مشكلة بعد تغيير زيت فتيس لانسر اوتو 2010 ..ارجو الافادة

السلام عليكم
عندي لانسر 2010 ستيبترونيك عاملة 73 الف كيلو وكنت بعملها صيانة تغيير بوجيهات وسيور وزيت فتيس
غيرت زيت فتيس ب5 لتر نوع مجهول المصدر من بنزينه اويليبا والميكانيكي قالي عدي بعد يومين نزود زيت الفتيس...
حسيتت بضعف في السحب وترييحه لو انا طالع مطلع ووقفت فيه
لما رجعتله قالي انا مش عاجبنى الزيت وفضيناه من الطبة تانى وحطينا المره دى 6 لتر موبيل 320 وبعدها حصل تحسن فى السحب والترييح لكن ظهر مشكلة تانيه
لما اكون مدى R واجى ارجع على n ثم D العربية ممكن متاخدش غيار ولازم ارجع على n ثم علي r من جديد عشان تاخد الغيار
واحياانا لما ادى R العربيبة تاخده بنتشه جامده
الموضوع ده حصل 4 مرات فى خلال ال4 ايام اللى بعد تغغير الزيت ودلوقتى بقالها اسبوع ماشيه كويس
هل الموضوع مقلق او محتاج كشف كمبيوتر ولا الزيت زياده ولا ايه المشكلة....ارجو افادتكم

لازم تشوف النوع بتاع زيت الفتيس المكتوب فى الكتالوج وتحطه - ولو كان الزيت اللى فيها مش بتاعها لازم تعمل مشاكل طبعاً والافضل تغييره مرتين علشان زيت الفتيس فى التغيير مش بينزل كله وبيفضل فيه شوية يختلطوا على الزيت الجديد علشان كده لازم تغيره مرتين - لو كان مواصفة الكتالوج بتاع العربية الزيت الموبيل ٣٢٠ متوافق معاها يبقى تغيره كمان مرة علشان تضمن سلامة الفتيس - لو كان مش متوافق معاها غيره بالنوع المكتوب فى الكتالوج مرة وامشى حوال ٢٠٠ او ٣٠٠ كم وبعدين تغيره تانى ( طبعاً هو وفلتر زيت الفتيس)

منتظر الارد باهتمام من اعضاء المنتدي الكرام

اقتباس:

---

المشاركة الأصلية كتبت بواسطة م/أحمد عبد الفتاح

لازم تشوف النوع بتاع زيت الفتيس المكتوب فى الكتالوج وتحطه - ولو كان الزيت اللى فيها مش بتاعها لازم تعمل مشاكل طبعاً والافضل تغييره مرتين علشان زيت الفتيس فى التغيير مش بينزل كله وبيفضل فيه شوية يختلطوا على الزيت الجديد علشان كده لازم تغيره مرتين - لو كان مواصفة الكتالوج بتاع العربية الزيت الموبيل ٣٢٠ متوافق معاها يبقى تغيره كمان مرة علشان تضمن سلامة الفتيس - لو كان مش متوافق معاها غيره بالنوع المكتوب فى الكتالوج مرة وامشى حوال ٢٠٠ او ٣٠٠ كم وبعدين تغيره تانى ( طبعاً هو وفلتر زيت الفتيس)

---

شاكر لردك بس لا يعقل انى اغير الزيت مرتين وتكلفة التغييرة الواحدة حوالي 450 جنية وبالمناسبة الميكانيكى قالي لانسر 2010 مفيهاش فلتر زيت فتيس ..الزيت بالفعل متوافق مع فتيس الانسر 2010 لانه مش cvt

اقتباس:

---

المشاركة الأصلية كتبت بواسطة romeopasha

شاكر لردك بس لا يعقل انى اغير الزيت مرتين وتكلفة التغييرة الواحدة حوالي 450 جنية وبالمناسبة الميكانيكى قالي لانسر 2010 مفيهاش فلتر زيت فتيس ..الزيت بالفعل متوافق مع فتيس الانسر 2010 لانه مش cvt

---

ولو حضرتك اخدت بالك هتلاقيني كاتب انى غيرت الزيت بالفعل مرتين ..

