الموضوع: مشكلة موتوسيكل هاوجيانج صيني

لدي مشكلة عويصة وغريبه في الموتوسيكل وقمت بالذهاب لأكثر من صنايعي والموتوسيكل يعمل ثم بعد ركنه لمدة ساعة او اثنين تعود المشكلة كما هي.

الموضوع بدأ عندما قررت تغير وش الموتور من ناحية الملف (الجنب الشمال) لأن القديم كان به شرخ صغير ويسرب زيت، بعد تركيب الوش عند اول صنايعي بساعتين لم يعمل الموتوسيكل مرة أخرى لا مارش ولا منفله ، قمت بالذهاب لصنايعي آخر فقال أن الأول اتلف ملف الكهرباء الذي يتم تركيبه في الوش الذي تم تغييره، قمت بشراء ملف آخر جديد وركبه وعمل الموتوسيكل لمدة ساعة أخرى فقط ثم توقف تماما لا مارش ولا منفله !!

تأخر الوقت وأغلقوا محلاتهم ولا اعرف أين العطل إلى الآن وكل صنايعي أحاسبه ثم يعود العطل من جديد مرة أخرى بعدها بساعه او اثنين و (بجد حاجه تخنق ولا حد فاهم حاجه) !!

هل من مساعده

أنا صلحت المشكلة لكنحبيت ارجع اكتب خليت المشكلة ازاي لأن أنا كنت تعبان جدا وانا بدور على مشاكل الموتوسيكل وحلولها وأنصح أصحاب المجال ده بالكتابه على النت أكثر لأن فيه فقر في المجال ده وعدم اهتمام خصوصا بالموتوسيكلات الرخيصه زي الهاوجيانج والدايون والمكن الشعبي ده .. أغلب اللي مكتوب كان عن الريس والهوندا والمكن الأربعه سلندر الباهظ الثمن ..

المشكلة كانت قفله وتوصيل رديء للأوكتافير وده مكعب اسمر بيكون عندي في المكنه بتاعتي تحت الكرسي وساعات بيكون في أماكن تانيه في موتوسيكلات أخرى .. بالإضافة إلى أن البطارية كانت عاوز تتشحن، وكمان الموتوسيكل كان محتاج ضبط وتنظيف الكربراتير ..

مشكلة عدم دوران الموتوسيكل لا مارش ولا منفله (زق فقط) السبب الرئيسي فيها كان الأوكتافير ( قفلة سلكين على بعض وتوصيل رديء )

مشكلة تبطيل الموتوسيكل بعد دورانه بالزق كان سببها عدم نضافة الكربراتير وعدم ضبط سلانسيه البنزين ومسمار الهوا ..

متأسف على رفع الموضوع مرة أخرى لكن حبيت أنقل الإفاده لأي حد بيبحث عن المشكلة دي .. تحياتي