عرض للطباعة
السلام عليكم
بقالي أكتر من شهر بدور على أي بنك يقبل فتح حساب بدون مفردات مرتب ومش لاقي
لا الأهلي المصري ولا بنك مصر ولا cib ولا كريدي اجريكول الامارات دبي الوطني HSBC كلهم لازم مفردات مرتب
مفيش غير الأهلي اليوناني بس قلقان منه وفروعه وال atm قليله جدا
البطاقة مكتوب في الوظيفة حاصل على بكالوريوس هندسة
حاليا سبت الشغل بقالي فترة وعايز أفتح حساب ومش عارف
ياريت حد يقدر يفيدني
اعمل سجل تجارى واقفله بعد ما تفتح الحساب
بالواسطه كله بيمشي انا حصلت معايا وكلمت خدمة عملاء بنك مصر للاسف متشددين وقالوا مينفعش رحت البنك كلمت واحد مسؤول قلت له ايه الحكاية دي ؟؟ رفع سماعة التلفون سأل موظفه وطلب منها عمل اللازم لي بصراحه رجل محترم وشكرته جدا حاول بس انت مع مدير الفرع او النائب بتاعه او اي موظف ممكن يعديك من المشكلة دي
فكرت في كده بس السجل التجاري موال طويل من إجراءات ومستندات وضرايب وغيرهاقتباس:
المشاركة الأصلية كتبت بواسطة mk3
هي كمان دي بقت بالواسطه :(اقتباس:
المشاركة الأصلية كتبت بواسطة imnotim
عموما هحاول أشوف حد
هو قرار من البنك المركزى بس هو قرار غلط لانه عارف ان البلد دى كلها شغاله من غير ورق رسمى هو صح عالميا انك تبقى مستوفى اوراقك و تتعامل فقط عن طريق البنوك و ده يسهل كل شىء بس برضه كان لازم يبقى عارف و متاكد ان نص البلد ممعهاش الورق ده و هو كده بيجبرهم يحوشو تحت البلاطه و بيخرج تعاملات كتير اوى برا النظام المصرفى الرسمى
وانت واقف بتعملهاقتباس:
المشاركة الأصلية كتبت بواسطة ma7amadk
اقتباس:
المشاركة الأصلية كتبت بواسطة ma7amadk
عن نفسي شغالة ومجربه بس انا كنت عميل عندهم قبل كده وسبتهم وحبيت ارجع لهم تاني يمكن ده اللي خلاه يعدي لي الموضوع لأنهم مشددين على حكاية السجل التجاري وطبيعة عملك في البطاقة
او ريح نفسك وشوف البوسته ده لو مقدرتش تفتح الحساب في بنك
شكرا لكم جميعا
أنا سألت واحد معرفة في البنك الاهلي قالي ممكن تفتح حساب بدون مفردات أول مره وتعدي عادي
بس بعد كده كل مره هتودع فيها فلوس هيقولك جايبها منين والكلام البايخ ده
ممكن يكون قصده لو المبلغ كبير بس قفلني بصراحة بسبب القيود دي وكإن الشعب كله تجار مخدرات أو شغالين في غسيل الأموال
واحد قالي ع البنك العربي الأفريقي هروح واشوف هينفع والا لاء
هما هيستهبلوا يعني ايه جايبها منين ؟ ابويا توفى مثلا وسابها لي هو الميراث حرام ولا ايه ولا البنك بقى سلطة تحقيق ؟ دخل ابوهم ايه لو في حد مخطأ الحكومه اللي تحاسبه مش البنك وبعدين ايه الذكاء ده اكنهم بيقولوا للناس اللي شغاله شمال بلاش تحط في البنك هتتمسك والصح سيبه يحط عندك فلوسه ولما يثبت انه في حاجه زي غسيل اموال او غيره البنك ياخد اجرائته القانونية ويبلغ واهي تبقى فايده لخزينة الدولة تعمل بها اي مشاريع او تزود مرتبات وكده في رائي القرار ده محتاج يتراجع تاني من البنك المركزياقتباس:
المشاركة الأصلية كتبت بواسطة ma7amadk
هو زي ما حضرتك قولت كده البنك بقى سلطة تحقيقاقتباس:
المشاركة الأصلية كتبت بواسطة imnotim
ومحدش هيراجع حاجه الا لما الناس ترجع للبلاطة زي ما استاذ كريم قال :)
جربت بنك qnb؟
البنوك تخضع للبنك المركزي اللي هو تبع الحكومة فبالتالي هما ليهم دور رقابي لازم يقوموا بيه..اقتباس:
المشاركة الأصلية كتبت بواسطة imnotim
و بديهياً ان البنك يبقى عارف من الاول انت مين و مصادر دخلك ايه عشان بعد كده لو حصل حركة غير طبيعية لا تتوافق مع بياناتك ساعاتها يقدر يقول اه في حاجة غير قانونية بتحصل لازم ابلغ عنها..