حادثة النترا و محتاج مساعدة اهل الخبرة والخير
انا عندى عربية النترا 2009 و ربنا يبعد عنكم الابتلاء العربية عملت حادثة واتدمرت و مش هينفع اى( سمكرة ) فيها و انا حاليا امام امرين :
1- ان اروح المرور ويعملوا لجنة فحص و يسمحولى بشراء (عربية نصين) و بعد كدة هيدقوا رقم الشاسية على القايم او فى اى مكان اخر سألت بعض الناس قالوا ان فى هذه الحالة العربية مستحيل ترجع زى أي عربية جاية من بلدها عالشان مستحيل صنايعي يلحم النصين زى لحام المصنع ( يعنى مش امان ) ولا هيعرف يقفلها و يوصل كل شيء فى مكانه ابتداء من ضفيرة ....... الخ و مصاريف و بهدلة ده غير هتبقى العربية معروفة لاى حد فى حالة عرضها للبيع بسبب دق رقم الشاسيه فى المرور هتبقى العربية واضحة زى الشمس و خسارة جامدة جداااااااااا انا مستحملهاش فى الوقت الحالى و ربنا يبعد عنكم الضيق !!!!
2- فيه حل اخر وهو ان اعرف واحد بيشتغل فى ليبيا و جاى بعد شهر و قاللى ان ممكن يشتريلى عربية النترا من ليبيا نفس الموديل و ينزل بيها و طبعا ده افضل ملون مرة من شراء (عربية نصين ) بس المشكلة ان المرور مش هيوافق على الكلام ده !!! طبعا انا دخلت على النت و قريت مواضيع كتيرة ولاقيت ان الافضل ان اجيب العربية الليبية و هروح المنصورة او الحرفيين او اى مكان اخر يكونوا خبرة فى هذه القصة واخد معايا ( رقم شاسية العربية الحادثة عالشان يلحموه فى العربية الليبية ) و فيه رأي اخر بيقول ان الافضل ان رقم الشاسيه ( يدق ) و ان فيه ناس محترفة فى دق رقم الشاسيه و مستحيل فى فحص المرور المهندس يكشفه !!!
المشكلة انى خايف لاننى ماعرفش حد يعمل الموضوع ده وفيه سمكرية كتيير قالوا نعملها عادى و ان الموضوع ده شغال من زمان بس انا مش عايز اجرب لأن أي غلطة فى (دق رقم الشاسيه) اكيد مهندس المرور فى الفحص هيعرفها عند (مطابقة البصمة )و العربية كدة هتتصادر !!!!
فياريت اللى عنده اى تفاصيل عن الموضوع ده او يعرف حد محترف فى القصة دية مايبخلش عليا
جزاكم اللـــــــــــــه خيـــــــــــــــــــرا
