محرك يعمل بطاقة الهواء المضغوط و الهيدروليك دائم الحركة بدون وقود او كهرباء

**Colin Chapman** · 25-07-2016 09:30 AM

لمن يستطيع توصيل صوت هؤلاء الناس له الاءجر والثواب من عند الله
فخامه رئيس الجمهوريه
السلام عليكم ورحمه الله وبركاته
تحيه طيبه لسيادتكم
السلام عليكم ورحمه الله وبركاته
نحن مخترعين محرك يعمل بطاقة الهواء المضغوط و الهيدروليك دائم الحركة بدون وقود او كهرباء
الاسم /وائل عبد الفتاح حسين سرحان
الاسم / وليد فرغلى محمد
الوظيفة/ صاحب مصنع وشركة مازرورلد كامبنى
البريد الالكترونى /waleed_one2010@yahoo.com wael_sarhan2@yahoo.com
الجوال/020124670271 - 00201226337755
لقد انعم الله علينا بابتكار محرك يعمل بالهواء المضغوط بدل من الوقود
يعمل بنظام التوربينات ولا يستخدم اى نوع من انواع الوقود نهائيا وهذا المحرك يعمل بالهواء المضغوط و وقوة الضغط الهيدروليك
وهذا هو النموزج البدائى الصنع بدون تطوير وتقنية جيدة فى التصنيع وهو الان بقدر كبير على منافسة المحركات الاحتراق الداخلى
و هذا المحرك مسجل بوزارة البحث العلمى وبرائات الاختراع
1- وهو أمن جدا لان لا يحدث اشتعال نهائيا ولا سخونة ناتجة عن الاحتراق او الاحتكاك لانة يعمل بقوة الطرد المركزى
2- لا يستخدم البطارية او اى مصدر للكهرباء لتشغيل المحرك فى بدء الحركة او اثناء التشغيل
3- لا يستخدم زيوت تبريد للمحرك ولا دوائر تبريد
4- استخدام قوة الطرد المركزى وقود الدفع الهيدروليكية لمحول العزم الهيدروليكى وقوة دفع الهواءالمضغوط وذلك فى دائرة مغلقة وعلى محور عمود واحد مما يعطى قوة دفع للمحرك هائلة وعزم عالى وتعمل بكفائة منقطعة النظير
5- -استخدم التوربينات الدوارة بدل من الحركة الخطية للمكابس لان عند الضغط بالهواء المضغوط على المكبس يتحرك المكبس لينتج مشوار واحد وهو النزول لاسفل اما عند الضغط بالهواء المضغوط على التوربين تدور التوربينات عشرات الدورات ولا ينتج عنها احتكاك بالجسم الخارجى فلا يحدث فقد فى الطاقة ولا يستخدم الزيوت لسهولة الحركة بعكس المحرك الترددى
6- استخدام خزان واحد اساسى وخزان اخر صغير احتياطى بعكس جميع المحركات التى تعمل بالهواء
7- -استخدام ضاغط هواء بتقنية حديثة من ابتكاري لرفع ضغط الهواء ليوفى باحتياج المحرك للهواء ألازم لتشغيلية ذات ضغط عالى 200بار و5000 لتر /دقيقة وهذا الضغط العالى من الهواء و هذا المعدل الضخم فى التدفق لا يوجد حتى الان ضاغط هواء يجمع بين الضغط العالى والتصرف العالى حتى يقوم بتعويض الخزان بصفة مستمرة عن الهواء الخارج وبامكانى مضاعفة الضغط و كمية الهواء المضغوط كما اريد وفى هذا المحرك كلما زاد الهواء المضغوط زادة قوة المحرك و سرعتة
8- -لاستفادة الكاملة من القوة الطرد المركزى التى تتولد من المحرك لسهولة ونعومة الحركة للمحرك وزيارة فائقة فى العزم والسرعة
9- –الهواء الخارج من المحرك يتم اعادة استخدامة بنظام جديد من اختراعى ايضا حتى لا يحدث رد فعل عكسى
10- - للتجديد المستمر للهواء وضغطة لا يحتاج المحرك مجموعة تبريد
11- -قلة الاجزاء المادية المستخدمة بالمحرك وعدم استنتاج اى نوع من انواع الحرارة مما ينتج عنة سهولة الصيانة والعمر الطويل جدا لجميع الاجزاء المستخدمة فى المحرك
12- لا تستخدم البطارية فى المحرك او الضاغط تقليدية يعمل بالوقود او الكهرباء نهائيا او اى وصالات كهربائية
فوائد هذا المحرك
· يعمل بديل محركات السيارات وبذلك اوفر قدر كبير جدا من دعم البلد للوقود الخاص
· يعمل على المولدات الكهرباء وبذلك يحل ازمة الكهرباء للمستشفيات وما تسببة فى وفاة الكثير من المرضى و
· المصانع التى تستهلك قدر كبير جدا من الكهرباء ويحمل على الدولة اعباء كبيرة جدا لتوفير احتياجتهم من الكهرباء والوقود ومبالغ طائلة منفقة على الكهرباء والوقود لاصحاب المصانع مما يذيد ايضا ارتفاع اسعار السلع على المستهلك والذيادة المستمرة فى الغلاء
· يعمل على مضخات الماء وسحب المياة الجوفية وبذلك استطيع توفير المياة الازمة للزراعة فى المناطق الصحروية لتزيد رقعة الاراضى الزراعية بدون الزام الدولة انشاء بنية تحتية من شبكة مياة وكهرباء لتوفير المياة والكهرباء الخاصة لاستصلاح الصحراء
· يستخدم المحرك فى الاماكن التى يحذر تعامل الوقود فيها مثل المناجم و مناطق استخراج البترول وكل والاماكن الحساسة او قابلة للانفجار
· يمكن ان يستخدم بديل جميع انواع المحركات التى تعمل بالوقود او الكهرباء التى تستخدم على الات و المعدات
التطوير
استطيع تطوير المحرك لمضاعفة عزمة
استطيع تطوير الضاغط لجعلة يقوم باستنتاج ضغط عالى و كمية هواء اكبر لزيادة قوة المحرك لاى قدر القدرة الحصانية و عدد اللفات
وليد فرغلى & وائل سرحان
01271148447 01006337755
01226337755

