ما هو موديل اللانسر الاكثر ثباتا؟؟؟؟؟
عرض للطباعة
ما هو موديل اللانسر الاكثر ثباتا؟؟؟؟؟
مجربتش الشارك ولكن معايا بومه 1600 2006 و خالى معاه كرستاله 99 و بالتجربه أقدر أقول ان البومه ال1600 أثبت حاجه لو خرجنا الشارك بره المقارنه والكريستاله أكثر رشاقه فى الاستجابه للمناورات والغرز ولكن ساعه الجد بتكتشف ان البومه فعلا أثبت و المكواه ماعرفش هى أفضل من الكريستاله ولا لأ و لكنها أقل من البومه ال1600 و ممكن تتساوى مع البومه ال1300
ملحوظه هامه:(البومه ال1600 من أول موديلات 2006أثبت من ال1300 لأن ال1600 جنوطها 15 بوصه و أعرض و ال1300 14 بوصه و أرفع و ال1600 فيها عمود اتزان خلفى غير موجود فى ال1300 و ال1600 عفشتها رياضيه و أنشف من ال1300 )
وأكيد عيون صفيه أقلهم ثبات لأنها ملحقتش عفشه المتسوبيشى الشهيره فى التعليق المستقل متعدد الوصلات للعجل الخلفى و عفشتها الخلفيه عباره عن أكس ماسك العجلتين ببعض وخلاص شبه العربيات الجر الخلفى اللى فيها الأكس و الكورونه حته واحده بس طبعا مفيش كورونه لأنها جر أمامى.
بالنسبه للي جربتهم بالترتيب حسب قوه المناورات
كريستاله
بطه
بومه
يعني البومة ثابتة؟؟
بالنسبة لتجاربي معاهم وكلهم على طريق بورسعيد القاهره
الكريستالة افضلهم
المكواه
البوما وحشة جدااااااااااااااااااااااا ا 1300 الي جربتها
والشارك معرفش عنها حاجه ولا ركبتها اساسا
كل واحد معاه موديل حيقول ده احسن حاجة واكثر ثباتا أكيد طبعا
بس المنطق و الواقع بيقول ان لانسر شارك أثبت واحدة
السلام عليكم انا بصراحة شايف ان البطة راسية جدا انا شخصيا جبت بيها 155ك في طريق العاشر ومكنتش حاسس بحاجة وخفت ازود عن كدة وفي واحد صاحبي معاة كريستالة وعشان يوصل ل140ك بيقفل الزجاج ودة عن تجربة اما بالنسبة للبومة 1300انا سوقتها بس مجريتش بيها بس بصراحة خفيفة جدا لاني كنت قبليها معايا نوبيرا فحسيت بالفرق الشديد في الثبات وارجو ان حد يرد عليا ويقول راية في الكلام دة وشكرا:Ta_clap[1]:
بصراحة يا جماعة أنا ما شوفتش زي المكواة بجد تحفه وأصلي في كل حاجة وهب أحسن واحدة في اخواتها بس لسه ما جربتش الشارك بصراحة
واضح ان البومة واخدة اصوات كتير بس في ناس بتقول وحشة طيب ازاي؟؟
اخوانى الكرام عن تجربه شخصيه بعيدا عن الانسر الشارك
اولا بلا منافس
1- الكريستاله 99(مناورات وغرز زى الفل) على اى سرعه لغايه140
2-المكوه
3-البطه
4-بوما 1600 كامله رياضيه
عن تجربه شخصيه وذللك فى مجا ل ايجار السيارات
انا شايف لانسر شارك على الطريق الدولى ماشى 180 و كانت ثابته شكلا (يعنى انا شايفها من برا لا بتنط ولا مرفوعه اوى عن الارض ولا حاجه)بس جه فى الملفات الى على الطريق هدا خااااااااالص كان بياخدها على 140 او 150 هههههه و انا معاه باوكتافيا .
