الموضوع: لكل من يحب السوبارو

المشاركة الأصلية كتبت بواسطة ouba2

بص يا باشا العربية احنا شارينها سنة 1990 و ساعتها كان التوكيل في قليوب بس اتعاملنا معاة مرة واحدة (كانت كاوتشة كوبلن اتقطعت و كانت بتتباع في كل حتة ب 10 او 15 جنية بس قولنا نروح التوكيل اضمن المهم بعد ما ركبوها بنبص في الفاتورة نلاقي 180 جنية مع انها هي هي نفس الكاوتشة اللي بتتباع برة ب 10 جنية) و من ساعتها ما بنتعاملش مع التوكيل بس هي قطع الغيا كنا بنجيبها من السعودية مع ناس قرايبنا بس من فترة خلصت قطع غيار الموديل دة من هناك فبقينا نحاول نوفق حاجات بتاعة ماركات تانية (مازدا ميتسوبيشي نيسان) و حاليا العربية حالتها مش كويسة و النهاردة كنت مسافر بيها قليوب اعمل نص عمرة عند واحد اسمة فلفل كان شغال في التوكيل زمان و فاهم العربية كويس
بس الصراحة تتقال بالرغم من الغلب اللي انا شايفة معاها اليومين دول بس العربية معمرة جدا و قوية جدا و ثابتة ثبات خرافي علي اي سرعة و دة غير ان قطع الغيار معمرة جدا
و مهما عملت فيا هاتفضل عربيتي حبيبتي :)
العربية معانا من 19 سنة و ابتدت تخستع من 4 سنين يعني قعدت 15 سنة بدون مشاكل بس بصراحة المشكلة العويصة عندي هي الكبالن
بس انا ليا سوال :) هو حضرتك معاك واحدة زي بتاعتي ولا اية؟؟:):)
عموما احنا ناويين نجيب الامبريزا الجديدة بس حاليا والدي خسران في البورصة خسارة كبيرة جدا دة غير غموض ملامح الاسعار في الفترة الجاية فاحنا مستنيين شوية
ادعولي ربنا يصلح الحال و انا تحت امرك في اي حاجة:)

أستاذى الفاضل ouba2
أولآ ربنا يبارك ليك فيها و بأذن الله تعالى قربيآ أهنيك بسوباروا 2009 فول أوبشن :k4:
بصراحة أنا من عشاق سوبارو بس مش معايا سوباروا بقلق أن قطع الغيار مش موجودة الا فى التوكيل
كونت بستغرب من تلت أربع سنين لما كنت أكلم مع حد عن سوباروا و ألاقى الناس مش عارفينها
هى فى رأيى هى من أفضل السيارات فى العالم
أنا بشكرك على أهتمامك بالرد :k10: