اهم انظمة الأمان الابسط فالأبسط
على عكس اراء كتيرة..
انا شايف ان الاهم لو بنتكلم عن امان فى العربية ان الكاوتش والفرامل تبقى حالتهم كويسة..
والسرعة لا تزيد بأى حال عن اللزوم اللى هو حوالى 80 جوة المدينة و120 براها بالكتير..
لأن انظمة الامان بتفقد قيمتها بعد هذه السرعات اصلا.
الايرباج مثلا مش بيفتح لو مكنتش رابط حزام الامان
ودى مشكلة لمعظم الناس لأنهم مش بيربطوه من اساسه.
لأنه هو نفسه ممكن يسبب اصابات لو اتفتح من غير الحزام.
ده مش دفاع عن ان العربية تنزل من غير انظمة امان..
لكن علشان نركز فى الاولى ثم الاولى
ولما تجيب عربية بامكانيات معينة تتعامل معاها باللى يطلع احسن ما فيها ..
ويخليها اءمن من عربية كلها اوبشن امان لكن ما تسعفكش بسبب التهور لا قدر الله.
وربنا يستر طريقنا جميعا.