فترة لما تسافر للمصيف مثلا تسيبها مفتوحة علشان التلج اللى فيها يذوب
وممكن لو مستعجل عليها بمياه فاترة تحطها فى الديب فريزر وهتنزل على التلاجه وتكررها لحد ما تحس ان المياه مبقتش بتنزل باردة وده معناه ان التلج ذاب

---

الكلام دا سليم في دايرة الكهربا للنوفروست وكدا يبقى السبب للعطل يا السخان قاطع او الثرمودسك ودا حساس فصل الكباس و اذابة الثلج وتشغيل دورة السخان وممكن يكون التايمر معلق الكونتاكت بتاعه عايز يتصنفر والثرموستات ممكن يكون مش مزبوط
لكن لو نوع التلاجه ديفروست ودا اللي انا خايف منه اللي هي زي التلاجات القديمه بس تلجها قليل لدرجه يكاد يكون معدومه فدا عيب ثرموستات بيعلق او بيزود زمن تشغيل الكباس

ياريت صور للتلاجه وصور للخريطه بتاعة الدايره الكهربا بتاعتها من ورا هتلاقي ورقه مرسوم عليها الكلام دا في الظهر
وياريت صوره للعلبه الفل اللي طالع منها الصوت وصوره للفيرز و وكابينة التلاجه من جواها واضح فيها مفتاح الثرموستات

ها ايه الاخبار يافندم طمنا ؟