اعتقد ان الشارك اثبتهم لانى بشوف بومه و الى قبلها ماشييين 120 ولا 130 و العربيه مرفوعه اووووووووووووووووووى عن الارض و ده يسهل انقلابها او عومانها.
و الله اعلم بس انا مبعترفش بثبات اليابانى.
يا باشا واضح انك راكب المانى سكودا واوبل ماشى احلى ثبات ومحدش يتكلم بس ده مش معناه ان ثبات اليابانى ضايع مش للدرجه ديه حضرتك اليابانى محترم وثباته كويس ومحترم جدااااااااااا لانسر وتويوتا وهوندا وفيهم عربيات تتفوق على الالمانى كمان يا باشا ومع احترامى الكبير جدااا لالمانى طبعا وحضرتك ممكن تجرب الاول وتحكم مش موضوع اسامى وبس وتقبل تحياتى وكلامى ووجهة نظرى ومشكور
انا اسف يا باشا لو كنت عبرت عن رأيى غلط بس انا اقصد ان غالبا الالمانى بيكون اثبت من اليابانى بسبب تقل وزن العربيه (و ده بيرجع على حساب الراحه و السحب)و كمان الالمانى ثباته بيكون ان العربيه بتمسك فى الارض جامد حتى مع السرعات و تاثير الطريق بيكون فيها قليل على عكس اليابانى (فكره الثبات مختلفه عن اليابانى شويه)انما اليابانى عربيات محترمه و محدش ينكر انها بتتفوق على الالمانى فى بعض الحاجات زى الليكزس مثلا و عربيات تانيه كتير .
اما عن موضوع التجربه فانا جربت كورولا 2005 و بصراحه ثباتها معجبنيش انما فى عربيات انا واثق من ثباتها زى الكورولا الجديده و السيفيك .
تقبل احترامى و اعتذارى عن تعبيرى بطريقه مش واضحه.
لانسر شارك
انا شايف ان معظم الي صوتوا للبومه مجربوش الشارك
الشارك افضل ثبات وانعم من البومه وفي الراحه الداخليه للركاب قدام وورا افضل بكتييييير من البومه
والتعليق الخلفي للشارك راااائع بمعني الكلمه هات اوحش طريق في مصر وركب 2 او 3 ورا واراهن اذا حسوا بحاجه وعلى سرعات عاليه كمااان
الشااارك بصراااحه جاااامده بس تفضل لانسر ولا ترقى الى العربيات الي في مستواها من ثبات وعفشه ناعمه وفي نفس الوقت ثابته
يا جماعة يعنى اللانسر 1300 ديه زى الزفت وفعلا العفشة بتاعتها مش زى ال 1600
يعنى يا جماعة ماشتريهاش - ده انا كان نفسى فيها وهيه اللى على قد فلوسى
طيب ممكن اشترى لانسر 1600 مستعمل ب 73000-76000 بس
وانا رايي ال 1300 احلى بكتير من 1600
عشان عفشه ناعمه ورايقه وزي الفل كل الي محتاجاه جنط وتبقى زي الفل واجري ومتاخدش غرز
انما 1600 العفشه السبورت فعلا مرهقه
انا جبت بالبومه 170 على طريق الاسماعليه القاهرة و ثباتها زى الفل
الكريستالة افضل فى المناورة والملفات على سرعات عالية عن تجربة
انا ما جربتش غير الكريستالة و بالتالى حكمى على سيارة واحدة مش كل الانواع المذكورة
البومه بلا منازع D: (السوبر اكشن بس !!)