منقول وربنا يوفق كل مجتهد

**م/أحمد عبد الفتاح** · 25-07-2016 01:49 PM

- حايجيب الهوا المضغوط منين وبكام ؟؟؟؟
- الكومبريسور اللى حايطلع ٥٠٠٠ لتر فى الدقيقة بضغط ٢٠٠ بار ( اللى حايعوض بيه الهوا المفقود) ده حجمه قد ايه ووزنه قد ايه والطاقة اللازمة لتشغيله دى منين ( الطاقة لاتفنى ولاتستحدث من العدم) ؟؟؟؟؟؟
- التانكات بتاعة الهوا اللى تقدر تتحمل ضغط ٢٠٠ بار حجمها ووزنها قد ايه ؟؟؟
انا لو عاوز طلمبة ميه بتشتغل بمحرك ديزل ١ سلندر حاروح اشترى ليه المحرك ده بالهيصة اللى فيه وخزانات هوا وضاغط قدرة عالية وحاجات اعتقد اسعارها وحجمها وامكانية نقلها من مكان لمكان حاتكون غير مجدية بالمرة ( ده بفرض ان الكلام ده صح )

**م/أحمد عبد الفتاح** · 25-07-2016 02:53 PM

المشاركة الأصلية كتبت بواسطة ahmed_eng2001

الاستاذ colin chapman باحث و محب للسيارات ... و له خبرة كبيرة فى هذا المجال ....

