ارجو المساعده ارتفاع الار بى ام و عدم الدوران فيكترا بى2

السلام عليكم و رحمة الله و بركاته
المشكله محيرانى لانى غيرت حاجات كتير دون جدوى عربيتى فيكترا بى2 1600 الماتور الاسود
الار بى ام بيعلى لما ادوس دبرياج و صوت المكنه بيعلى معاه بيوصل لحد 1.5 او 2 او 2.5 و بلاقى العربيه بتمشى لوحدها بالرغم من انى مش دايس بنزين خالص و مبينزلش غير لما ابطل العربيه و ساعتها بلاقى العربيه بتاخد وقت اطول لحد ما تبطل و لما ادور تانى العربيه بتمشى عادى لحد ما ادوس دبرياج و اوقات بلاحظ انى لما بمشى بالعربيه مشاوير كتير بتبداء تهدى تانى بس لازم اطفى العربيه و ادورها تانى و كمان بيحصل و انا ماشى تنتيشه مع لما ادوس بنزين خصوصا فى اول مشوار الدوسه و كذلك الفتره الاخيره بقت بتقطع دواره تماما مفيش اى صوت غير تكة الكونتاكت و انوار التابلوه و بعد اكتر من محاوله تلقط و تدور عادى جدا مع العلم انى قايس البطاريه و الدينامو و حالتهم جيده و ملاحظ استهلاك زياده فى البنزين مع العلم انى غيرت طرمبة بنزين و بوجيهات و فلتر هواء و فلتر بنزين و موبينه و حساس ايدل و تم تنظيف البوابه اكثر من مره
و لكم جزيل الشكر

متابع

فى ناس بتقولى غير حساس ال tps و فيه ناس بتقول ممكن تكون مشكله فى ضفيرة الكهرباء
منتظر الرد من فضلكم

iحضرتك قيس ضغط طلمبة البنزين لو اكتر من 50 psi يبقي ف الغالب هو السبب
في بلف علي ماسورة الرشاشات بيركب عليها عداد ضغط

انا غيرت طرمبة البنزين يا باشا و محصلش اى تغيير بالرغم من ان القديمه حالتها كانت كويسه جدا

في منظم للضغط ملوش دعوه بالطلمبه هو اللي بيتحكم في ضغط البنزين
لو ضغط البنزين عالي الرشاشات هتحقن كميه اكتر من المفروض. ده هيعلي ال rpm ويحلي العربيه تاكل بنزين
انا عندي مركز صيانه و قابلت دي اكتر من مره ف الفكترا b
و ممكن يكون سبب تاني بس لازم نتاكد من ده الاول

تمام هتاكد باذن الله و الف شكر

وممكن حساس الماب Manifold Air Pressure sensor
دا لو فيها
او السيرفو
وحساس الشكمان حالته ايه ؟؟؟

احيانا لو علبه الشكمان مرسبه كربون او مسدوده دا بيخلى ضغط دخان الشكمان يرجع على الموتور ويعلى الار بى ام اما بالنسبه للدبرياج وبتمشى لوحدها شيك على مجموعه الدبرياج اكيد فيها تلف وان شاء الله خير

اقتباس:

---

المشاركة الأصلية كتبت بواسطة mbx4e

وممكن حساس الماب Manifold Air Pressure sensor
دا لو فيها
او السيرفو
وحساس الشكمان حالته ايه ؟؟؟

---

http://www.hhocarboncleaner.com/images/anchors.gif

DESCRIPTION：
HHO carbon clean machine is the newest achievement with HHO gas and HHO agent cleaning at the same time.its innovative design and updated spare parts can increase the machine working efficiency to reach safer operation.

