أنا ناوى أجيب كيا سيراتو فاكنت عايز أسأل أخبار العربية مع المطبات اللى فى بلدنا ايه عشان انا حاسس انها واطيه على الارض شوية
أنا ناوى أجيب كيا سيراتو فاكنت عايز أسأل أخبار العربية مع المطبات اللى فى بلدنا ايه عشان انا حاسس انها واطيه على الارض شوية
شكل 2016 وله شكل 2017 الى مسمى تحت اسم تحديثات منصف العمر فيس لفت يعنى سواء 16 او 17 ارتفاعهم عن الارض نوعا ما متوسط مش عالى هيا 14 سنتى بضبط مع الحمل الكتير العربيه هتبدى تحك شويه فى المطبات العاليه انما الواطيه لا عاء تعدى والقرار قرارك والف مبروك مقدما سواء سيراتو او لا تقبل مرورى
مقاس الكاوتش اللي راكب على الجنط الـ17 بيخلي العربية أوطى شوية من الفئات بتاعت الجنط الـ16 والـ15
ده الجنط الـ16
http://www.kia-world.net/wp-content/...ato-wheels.jpg
وده الجنط الـ17
http://www.cars.com/crp/vp/images/14...rte/wheels.jpg
مقاس الكاوتش اللي بييجي في العربية هو:
جنط 15: 195/65R15
جنط 16: 205/55R16
جنط 17: 215/45R17 .... المقاس ده بيخلي خلوص الأرض أقل بحوالي 3.5 مم من المقاسات التانية.
لو نويت على الجنط الـ17 ممكن تغير مقاس الكاوتش إلى 225/45R17... وبكده يبقى نفس ارتفاع الـ16 والـ15 بالضبط.
...
هل ال 225 ارحم شويه فى موضوع ظهور البالونه .. ام نفس الوضع ؟؟اقتباس:
المشاركة الأصلية كتبت بواسطة borio1704
تحياتى و اعزازى
اقتباس:
المشاركة الأصلية كتبت بواسطة tasaka
على حسب معلوماتي. .. الناس اللي جربته مبسوطة بيه جدا ومشاكل البلالين اختفت بنسبة كبيرة.
...
شكرااقتباس:
المشاركة الأصلية كتبت بواسطة borio1704
اخويا فى اسبوعين مغير فردتين السنه دى ..
و فردتين السنه اللى فاتت خلال شهر
انا محصلش معايا اى حاجه الحمدلله والعربيه ماشيه كويس جدا مشكلتها حاجه وحده مع تحميل الكتير بتبقى العربيه واطيه بجد زى شكل القديم والشكل فيس لفت نفس الحكايه انما موضوع بلالين والحاجت دى دى منك انت كسواق انت تحاسب نفسك من الحفر والمطبات حتى لو راكب عربيه ايه حاسب نفسك من الحفر مطبات مثلا ازاز مكسور ف شوارع حاسب نفسك من الحجات دى والباقى سبها على الله
يا جدعااان 215 و 225 ده عرض مقاس او رقم عرض الكاوتش ،، ملهوش دعوه بالارتفاع او الخلوص اللي ليه دعوه مقاس الجنط 16 او 17 او الرقم الثاني اللي هو 69 او 50 او 45 او 40 ده سمك العجله الكاوتش من برا ،، وعلي فكره لازم تلتزم بالمقاسات المقرره للسياره و المكتوبه بها سواء بالسياره او الكتالوج ،، و علي فكره الجنط 15 او 16 او 17 هو هو نفس الخلوص او الارتفاع عن الارض ،، كل اللي فارق هو ان الجنط بيكبر الكاوتش سمكه بيقل او العكس وايضا ال الجنط ال 17 عرض الفرده بيكون اكبر ،،، لكن الخلوص هو هو ،،، مترفعوش عليا الضغط بقاااا ،، اللي فاهم و عارف و متأكد يكتب .. مش عيب ابدا .. لكن الفتي ده بيكلف الاعضاء فلوس و يرجعوا يدعوا علينا ...
