الموضوع: ناويت اشتري لوجان 2016 الشكل القديم هل من نصيحة ؟

شكرا ليك ولكن انا لغيت فكرة اللوجان بسبب انها مفهاش نظام esp
وحاليا بفكر في نيسان تيدا 2016 اقل سعر سيارة وفيها انظمة امان

المشاركة الأصلية كتبت بواسطة Egymagic

شكرا ليك ولكن انا لغيت فكرة اللوجان بسبب انها مفهاش نظام esp
وحاليا بفكر في نيسان تيدا 2016 اقل سعر سيارة وفيها انظمة امان

ربنا يوفقك

المشاركة الأصلية كتبت بواسطة Egymagic

شكرا ليك ولكن انا لغيت فكرة اللوجان بسبب انها مفهاش نظام esp
وحاليا بفكر في نيسان تيدا 2016 اقل سعر سيارة وفيها انظمة امان

فيه اعضاء بيقولوا ان اوبترا فيها esp

ابقى اتأكد من الكلام ده لو تهمك الاوبترا

المشاركة الأصلية كتبت بواسطة tasaka

فيه اعضاء بيقولوا ان اوبترا فيها esp

ابقى اتأكد من الكلام ده لو تهمك الاوبترا

السلام عليكم ورحمة الله وبركاته ممكن ياصديقى تاساكا تقولى esp ده بيعمل ايه وايه لزمته وشكرا ؟

المشاركة الأصلية كتبت بواسطة Mohamed Desoky

السلام عليكم ورحمة الله وبركاته ممكن ياصديقى تاساكا تقولى esp ده بيعمل ايه وايه لزمته وشكرا ؟

و عليكم السلام عليكم ورحمة الله وبركاته

على حد علمى ( موش معلومات دقيقه 100% ) .. ال ESP ده اختصار لكلمه
electronic stability program (ESP)
و ايضا
Electronic stability control (ESC)
معناه .. التحكم الاليكترونى فى الثبات ( الاتزان )


ده نظام بيتكون من
- مجموعه من الحساسات على العجلات الاربع لمعرفه ال traction ( العزم .. السرعه .. الانزلاق ) على كل عجله
- حساس على الدريكسيون لمعرفه حركه الدريكسيون فين اتجاهها بالظبط
- حساس فى منتصف السياره لقياس مدى دوران السياره حول نفسها ( شمال او يمين ) بالنسبه ل المحور العمودى على الارض
- وحده تحكم لاعطاء الاوامر المناسبه لل
ABS او الفرامل
موتور السياره
الفتيس
TC ) Traction Control ) اذا كانت السياره مجهزه به
و الاجهزه الاليكترونيه الاخرى اذا كان هناك تجهيزات اتزان اخرى ..

الاوامر من وحده التحكم بتكون لتصحيح مسار السياره تلقائيا للمسار الذى يريده السائق ( التوقع ده للمسار .. بيتحدد بناءا على قراءه حساس حركه الدريكسيون )

كمثال توضيحى لاحد الاحتمالات .. مثلا عائق مفاجئ و السائق كسر الدريكسيون فجأه بشده ..
- يا اما العربيه تعوم ِشمال و يمين و تفقد السيطره و ممكن تلف حول نفسها ( Over Steering ) ..
- او انها تتزحلق للامام نحو العائق برغم ان السائق كاسر الدريكسيون ( Under Steering )

النظام بيقيس كسره الدريكسيون .. و كمان بيقيس دوران السياره حول محورها الرأسى .. و لو حس بفرق .. ( Over Steering ) او ( Under Steering ) .. بيبتدى يأخذ اجراءات التصحيح المناسبه بفرمله احدى العجلات مثلا .. او بتصحيح العزم على العجلات ( سرعه او انزلاق كل عجله ) للعربيات المجهزه ب TC ) Traction Control ) .. و كمان ممكن يصدر اوامر للموتور و الفتيس

https://www.youtube.com/watch?v=L1qt84c2KN0

https://www.youtube.com/watch?v=vE4V40mFbxg

https://www.youtube.com/watch?v=Y2uXzp2HzKg

https://www.youtube.com/watch?v=cIxeIKYEU-Q

تحياتى

شكرا للجميع
للاسف نيسان تيدا 2016 مش موجودة في السوق رغم في ناس كتير شكرت فيها
حاليا العربية اللي سعرها علي اد امكانيتي وفيها جميع الامان اللي انا عايزه هي سى اليزيه 2016
الواحد لسه جديد في السواقة وكمان في مجال العربيات واكتشفت عالم تاني خالص
فعلا الواحد لازم يقري ويشوف اراء الناس قبل ما يشتري عربية , خصوصا الامان بتاع العربية

موقع كونتكت كار طلع بيحط مواصفات من مزاجة
العربية سى اليزيه 2016 مفهاش النظام اللي مكتوب في كونتكت كار