محتار اتوماتيك ولا مانيوال الماني ولا ياباني ...

**Ophth.mohamed** · 26-07-2016 12:50 PM

السلام عليكم ورحمه الله وبركاته..لو سمحتوا انا محتار جدا ..عايز عربيه في حدود 50000 وتكون اتوماتيك ومش عايز خالص اكسنت واكسيل والانوس القديم والحاجات دي عايز حاجه كويسه وفنفس الوقت قطع الغيار والصيانه متكونش مستحيله علما اني مقيم بسوهاج..المشكله المعروض كتيير جدا انا مرتاح لرينو ميجان 2005 ودي اغلبها ما بين 50 ل 60 الف حسب الحاله وبعدها بميل لاوبل استر او سكودا فابيا مش عارف اختياراتي دي صح علما انا هحتاجها يوميا فمسافه 50 60كيلو تنقلات بس وفكرت اجيب مانيوال ومش عارف فايه تنصحوني بيه؟؟ وشكرا

**a7medsh3rawi** · 26-07-2016 01:39 PM

وعليكم السلام ورحمه الله وبركاته
الميجان كويسه ومحترمه بس محتاجه ميكانيكى بيفهم وقطع غيار اصليه وأهم حاجه متغسلش الموتور بالميه نهائى ومعظم اعطالها حساسات وكمبيوتر واسكااترا
الحل التانى لانوس كورى من موديل 2001 وانت نازل وصيانتها سهله وقطع غيارها متوافره فى كل مكان وتركبلها شدادات قدام بين الركبتين لانها بتفتح شاسيه من المطبات والحفر

**EmadAziz** · 26-07-2016 01:53 PM

انا جبت كيا سيفيا اتوماتيك في الرينج ده والحمدلله مريحاني وكله بيفهم فيها وقطع غيارها سهله ورخيصه .. لو عايز حاجات صيانتها سهله خليك في الكوري من رأي وربنا يوفقك