الموضوع: استطلاع الاستطلاع. حد فاهم حاجه

بقالى فتره بتابع الاستطلاعات وبتشد جدا للمواضيع القديمه ونتائج الاستطلاعات
لما بنقارن مابين عربيتين والاعضاء يصوتوا لعربيه وتلاقيها واخده نسبه عاليه بوضوح, بس لما تنزل الشارع تلاقيها عكس اللى توقعناة

مش عايز ادى مثال عشان ميبنش انى بشوه سمعه عربيه بعينها

الاستطلاع دا ممكن ممن يساعدنا نعرف ايه اللى بيحصل

- تضليل من الاعضاء عن قصد
- توقع خاطئ للسوق المصرى
- خبره محدوده من المشاركين فى الاستطلاع
- تسرع فى الحكم على العربيات
- تحييز اعمى لنوع على حساب نوع (عدم الحياديه)
- انا مش مقتنع بالموضوع وغير مهتم
- اسباب اخرى "الرجاء ذكر السبب او الاسباب"
- هجين مابين كذا سبب اعلاه

مع رأي ا / احمد
بالاضافة ان فكرة التضليل دي ضعيفة اوي
هو ممكن تقول في اراء بلا خبرة ولا تجربة
ولكن بتبقي حماس لعربية ما وخلاص بلا اي نية اخري
بس انا ليا اتجاه وهو ان دايما مش بأخد برأي اول انطباع او حد لسه شاري
يعني عربية جديدة والناس بتقول حلوة وجميلة ده لا
عامل زي زيت العربية لو تاخد بالك كل انسان يجرب زيت ما يعمل تقرير ويقول
ده الافضل وناعم وحرارة الماتور احلي والسحب اختلف والبنزين مفيش استهلاك
تعالي اسئل نفس الشخص بعد ما يغير نوع الزيت ويشوف هيقولك ايه
كل الي قالها سابقا هيتنقل للزيت الجديد
-اعتقد مينفعش يشوف اختياراته غلط
ده طبعا مش علي الكل ولكن الجزء الي بيتحمس لمجرد انه اشتري او عاوز عربية تنتشر
كلامي مجرد رأي يتحمل الخطأ
تحياتي ..