الموضوع: ياريت مساعدة فى صيانة اللوجان

السلام عليكم ورحمة الله وبركاتة
محتاج مساعدتكم يا اهل اللوجان انا لسة جايبها موديل 2013 ماشية 70 الف كيلو
انا سالت فى خدمة عملاء رينو على الصيانة قالى لازم تيجى بالعربية ودة بالنسبالى دلوقتى سفر ياريت الى يعرف الصيانات الاولية دى ممكن تتعمل فين قريب من المعادى زى سير الكتينة و سير الدنمو وفلتر البنزين والزيت وزيت الفتيس والباور والماتور واية افضل نوع للوجان ولو طقم بوجيهات انا بس مش عايز غير الاسعار وافضل مكان عشان الحقها لان امبارح زودت ماية لقتها كلها هببت صدء وبقى لونها بورتقالى ومش عارف دة سببة اية وعلاجة اية

المشاركة الأصلية كتبت بواسطة adel_edrees

هو بالنسبة للتوكيل فى التوكيل بتاع المقطم و ده 5 دقايق من المعادى القطامية 15 دقيقة من المعادى فرنش موتورز الرحاب 25 دقيقة من المعادى ده لو أنت عايز التوكيل أو مراكز الخدمة المعتمدة
لو أنت عايز بره الحاجات دى فى صقر قريش المعادى حتلاقى فيها ميكانيكية كتير بيفهموا فى الرينو
الخاجات اللى لازم تبص عليها زيت الباور زيت الموتور زيت الفرامل و كل ده بتعرفه لما بتشوف مقاس كل جاجة على حدة
زيت الموتور توتال زيت الباور موبيل أو جنك أمريكى و تكشف على طرمبة الميه
زيت الفرامل نا أعرفش أيه أحسن حاجة أهم حاجة تشتريها أصلى من التوكيل هما ثلاث حاجات سير الكاتينة و بلية الشداد و البوجيهات بالنسبة للميه حتروح لواحد ردياتيرات محترم يغير لك الميه بميه حمراء مستوردة من موبيل و شوف الأخوة الزملاء يحبوا يضيفوا حاجة أو يعدلوا حاجة أو يلغوا حاجة و ربنا معاك و بالتوفيق أن شاء الله و يديك خيرها و يبعدك عن شرها

شكرا يا استاذ عادل على ردك انت رتبت افكارى شوية معلش لو مفهاش تعب اسعار سير الكاتينة وبلية الشداد والبوجيهات هتبقى فى حدود كام وسير الدنمو حضرتك متكلمتش علية وسؤال اخير راى حضرتك انزل صقر قريش واتعامل فى الحجات دى الزيوت والسيور والريداتير ولا اروح بكرة مركز معتمد يخلص الموضوع دة وهيبقى فى حدود تكلفة كام لان الميزانية خربت شوية بعد العربية
اة كمان العربية كان بيتحطلها زيت شل الجركن الاسود كدة اية الافضل التوتال ولا الشل ؟