:tumb::tumb:

انا حطتها على الجهاز اكتر من مره و مقراش اى اعطال لاى حساس و بالنسبه لعلبة الشكمان انا كنت مغيرها قريب جديده
انا عملت تجربه صغيره
كنت ماشى بالعربيه و الار بى ام عالى على 2 روحت واقف على جنب الطريق و نزلت فتحت الكابوت و فصلت فيشة حساس الايدل و محصلش اى حاجه روحت مركبه مكانه تانى و روحت فاصل فيشة حساس ال tps المفاجاءه ان العرييه صوتها هدى خالص و الار بى ام و صوت العربيه رجعه لطبيعتهم تانى و مشيت مشوار بالعربيه و انا فاصل فيشة التى بى اس و العربيه ماشيه تمام و هاديه خالص بس لمبة التشيك انجين منوره بس .. هل دا معناه ان العيب فى ال tps و لا لاء ؟؟؟

متابع

اقتباس:

---

المشاركة الأصلية كتبت بواسطة RareSpeed

انا حطتها على الجهاز اكتر من مره و مقراش اى اعطال لاى حساس و بالنسبه لعلبة الشكمان انا كنت مغيرها قريب جديده
انا عملت تجربه صغيره
كنت ماشى بالعربيه و الار بى ام عالى على 2 روحت واقف على جنب الطريق و نزلت فتحت الكابوت و فصلت فيشة حساس الايدل و محصلش اى حاجه روحت مركبه مكانه تانى و روحت فاصل فيشة حساس ال tps المفاجاءه ان العرييه صوتها هدى خالص و الار بى ام و صوت العربيه رجعه لطبيعتهم تانى و مشيت مشوار بالعربيه و انا فاصل فيشة التى بى اس و العربيه ماشيه تمام و هاديه خالص بس لمبة التشيك انجين منوره بس .. هل دا معناه ان العيب فى ال tps و لا لاء ؟؟؟

---

قيس الحساس بالافوميتر ابحث على اليوتيوب هتلاقي الطريقة
انت الفكره او المشكلة عندك tps بيعلي rpmاو بيعلق على السلانسيه كأنك واقف ودايس بنزين
ممكن يكون tps سبب وممكن يكون عرض يعني فيه حاجة تانية بتخليه يعلي البنزين

طيب جرب تعمل رسيت وايدل ليرن

لو مشكلتك مع الفرامل او الدبرياج اعتقد دايرة الهيدرولك بتاعتهم واحده صح ؟ قصدي دايرة الزيت بتاعتهم؟
عموما راجع على خراطيم الفاكيوم بتاعت المانفولد راكبه صح فيها حاجه متلخبطه او مشققة او مقطوعه وراجع على التشيك بلف اللي رايح على السرفو وحساس الماب وراجع على السرفو

انا عملت ريست و شيلت كابل البطاريه و عملت ايدل ليرن كتير بدون اى فايده و بالنسبه للفرامل و الدبرياج معتقدش ان فيهم مشكله لانى الفرامل كويسه جدا و الدبرياج بيعلى الار بى ام وقت ما ادوس عليه بس معتقدش ان فيه مشكله لانى سحب العربيه كويس جدا ما شاء الله انا اعتقد ان المشكله فى حساس من الحساسات او حاجه فى الكهرباء هى اللى ماثره على الحساسات . بس انهارده عملت مشاوير كتير و انا فاصل فيشة ال tps و فعلا العربيه اتظبطت اوى الحمد الله و رجعت زيرو من غير الtps
السؤال هو غلط افضل ماشى من غير tps كده كتير ؟؟
و هل كده العطل كده بينحصر فى ال tps او حاجه ماثره عليه ؟؟ يعنى اغيره ولا استنى اشوف ؟؟؟

mbx4e

:tumb::tumb::tumb::tumb::tumb::tumb::tumb::Y_hi_3[1]::Y_hi_3[1]:

متابع

اقتباس:

---

المشاركة الأصلية كتبت بواسطة mbx4e

قيس الحساس بالافوميتر ابحث على اليوتيوب هتلاقي الطريقة
انت الفكره او المشكلة عندك tps بيعلي rpmاو بيعلق على السلانسيه كأنك واقف ودايس بنزين
ممكن يكون tps سبب وممكن يكون عرض يعني فيه حاجة تانية بتخليه يعلي البنزين