على فكرهاقتباس:
المشاركة الأصلية كتبت بواسطة ahmedjuddy
فى موضوع ممتاز فى المنتدى عن الكلام ده
ارتفاع الكاوتش ( 50 او 45 او 40 ) .. ده ليه معادله و بيكون نسبه من عرض الكاوتش 215 و 225
يعنى ارتفاع العجله بيتأثر بعرضها .. و ملوش علاقه بمقاس الجنط
ده اقتباس بيبين المعادله
اقتباس:
المشاركة الأصلية كتبت بواسطة borio1704
و ده رابط الموضوع .. يستحق القراءه
http://www.nilemotors.net/Nile/314476-a-5.html
ههههههههههههههههههههههه يعني لو ركبت علي جنط 17 كاوتش عرضه 215 هيبقي نفس أرتفاع اللي عرضه 225 علي نفس الجنط ؟!!!اقتباس:
المشاركة الأصلية كتبت بواسطة ahmedjuddy
وكده إحنا اللي بنرفعلك الضغط وبنفتي ؟؟!!! ههههههههههه لاتعليق :36_1_31:
الراجل كلامه صح ،، و هو هو نفس كلامياقتباس:
المشاركة الأصلية كتبت بواسطة tasaka
ايه الغلط في اللي انا قلته بقااااا ....
صبااااااح الفل ،،، كلنا بنفطر نفس الفطااااار بالظبط ...اقتباس:
المشاركة الأصلية كتبت بواسطة graffittiii
ساعيد التوضيح من جديد .. ده اقتباس كلامكاقتباس:
المشاركة الأصلية كتبت بواسطة ahmedjuddy
بص على الجمله باللون الازرقاقتباس:
المشاركة الأصلية كتبت بواسطة ahmedjuddy
مبدئيا مقاس الجنط ملوش علاقه بحساب ارتفاع الفرده الكاوتش
ال 40 و50 و 60 .. دى بتعبر عن نسبه مئويه من عرض العجله .. يعنى 40% و 50% من عرض العجله .. الرقم الناتج ده هو مقاس ارتفاع الكاوتش
يعنى 40% من عرض 215 .. غير 40% من عرض 225 ..
يعنى ارتفاع الفرده ( الكاوتش ) ال 225 حيكون اكبر من ارتفاع الفرده ( الكاوتش ) 215 .. و الاثنين لنفس مقاس الجنط ولنفرض انه 17 مثلا
و بالتالى .. الخلوص ممكن يختلف طبقا ( لرقم عرض العجله .. و رقم 40 او 50 اللى هو النسبه المئويه للارتفاع )
ارجو ان المعلومه تكون وصلت
اقتباس:
المشاركة الأصلية كتبت بواسطة AHMEDJUDDY
معلش.. ماهو اللي كاتب الكلام في الموضوع ده هو نفسه اللي كاتب الكلام في الموضوع اللي في اللينك... اللي هو أنا سيادتك :)..
حضرتك أكيد مش واخد بالك إن قطر الكاوتش الخارجي هو اللي بيحدد ارتفاع العربية. .. وإن الجنط مالوش دعوة في الحتة دي خالص..
ببساطة كده لما تعرف مقاس الكاوتش ده بيعبر عن إيه هتعرف علطول إنها معادلة بتحسبلك عرض الكاوتش وقطره الإجمالي وقطر الجنط ...
المعادلة مرة تانية .. وياريت تقراها بالراحة...
القطر الإجمالي لفردة الكاوتش = (2 × عرض الكاوتش × نسبة البروفايل) + قطر الجنط
من هنا نعرف إن عرض الكاوتش له دخل في ارتفاعه..
ولو عايز تحافظ على نفس القطر وانت بتزود العرض يبقى لازم تقلل نسبة البروفايل.
ده بافتراض إنك حافطت على نفس قطر الجنط.
عموما.. افتح الplay store بتاع الأندرويد ودور على برنامج لحساب فرق مقاسات الكاوتش (tire converter)... هتلاقي برامج بالهبل.. نزل أي واحد وشوف كلامنا صح ولا غلط...
فيه برنامج حلو قوي اسمه tire expert على الأندرويد. . نزله وشوف.
...
على فكره ..اخويا اشترى ميشلان عرض 225 للكارينز ( جنط 17 ) .. الكلام ده من 3 اسابيع تقريبااقتباس:
المشاركة الأصلية كتبت بواسطة borio1704
و خد كام مطب متوسطين .. و لغايه دلوقت مفيش بالونه .. ربنا يسهل
الموضوع بسيط والله ...اقتباس:
المشاركة الأصلية كتبت بواسطة tasaka
انا كان قصدي كل كلمه انا قلتها بس الكلام و المعاني بتاعتي خانتني ،،
في الاول و في الاخر كل اللي احنا فيه ده علشان تفيد بعض .... صبااااح الفل