اولا ياجماعة اللانسر الشارك وحشة جدا وناشفة جدا وضيقة جدا وعن تجربة ومش رايى لوحدى
انا واحد صاحبى عندة مكتب ايجار ولسة كان جايب واحدة
مشكرش فيها نهائى وضيقة جدا من ورا وثباتها معقول تقريبا موازى الى لانسر البومة واكتر منة حاجة بسيطة بس انا بحب ثبات الكريستالة عنها
وكفاية انها العربية اللى حببت الناس فى الانسر
واوطى من الانسر البومة فثباتها اعلى
الكريستاله أثبتهم
إللى بيقول أنا جبت (150 مثلاً) و خفت أزود عن كده يبقى تقريباً جاب آخر ال stability بتاعت العربية.
(ده رأى شخصى)
أنا معايا بومة 2007 و كان آخرى معاها 185 قبل الكيلو 4.5 طريق السويس (راجع تجاه القاهرة)
ماكذبش عليكو..... كنت ماسك الدركسيون بإيديا الإتنين :C_laugh[1]:
الكريستالة بكاوتش 14" عريض شوية ثابتة جدا جدا و احسن من البومة بنفس عرض الكاوتش و على نفس السكة
إللى بيقول أنا جبت (150 مثلاً) و خفت أزود عن كده يبقى تقريباً جاب آخر ال stability بتاعت العربية.
السلام عليكم لا يا باشا العربية كان لسةفيها بس انا خفت اجري ازيد من كدة لكن كانت ثابتة جدا علي الارض وكانت علي 155
أنا عن نفسي مجربتش غير البوما وكان ثباتها زبالة وزفت بمعنى الكلمة تعويم من هنا لبكره الصبح مع العلم إني جربت حوالي 3 لانسر بوما وكلهم نفس الموضوع في الثبات :_Alshmokh08[1]:
ياسلام لو سايق البوما في طريق مش ممهد قوي العربية حتنطط طنطيط وكأنك راكب مراجيح المولد بجد أديها في الثبات 0 من 10
يا سعادة الباشا الحكم على ثبات العربيه مش بكونها بتتنطط و لا لأ لأن لو الطريق فيه مطبات هواء كتير لازم تتنطط لأنها مش BMW ولا مرسيدس و لكن العبره بأن الكاوتش ما بيسيبش الأسفلت مهما كان مطب الهواء جامد و العربيه بتنزل بكل تقل فى المطب و طبيعى انها بعد ما تطلع من المطب بسرعه عاليه تتنطط مرتين ولا حاجه و على فكره لو جربت تاخد بيها ملف جامد على أرض غير ممهده و هيه بتتنطط مش هتتزحلق و هتكتشف ان العجل ماسك فى الأرض كويس جدا......... انت ممكن تركب عربيه لادا مثلا و هتلاقيها رزيه على الطريق و مش بتنطط خالص و عند أول ملف على سرعه تلاقيها لفت و اتزحلقت و لو فيه مطب هواء جامد مش هتتنطط بس هتتقلب علطول....... واضح ان حضرتك بتخاف من تنطيط العربيه عشان كده مش حاسس فيها بالأمان و لكن العبره بالتماسك فى المنحنيات و عدم انهيار هذا التماسك مهما كانت ظروف الطريق وعره و مهما كانت سرعتك عاليه و الانسر بتحقق ده رغم تنطيطها اللى فى رأييى مش جامد زى ما بتوصف (أمال تنطيط الاكسل يبقه ايه؟!)
عن تجربة لجميع موديلات اللانسر من البطة للشارك مفيش وجه للمقارنة في الثبات بين الشارك واي موديل تاني في اللانسر كفاية انها اعلى تكنولوجي وتطور فيهمو معتقدش شركة كبيرة زي ميتسوبيشي هترجع لورا
انا عن نفسى ولله الحمد ركبت الكريستالة والبومة مالشارك بس بجد احلى ثبات شفته كان للبومه الاسبورت ال 1600
بومه و شارك بس الشارك اكثر ثباتا من وجهة نظري.....
اتوقع ان تكون شارك
شارك بكل تأكيييييييييييييييييييييي ييييد
هو الثبات نسبى انما بعد 120 كلهم مش ثابتين