اجيب امجراند 7 ولا byd f3 ولا شيرى انفى

**Sherif78** · 08-08-2016 03:16 PM

أنا عملت المقارنة دى من قبلك و الأختيار كان على الجميلة شيرى إنفى
عربية ممتازة

**Mohamed Desoky** · 08-08-2016 05:26 PM

الانفى افضل فى كل حاجه وليها اسم فى السوق دلوقتى ويوم بعد يوم مبيعات الانفى بتزيد بس يارب السعر مايزدشى وربنا يوفق الجميع

**asaeed** · 24-08-2016 08:54 AM

امال إيه الشكاوي إللي في العفشة وان عفشتها بايظة وفيها تخبيط جامد؟؟؟

**baher979** · 26-08-2016 12:06 AM

اتحلت فى الشاسهات الجديدة...العفشة والتريع اتحلو ..بس الكركرة بسيطة لسة...لكن صاج وماتور مشاء اللة

**asaeed** · 26-08-2016 06:27 AM

المشاركة الأصلية كتبت بواسطة baher979

اتحلت فى الشاسهات الجديدة...العفشة والتريع اتحلو ..بس الكركرة بسيطة لسة...لكن صاج وماتور مشاء اللة

يعني ايه في الشاسيهات المجديدة؟؟
تقصد اللى فوق رقم كام مثلا؟؟؟؟؟

**baher979** · 26-08-2016 11:58 AM

انا فوق 1700 رقم الشاسية الخاص بلسيارة...ومع كلام الجروب فى الوتس والفيس اكدتلهم ان التوكيل حل معظم المشاكل..فى الاصدارات الجديدة بدليل مش هشترى حاجة معيوبة معايا ضمان وهقول كويسة؟؟؟الجمعة 23 ذو القعدة 1437كمان البنزين لة عامل لما تحط بنزيمة وطنية بتاعت الجيش فرق جامد

**Mohamed Desoky** · 26-08-2016 04:06 PM

الشاسيه ملهوش علاقه بلعافشه الشاسيه عباره عن هيكل حديد قوى يتم البناء عليه وهو ده البودى اللى الانفى نجحت فى اختبارات التصادم فى اوربا ؟لايمكن المصنع هيغير الشاسيه باى شكل اللى ممكن يتعدل العفشه او التعليق لكن شاسيه لايمكن لان ده سرنجاح الانفى الشاسيه القوى 1300كيلو ؟

**baher979** · 10-09-2016 03:20 PM

لا يا باشا مش اصدى تعديل على الشاسية..انا اقصد انتاج الجديد من انفى التوكيل فى قلوب وابو رواش تم حل العيوب وفى الاصدارات الجديدة بتنزل الجديد منها حل عيوبها ...مبيعات الشهر الماضى رقم 1 فى بورصة السيارات

**Mohamed Desoky** · 10-09-2016 04:25 PM

المشاركة الأصلية كتبت بواسطة baher979

لا يا باشا مش اصدى تعديل على الشاسية..انا اقصد انتاج الجديد من انفى التوكيل فى قلوب وابو رواش تم حل العيوب وفى الاصدارات الجديدة بتنزل الجديد منها حل عيوبها ...مبيعات الشهر الماضى رقم 1 فى بورصة السيارات

السلام عليكم ورحمة الله وبركاته وكل عام وانتم بخير ؟ هو حضرتك متخيل ان شركات التجميع فى مصر بتعدل على الصانع ؟لايمكن اولا مفيش شركه واحده فى مصر عندها المكابس الهيدروليك الاوتوماتيكيه اللى بتشتغل بلربوتات او التصنيع الالى للشاسيه وبلبلدى اسمها اسطامبا ودى هيا سر الخلطه لكل شركه بتصنع سيارات فى العالم ولا يمكن تدى السر لشركات او خطوط تجميع وده الكلمه الصحيحه لكل الشركات المصريه خطوط تجميع غبور ومنصور وابو الفتوح ؟ ببساطه كل حاجه بتيجى فى صندوق الشاسيه والمحرك والابواب الى اخره والايد المصريه العظيمه بتجمع طوبه فوق طوبه بدون علم او فكر رص طوب وخلاص ؟ على العموم الانفى هيا الافضل فى الوقت الحالى كسعر وتوكيل قوى لكن مايقال ان العفشه والسخونه كل ده كلام مش حقيقى العربيه كويسه جدا ومناسبه للسوق المصرى ؟

**Abdallah Reda** · 13-09-2016 08:41 PM

انا كنت نفس حيرتك ده بس لما سالت فى كل جروب خاص لكل عربية وعرفت مميزات وعيوب كل واحدة

شايف انهم متقاربين بس الانفى افضل من حيث الصاج والعزل والسعر :)

لكن لو هتدخل الL3 فى المقارنة انا شايف انها هتبقى افضل علشان طبعا الاوبشنز الى فيها بس لكن كتبلوه الانفى افضل وده طبعا ازواق

فانا شايف كمقارنة انفى وال L3

بس انا شايف انفى افضل كسعر ومميزات الى احنا بنحتاجها كعربية الباقى ترفيهات بس فرق ال30 الف بينهم انت اولى بيه :) لان معظم الميزات الى فى الl3 مش هتستخدمها كتير زى فتحة السقف والجى بى اس كلها ترفيهيات وبتبقى على حسب الازواق

بس خليك مقارنة بين انفى وال l3

وحاول تركب وتجرب وربنا معاك باذن الله :)