نوبيرا او افيو

**mohamed_taha** · 02-12-2008 09:11 AM

يا جماعة شاكر ردودكم

بس كنت عايز اسال اية الفرق بين نوبيرا 2008 و نوبيرا 2009؟

**أشرف العدوي** · 02-12-2008 04:32 PM

الافيو مش بعترف بيها كعربية اصلا
لا ثبات ولا موتور ولا اى حاجة + سحبها صفر مع التكييف

أعتقد ان حضرتك ما جربتهاش و جريت بيها
على العموم النوبيرا فئة اعلى لذلك انا ارشح النوبيرا
بس النوبيرا من سنة 2000 ما اتغيرش شكلها علشان كدة مش هتحس انك راكب عربية جديدة

**ahmad--ezzat** · 02-12-2008 04:36 PM

اسف قصدى الافيو

**أشرف العدوي** · 02-12-2008 04:40 PM

بص اقولك حاجة
انا جبت بيها 140 بس كان طريق طوالي و نزلت بالسرعة على طول لـ 100 لاني مش بحب السرعات العالية ( كنت سرحت و بصيت على العداد لقيته 140 )
بالنسبة للسحب العربية 1500 سي سي تقريبا 87 حصان هو سحبها رقمياً مش حلو لكن مع خفة الوزن هو تقريباً 1150 كيلو بيخليها تسحب كويس و بتسعف انا بتكلم على المانيوال و ما حستش بفرق كبير لما بشغل التكيف غير بسمع صوت الكمبريسور لما بكون واقف
انا رأي السيارة ممتازة بالنسبة لسعرها

**tutankhamoun** · 03-12-2008 11:00 AM

المشاركة الأصلية كتبت بواسطة ahmed21015

الافيو مش بعترف بيها كعربية اصلا
لا ثبات ولا موتور ولا اى حاجة + سحبها صفر مع التكييف +شكلها مش مقبول من ورا ودة رايى
النوبيرا برستيج وشياكة وموتور وكل حاجة

السلام عليكم
حضرتك متحامل على الأفيو قوي قوي قوي
العربية حلوة و الحاجة الوحيدة اللي فيها وحشة هي السعر
بالاضافة ان الثبات مش عالي

إنما سحب كويس جدا جدا جدا لغاية 100 أو 110 كم - س
شكلها أحلة من النوبيرا كتييييييييييييييييييييييي ييييييييييييييييييييييييي يييييير و أشيك
سحبها مع التكييف مش وحش خالص وواضح أنك مجربتهاش

بالنسبة للنوبيرا
هي أفضل كأداء علشان في فئة أعلى
إنما كشكل .......................... ضايعة ..... شكلها بجد وحش
اللانوس و الأفيو في الشكل أحلة بكتيييييييييييييير

**أشرف العدوي** · 03-12-2008 11:26 AM

ياجماعة ياريت الناس اللى ركبت العربيتين يفيدونا أكتر من نحية المشاكل و هل هى مشاكل قاتلة ولا ليها حل عشان أنا فى نفس التردد ده ومش عارف أجيب أنهى فيهم خصوصاً إنهم فى نفس السعر, أنا مشكلتى مع النوبيرا شكلها و مع الأفيو المشاكل الى "بسمع" الناس بيقولوها وهل يا ترى المشاكل دى لسا موجودة فى ال 2009 ولا اتظبتت.
و شكراً على تعاون الناس كلها و ربنا يهدينا للى فى الخير

انا معيا 2008 أفيو مانيوال مصري و عامل 17000 ك و الحمد لله مافيش مشاكل نهائياً و الله العظيم
مش عارف مشاكل الاعضاء الي هنا ايه ظروفها
بالنسبة للأر بي ام هو علي معايا مرة واحدة بس غير كدة الحمد لله العربية زي الفل و عمرك ما هتحك في مطب من المطبات الي عاملة زي الكباري دي