و حضرتك لاحظت انه ناقل المقال من جهة اخرى ..... و هو بهذا يريد نشر العلم و محاولة لفت نظر العلماء و محبى العلم لتطبيق و تجربة هذه الاختراعات ...

و له اسهامات كتيرة فى موضوع غاز الهيدروجين و استخلاصه من الماء و خلطه مع البنزين لتدوير السيارات
و له مواضيع تانية عن تحويل شرارة البوجيه لحالة البلازما ... الى ممكن من خلالها انها تحلل الماء داخل السلندر و الاستفادة من الهيدروجين و الاكسجين فى الاشتعال ... و غيرها من المواضيع الشيقة و التى تحتاج الى عمل جاد

انا عن نفسى .... واحد متربى على الهندسة و العلم الكلاسيكي ... رايى زى رأى حضرتك ... علشان ده الى اتعلمناه و اشتغلنا فيه بايدينا ...
الا اننا لا نغلق باب الاكتشافات امام احد .... و التطبيق العملى خير برهان

ننسى شوية الفوائد العظيمة للمشروع و نفكر ازاى نعمله بطريقة عملية

اخرى فى المعرفة ... ضواغط هواء دائرية ... بتنتج قرابة ال 500 psi ... يعنى تقريبا 33 بار ... و دى كومبريسورات ثابتة و ذات احجام كبيرة جدا و تعقيدات ميكانيكية كتيرة و تدار بمشتقات البترول
و ده طبعا غير كومبريسور محرك الطائرات gas turbine بس ده قصة تانية خالص

اقرب تصور ( شخصى ) للموضوع ده ..... فيه مواتير تدار بالهواء المضغوط .. ذات عزم عالى ... و سرعة منخفضة .. و تدار كمان ب 120 psi .... بس عاوزة كومبريسور حلزونى يدار بمحرك ديزل وزنه اقل من 5 طن بشوية

ياهندسة انا واخد بالى ان مش هو اللى عامل الفكرة دى بس انا باسأل عن شوية اسئلة (منطقية) خطرت على بالى وعاوز اعرف فعلا اجابات ليها علشان اقتنع وانتقل لمرحلة تانية من الاسئلة (العلمية) وبكده اللى حايقرا الموضوع وحايخطر على باله سؤال حيلاقيه موجود واجابته موجوده - كمان انا علشان متخيل موضوع الكمبريسور ال ٢٠٠ بار وال ٥٠٠٠ لتر فى الدقيقة فانا عارف الحجم والتكلفة بتاعتهم - انا علشان اساعد على نشر فكرة او اختراع لازم اكون مقتنع بيه - يعنى موضوع الهيدروجين او البلازما ده كلام منطقى اقدر اقتنع بيه لكن تقوللى كومبريسور بالامكانيات دى حايشتغل بدون طاقة وتقوللى مافيش سخونة ومافيش خطر وانت شغال بضغوط ٢٠٠ بار فمعلش ماقدرش اقتنع بالكلام ده بنسبة حتى ١ فى المليون

**Colin Chapman** · 26-07-2016 02:39 AM

المشاركة الأصلية كتبت بواسطة ahmed_eng2001

و دى اسئلة تتسأل برضو يا باشمهندس ؟؟!!!! انت عاوز تفكر بجد و لا ايه ؟؟!!!

انا من كتر ما سمعت المواضيع دى بقيت ابتسم ابتسامة صفراوية كدة و اقول ربنا عالم بكل شيء
و انسا انى سمعته ... بس بدى لنفسى كدة 5% ... احتمال تطلع صح فى المستقبل القريب البعيد ان شاء الله

يا راجل ده فيه واحد ميكانيكى جنبى عمال يقولى على اختراعات ... محرك مش محتاج طاقة علشان يشتغل ... و حاجة زى تربينة صغيرة تديها زقة بايدك و بعد كدة هى تشتغل على طول بدون الحاجة الى مصدر حركة .. و حاجات زى كدة ... و لا عمل حاجة .. و فى الاخر ... طلعت انا الى بكسر مجاديفه .. و محبط الامل .. و قاتل الطموح ... و انا الى اكلت الجبنة !!!!!!!!

