طــريــقـــه تــلـــمــيـــع الانـــوار

**midoonesaid** · 02-06-2009 12:22 AM

شكرا ياباشا على المعلومات الجامدة وجاري التنفيذ

**Bossy_Fadl** · 02-06-2009 12:23 AM

المشاركة الأصلية كتبت بواسطة lancerevolution

هى بتجرحه و جامد كمان و بتحول للون الأبيض و البلاستكس المفروض بيرجعه شفاف تانى
و ولا يهمك إسألى براحتك

ايه فهمت

ميرسي كتير لالك يا لانسر

و اكيد بدي اسال اذا عندي اي سؤال ان شاء الله

**Eslam.Elrefaey** · 06-07-2009 06:51 PM

شكرا بس أجيب بلاستكس ده منين

**mhraslan** · 10-07-2009 08:27 PM

انا جربت الطريقه ونجحت جداً اشتريت الصنفره بالموصفات المذكوره فى حدود 11جـ ولكن لم اوفق فى الحصول على الملمع (البلاستيكس) بحثت عنه فى كل مكان ممكن ولكن لم اعجز استبدلته بــ (بوليش الدوكو) والمفاجأه ان النتيجه مبهره والكهربائى كان مصمم انى اكيد غيرت فوانيس السياره بس لما حكيتله قرر انوا يعمل بزنس على كل الزباين اللى فوانيسها محتاجه تتغير بصراحه طريقه اختراع ع ع النتيجه جامده جداً

**pop3** · 14-07-2009 12:13 PM

المشاركة الأصلية كتبت بواسطة pro-drive

انوار عربيتك صفراء من الرمل

ازاى اذا الانوار بتاعت العربية صفرا من الرمل و التراب تقدر تلمعها

عملنا تجربه قبل كده على 300 ام و معملنهاش بضمير اوى عشان انت محتاج تقعد ساعتين او ساعة و نص تقريبا على كل لمبه :shock: احنا قعدنا 10 دقايق بس
الطريقة

1- اشترى 3 انواع صنفرة ارقام 1000 و 1500 و 2000 و دول رخاص اوى

2- تشترى منتح ممتااااز اسمه بلاستكس plastix ممكن تلاقية فى حدود 30 جنيه او كده

3- حتحتاح ميه كتير فى الموضوع ده

الطريقه اول حاجة تجيب اوراق الصنفرة و تنقعها فى ميه كتير لغاية ما تبقى طرية و بعدين تغسل الانوار عادى بالميه تستعمل اوراق الصنفره رقم 1000 الاخشن الاول و تقعد تحك تحك تحك تحك تحك كتييير بس باراحة

2- اول ما اللون الاصفر يبدا يروح استخدم اوراق ال1500 الانعم من 1000 ( اوعى تنسى انهم يكوانوا منقوعين فى المية ) و نفس الحركه تقعد تحك تحك تحك تحك تحك تحك تحك تحك تحك

3- اول ما يبدا الاصفر يختفى تطلع ال2000 الانعم ( وربنا اذا نسيت النقع فى الميه انا مليش دعوه :d ) و نفس الحركه تحك تحك تحك تحك تحك تحك تحك و دى اكتر فترة

ملاحظة متنساش و انت بتنظف اوى تنشف القزاز او الورقة دايما تخليهم مبلولين و بمبالغه كمان

بعدين تغسلها و تنشفها كويس

الحركه دى تتكرر على كل لمبه

تجيب البلاستكس اول ما تخلص اللمبه و تحطه على سفنجة ناعمة زى بتاعت البوليش او هى و دى اهم مرحله تقعد تدعك تدعك تدعك تدعك لغااااااية ما يختفى دى ممكن تطول شويه

بس و خلصت و بصراحة اللى حيجرب حينبهر بالنتايج والله ممتازة

اهم حاجة متنسوش ارقام الورق لان ده مهم جدااااا متجبش حاجة خشنه و دايما تكون الدنيا مبلوله معاك متسيبش اى حته ناشفه حيحصل خرابيش

قبل الشغل

بعد الصنفره

بعد استخدام البلاستكس

النتيجة دى و منغير جهد كبير فى الشغل فتخيلوا اذا عملتوها كويس حيحصل معاكم اية

اى اسأله اتفضلوا و انا حاضر

إنت معلم , بس عندي سؤال لو ملقتش منتج البلاستيكس ممكن أستخدم مكانه بولش واكس عادي و يعمل نفس النتيجه؟؟؟

وشكرا على الموضوع الجامد ده

**tompina** · 19-01-2010 01:50 AM

أيوة .. هايعمل نتيجة كويسة

**migo9898** · 19-01-2010 02:39 AM

طريقة كويسة وتتجرب انشاء الله

**ashouhdy** · 19-01-2010 03:23 AM

المشاركة الأصلية كتبت بواسطة دموع الثلج

يا برووووووووووو
ممكن سؤال

الفانوس الامامى عندى فيه بخار متكثف كثير جدا تقدر تقول ميه

وحاولت معاه بكل الطرق طبعا مفيش صعب الوصول

شغلت العالى فتره طويله عشان المايه تتكثف وتتبخر وتطير برضوا لا حياه لمن تنادى

ومخلى شكل الفانوس كانه مستحمى طول الوقت اعمل ايه عشان الميه دى تروح

هتشيلى اللمبة من جوة
تجيبى خرطوم هوا و خلية جوا الفانوس البخار حيروح ركبى اللمبة تانى و شكرا
و اوعى وانتى فى البنزينة اللى بيغسل يركز مسدس المياة ع الفانوس
شكرا