---

طيب والكلام دا مش صعب!!!! حاول تشوفه

اقتباس:

---

المشاركة الأصلية كتبت بواسطة mbx4e

لو مشكلتك مع الفرامل او الدبرياج اعتقد دايرة الهيدرولك بتاعتهم واحده صح ؟ قصدي دايرة الزيت بتاعتهم؟
عموما راجع على خراطيم الفاكيوم بتاعت المانفولد راكبه صح فيها حاجه متلخبطه او مشققة او مقطوعه وراجع على التشيك بلف اللي رايح على السرفو وحساس الماب وراجع على السرفو

---

والخراطيم تمام والماب تمام؟؟؟

الخراطيم تمام باذن الله .. بالنسبه للماب كنت عملت كشف بالكمبيوتر و مسجلش اى عطل ولا حتى عطل tps فمش عارف ظروف الماب ايه
هحاول اعمل باذن الله اختبار الtps
بس كنت عاوز اعرف فى غلط على العربيه او الموتور لو مشيت بالعربيه و انا فاصل الtps مؤقتا؟

اعتقد الضرر في استهلاك البنزين وتعديل توقيت الاشتعال مع حساس الكامه والكرنك لانه اكيد ليه علاقة بباقي دورة البنزين
الايدل وحساس الاكسجين (الشكمان)وحساس ضغط المانفولد (الماب)والرشاشات و egr
جرب شغل tps وافصل الماب
الماب لما تفصل خراطيم الفاكيوم بتاعته المفروض صوت المكنه يعلي شوف يمكن راكبه عكس ولا الماب عندك راكب مباشر على المانفولد لو كدا افصل فيشتة لو فيه فرق يبقى منه مافيش يبقى tps بس قيس الtps بالافوميتر قبل ماتغيره وقيس الجديد عشان تعرف فيه فرق ولا لا؟
الفكرة ان tps ممكن يكون معلق او كفائته ٦٠:٧٠٪
ومش قاريء او مسجل عطل في الكومبيوتر وعامل المشكلة دي . وممكن يبقى بسبب حاجه زي الماب او السيرفو او مستوى زيت الباكم عشان كدا نعرف سبب العطل صح الاول ونحدد العيب تمام بعد كدا اعمل اللي انت عايزه

حاضر يا باشا هجرب موضوع الماب دا و الف الف شكر على مساعدة حضرتك و ربنا يجازيك عنا خير
ان شاء الله هجرب و اقول لحضرتك

http://www.nilemotors.net/Nile/480897-a.html

mbx4e


:bump2::bump2::bump2::bump2::bump2::bump2::bump2:: bump2::bump2::bump2:

اقتباس:

---

المشاركة الأصلية كتبت بواسطة Colin Chapman

http://www.hhocarboncleaner.com/images/anchors.gif

DESCRIPTION：
HHO carbon clean machine is the newest achievement with HHO gas and HHO agent cleaning at the same time.its innovative design and updated spare parts can increase the machine working efficiency to reach safer operation.

:tumb::tumb:

---

https://tpc.googlesyndication.com/si...34257835125510
:tumb:

تم حل المشكله بتغيير حساس ال tps بواحد جديد نوعه مايلى ب 200 جنيه
جزاكم الله خيرا و الف شكر

متابع

السلام عليكم
محتاج مساعده حد فاهم ،انا عندي الار بي بينزل لوحده وانا مثبت رجلي ع البنزين ،لكن علي السلانسيه يكون منتظم علي ٨ ومش بيتغير
لكن لما ادوس وعداد الار بي يوصل لحد ١٥٠٠ مثلا واثبت رجلي الاقي العداد هبط لوحده ويرجع يعلي لنفس القيمه وبعدين ينزل تاني وهكذا
دا ممكن يكون سببه ايه ؟؟؟؟؟

نفس المشكلة بس ممكن صورة لمكان حساس tps

فيكترا بي 2001