لسه مستجد فى المتسوبيشى
تحياتى لكل الشاركاويه
ارجو ان تتقبلونى واكون ضيف خفيف عليكم
عرض للطباعة
لسه مستجد فى المتسوبيشى
تحياتى لكل الشاركاويه
ارجو ان تتقبلونى واكون ضيف خفيف عليكم
اهلا و سهلا بيك شاركاوى او اوبلاوى ... نتعلم و نتبادل الخبرات
انا معجب بقسم الاوبل ... كان فيه شغل و الناس كانت بتبزل مجهود و بتفكر و تعدل حاجات كتير .... و بالفعل .. الحاجة ام الاختراع
الدنيا فى السيارات اليابانى مختلفة شوية عن الالمانى .... انا كمان لسة بتعلم حاجات عن الشارك :)
اهلا بيك م.احمد وشكرا على الرد وعلى زوقك
اكيد اليابانى مختلف
احسن فى حاجات واقل فى حاجات
وعارف انى مش هعوض ثبات الاوبل بصراحه كان ثبات خرافى
والشارك ميزتها الجامده فى التكيف وعيبها فى الشنطة الصغيرة
العفو يا فندم
حتلاحظ بنفسك فروق جوهرية فى فكر التصميم .... و كمان فى الصيانة
انا معنديش معلومات تفصيلية عن الشارك تحديدا .... و لكن كلامى عام ... و مبنى على بعض التجارب فى الاوبل .. و تجارب كتير فى اللانسر
اليابانى عموما ... يتميز بالبساطة فى التصميم و التركيب ... عدم استخدام التكنولوجيا الالكترونية بكثافة و كمان الاعتماد عليها بشكل اساسى ... بالفعل الحاجات دى بتخلى العربيات الاوربى متميزة ... بس بتكون حساسة شوية ... العربيات دى محتاجة مستخدم مختلف شوية
بيه كدة فى نفسه .... يطلع بالعربية على التوكيل على طول من سكات
من المشاكل الى كان دمها تقبل فى الاوبل ... ماستر الدبرياج العلوى و السفلى ... قصة كبييرة فى الفك و التركيب
فى اليابانى ( الميتسوبيشى ) ... الدنيا افضل كتير فى الفك و التركيب
علشان كدة بيعجبنى مجهود قسم الاوبل ... الناس بتواجه مشاكل .. و بتسعى انها تحلها بنفسها و تدور على بدائل و عملا بمبدأ الحاجة ام الاختراع ... مفيش قطع غيار .... غلو بعض قطع الغيار ... مفيش استيراد
اما فى اليابانى ... الدنيا اسهل كتيييييير ... الاستيراد مغرق الدنيا ... قطع الغيار على كل لون ... بداية من الاصلى و حتى الصينى المضروب ... كله ماشى
انا شفت ناس بتركب اسوأ انواع قطع الغيار للانسر ... العربية ماشية ..هى صحيح ماشية بتعرج .... بس ماشية !!!
اعذرنى .... انا كلاسيكى و تقليدى ... بحب اشتغل بنفسى فى العربية و بحب العربيات القديمة :)
اهلا بيك فى عالم اليابانى
الجروب بتاع الشارك عادة نايم
لان الشارك عربية بنت ناس مبتقلش باصلها ومتبزعلش صاحبها
مبرووووووووك