الموضوع: تغيير الزيت لخبراء الاوبترا

المشاركة الأصلية كتبت بواسطة dr.solom

الباشا جابلك من الاخر
اوعى تحط المعدنى وانت معود موتورك على التخليقى ومحافظ عليه

وحتى لو كان بيستخدم زيت معدني قبل كده... مفيش حاجة تمنعه يستخدم التخليقي غير 4 حاجات...

1. إن الموتور يكون بياكل زيت (عايز عمرة).. ويبقى وضعك لزيت تخليقي غالي يعتبر إسراف .. في حين إنك ممكن تحط زيت معدني يأدي الغرض بنص السعر أو أقل .. لحد ما تعمر الموتور.

2. إن الموتور يكون بيسرب زيت بسبب تهالك الجوانات والأويلسيلات بتاعته... والكلام ده أحيانا بيحصل بعد ما تحط الزيت التخليقي في الموتور... لإن بعض أنواع الزيوت التخليقية بتظهر تشرخات الجوانات والأويلسيلات القديمة... ودي حلها إنك تغير كل الجوانات والأويلسيلات بتاعت الموتور...

3. إن لزوجة الزيت التخليقي المتاح ما تكونش من ضمن اللزوجات الموصى بيها في كتالوج العربية.

4. إن مستوى جودة الزيت التخليقي أقل من مستوى جودة الزيت المكتوب في الكتالوج.


غير كده تقدر تغير للتخليقي في أي وقت... حتى ولو كان الموتور بقاله 30 سنة شغال.

...