حسيتت بضعف في السحب وترييحه لو انا طالع مطلع ووقفت فيه

لو كنت مشيت علية كتير او مشوار جامد فى الحر كان الفتيس وقف ..:crying1:. وبعد ما لعربية تبرد بيمشى تانى دة بسبب الزيت

لما رجعتله قالي انا مش عاجبنى الزيت وفضيناه من الطبة تانى وحطينا المره دى 6 لتر موبيل 320 وبعدها

6 لتر كتير حاول تسحب منو لترين

حصل تحسن فى السحب والترييح لكن ظهر مشكلة تانيه

لما اكون مدى R واجى ارجع على n ثم D العربية ممكن متاخدش غيار ولازم ارجع على n ثم علي r من جديد عشان تاخد الغيار
واحياانا لما ادى R العربيبة تاخده بنتشه جامده

المشكلة دي ممكن تظهر فى حالة ان الميكانيكى فك سويتش الفتيس
وغالبا حل المشكلة من ظبط السويتش والله اعلم

الميتسوبيشى فتيس اتوماتيك عادى .. ليه زيت هو SP ( ما اعرفش المواصفه عندك ايه ؟؟ مثلا SP III او شيئ اخر ؟؟ ) .. شوف طلبات الكتالوج

زيت فتيس ميتسوبيشى ده (SP ) اخف فى اللزوجه من ديكسرون 3 ( موبيل 320 ) .. بصفه عامه مثلا ممكن يكون لزوجه 7 تقريبا او اقل .. و الديكسرون 3 ( موبيل 320 ) بيكون فى حدود 8

و الاهم من اللزوجه انه بيكون لكل زيت خاص معامل احتكاك مختلف Friction Modifier ( ده من اساسيات تصميم الزيت ) ..

معامل الاحتكاك بيكون اهم من اللزوجه فى زيت الفتيس .. و هو اللى بيعمل Slip اثناء تعشيق نقلات الفتيس .. يعنى بيسمح بانزلاق محسوب للكلاتشات قبل التعشيق الكامل ( ده اللى بيعطى هدوء و نعومه فى النقلات ) .. و كمان معامل الاحتكاك مهم جدا فى نقل القدره و اشياء اخرى داخل الفتيس

اقتباس:

---

المشاركة الأصلية كتبت بواسطة alizahran5

المشكلة دي ممكن تظهر فى حالة ان الميكانيكى فك سويتش الفتيس
وغالبا حل المشكلة من ظبط السويتش والله اعلم

---

ممكن اعرف فين مكان السويتش او شكله وانا اركبه..عندي خبرة معقولة تساعدني لو لقيت توجيه سليم
متشكر جدا لردك

اقتباس:

---

المشاركة الأصلية كتبت بواسطة romeopasha

ممكن اعرف فين مكان السويتش او شكله وانا اركبه..عندي خبرة معقولة تساعدني لو لقيت توجيه سليم
متشكر جدا لردك

---

اه ممكن تقدر تصور الفتيس من عند اخر سلك الغيارات عند الفتيس الحساس موجود تحت السلك مربوط ب مسمارين
تفك المسمارين شوية وتحرك السويتش 1م ملى وتجرب وهاكذا لحد ما تظبط معاك فى وضع معين

انت كده دخلت نفسك في مشاوير ولعب ما لوش أي لازمة..

الزيت لازم يتغير بنفس مواصفة الكتالوج.. والمشاكل دي كلها بسبب الموضوع ده...

زيت الفتيس المطلوب عندك مواصفته ATF SP-III (بيتنطق SP-3)... وبيتغير كل 40 ألف كيلومتر


الزيت موجود في كل حته.. وهو نفسه بيستخدم في عربيات هيونداي وكيا لحد دلوقتي.

http://www.oil-city.ru/_files/catalo...1030061643.jpg

الزيت ده موجود بنفس المواصفات دي عند هيونداي وكيا..

https://images.tomas.kz/i/firms/111/...a7_800x600.jpg

لإنهم بيستخدموا تكنولوجيا ميتسوبيشي في أغلب الأجزاء الميكانيكية.

http://www.evolutionm.net/forums/att...atf-sp-iii.jpg


ما لقيتش زيت ميتسوبيشي ولا زيت هيونداي... ممكن تحط أي ماركة تانية بشرط وجود رقم المواصفة عليها..

http://sct-germany.de/imgbank/Image/...03000040_b.jpghttp://avtoplus52.ru/d/771688/d/totachi_sp_3_4l.jpghttp://76.my/Malaysia/proton-atf-sp3...sbrother@2.jpg


ملخص الكلام... ما تشغلش بالك...
مادام العلبة مكتوب عليها اسم المواصفة SP-III.. حطها وانت مطمن... من أي ماركة ومن أي بلد



...