و بعدين لما تقرأى عن فوايد موضوع فقط ... بدون التطرق الى بعض التفاصيل الفنية !!! ده موضوع مفيهوش نواحى فنية كبيرة فى الاساس
و لنا مثال واضح و صريح ... جهاز الكفتة ... و بلاش نتكلم فى الموضوع ده علشان فيه ناس بتزعل

انا عاوز اقول لحضرتك ان الموضوع بالنسبة لى ... لا يتعدى هذا المقال ... و لا فى هواء مضغوط .. و لا فيه مشروع من الاساس .... اللهم الا اذا تمت تجربته فى مؤتمر مثلا و بدأ فى انتاجه و بيعه

**Colin Chapman** · 26-07-2016 02:41 AM

المشاركة الأصلية كتبت بواسطة م/أحمد عبد الفتاح

ياهندسة انا واخد بالى ان مش هو اللى عامل الفكرة دى بس انا باسأل عن شوية اسئلة (منطقية) خطرت على بالى وعاوز اعرف فعلا اجابات ليها علشان اقتنع وانتقل لمرحلة تانية من الاسئلة (العلمية) وبكده اللى حايقرا الموضوع وحايخطر على باله سؤال حيلاقيه موجود واجابته موجوده - كمان انا علشان متخيل موضوع الكمبريسور ال ٢٠٠ بار وال ٥٠٠٠ لتر فى الدقيقة فانا عارف الحجم والتكلفة بتاعتهم - انا علشان اساعد على نشر فكرة او اختراع لازم اكون مقتنع بيه - يعنى موضوع الهيدروجين او البلازما ده كلام منطقى اقدر اقتنع بيه لكن تقوللى كومبريسور بالامكانيات دى حايشتغل بدون طاقة وتقوللى مافيش سخونة ومافيش خطر وانت شغال بضغوط ٢٠٠ بار فمعلش ماقدرش اقتنع بالكلام ده بنسبة حتى ١ فى المليون

اى فكرة كانت حلم تمام ولا مش معايا ؟!فاليس من الممكن ان نصل للاختراع الكامل بدون الحلم ودمت بود صديقى !!

**Colin Chapman** · 26-07-2016 02:50 AM

م/أحمد عبد الفتاح ,ahmed_eng2001

اكيد انتم تعلمون ان مهندسين عصر نيكولا تيسلا كانوا يقولون انه مهرطق ومجنون وانتم تعلمون الان اكيد من يكون نيكولا تيسلا
!!!
انتم اصدقائى مهما اختلفنا نحن نختلف فى وجهة نظرنا عن السيارات ولكن لا نختلف عليها جميعنا هنا يربطنا حب وهواية السيارات كلا على طريقته الخاصة

تحياتى لكم

**Colin Chapman** · 26-07-2016 11:21 AM

ahmed_eng2001

**فتح الباب** · 26-07-2016 12:26 PM

انا هعمل نفسى ما شفتش الموضوع

الموضوع: محرك يعمل بطاقة الهواء المضغوط و الهيدروليك دائم الحركة بدون وقود او كهرباء

LinkBack

أدوات الموضوع

عرض

-

-

-

المواضيع المتشابهه

بور كهرباء بدل الهيدروليك

تعرف على مدى قوة الهواء المضغوط وكيف يمكن استخدامه فى وسائل النقل

الهواء المضغوط وكيف يمكن استخدامه فى وسائل النقل

أصغر سيارة في العالم تعمل بواسطة الهواء المضغوط

الكلمات الدلالية لهذا الموضوع

المفضلات

المفضلات

ضوابط المشاركة