اقتباس المشاركة الأصلية كتبت بواسطة إبراهيم المصرى مشاهدة المشاركة
[overline]زى ايه الفروق الجوهرية يا بشمهندس لنستفيد وتعم الفائده بالاخص نقاط قوة وتميز الشارك ؟[/overline]
انا معنديش معلومات تفصيلية عن الشارك تحديدا .... و لكن كلامى عام ... و مبنى على بعض التجارب فى الاوبل .. و تجارب كتير فى اللانسر

اليابانى عموما ... يتميز بالبساطة فى التصميم و التركيب ... عدم استخدام التكنولوجيا الالكترونية بكثافة و كمان الاعتماد عليها بشكل اساسى ... بالفعل الحاجات دى بتخلى العربيات الاوربى متميزة ... بس بتكون حساسة شوية ... العربيات دى محتاجة مستخدم مختلف شوية

بيه كدة فى نفسه .... يطلع بالعربية على التوكيل على طول من سكات

من المشاكل الى كان دمها تقبل فى الاوبل ... ماستر الدبرياج العلوى و السفلى ... قصة كبييرة فى الفك و التركيب
فى اليابانى ( الميتسوبيشى ) ... الدنيا افضل كتير فى الفك و التركيب
علشان كدة بيعجبنى مجهود قسم الاوبل ... الناس بتواجه مشاكل .. و بتسعى انها تحلها بنفسها و تدور على بدائل و عملا بمبدأ الحاجة ام الاختراع ... مفيش قطع غيار .... غلو بعض قطع الغيار ... مفيش استيراد

اما فى اليابانى ... الدنيا اسهل كتيييييير ... الاستيراد مغرق الدنيا ... قطع الغيار على كل لون ... بداية من الاصلى و حتى الصينى المضروب ... كله ماشى
انا شفت ناس بتركب اسوأ انواع قطع الغيار للانسر ... العربية ماشية ..هى صحيح ماشية بتعرج .... بس ماشية !!!

اعذرنى .... انا كلاسيكى و تقليدى ... بحب اشتغل بنفسى فى العربية و بحب العربيات القديمة :)