الموضوع: تسقيط موتور

منتظر اراء حضراتكم

موتور البولونيز بيعمل 2500 ج و من غير كاربيراتير و اسبراتير بيعمل 2000 ج !!! من غير فتيس طبعا

اوعى تزنق نفسك فى موتور مالوش قطع غيار.... و هتاحتاج طبعا كهربائى

موتور البولونيز ال 1500 مقرف و مش كويس هات ال 1600

و غير الميكانيكى دا....500 ج علشان هيتفضل يروح معاك المشوار دا !!! امال هتنقله بكام ؟!!! و هتسقطه بكام ؟!!

و ما دمت فى اكتوبر ايه يوديك عزبة شلبى و عندك و كالة البلح اقرب بكتير .. إلا لو صاحبنا عارف ناس هناك ؟؟؟

هو ال 500 شامله كل حاجه من ساعة ما ينزل معايا و مصنعيته لحد ما يسلمنى العربيه
هو انا عايز اجيب فعلا ال 1600 لانى قرفت من ال 1500
و لما سالت كذا واحد قالى ان هى نفس المكنه ف قطغ الغيار بس تقلبها كربراتير
لانى سمعت ان ال 1500 معظمه بيكون فيه مشاكل ايه راى حضرتك
و بالنسبه للوكااله افضل ولا عزبة شلبى هو بصراحه الميكانيكى قالى عايز هنا ماشى او هنا ماشى
بس انا قلت هناك ادور براحتى وبرضو عايز حضرتك تشرفنى برايك لانى برضو محتار

المشاركة الأصلية كتبت بواسطة osama srhan

هو ال 500 شامله كل حاجه من ساعة ما ينزل معايا و مصنعيته لحد ما يسلمنى العربيه
هو انا عايز اجيب فعلا ال 1600 لانى قرفت من ال 1500
و لما سالت كذا واحد قالى ان هى نفس المكنه ف قطغ الغيار بس تقلبها كربراتير
لانى سمعت ان ال 1500 معظمه بيكون فيه مشاكل ايه راى حضرتك
و بالنسبه للوكااله افضل ولا عزبة شلبى هو بصراحه الميكانيكى قالى عايز هنا ماشى او هنا ماشى
بس انا قلت هناك ادور براحتى وبرضو عايز حضرتك تشرفنى برايك لانى برضو محتار

خليك فى ال 1600 احسن...ممكن تروح المكانين.. ان شاء الله حتى لو لوحدك.. تشوف كم المواتير فى كل مكان و امكانية الاختيار...الموتور نفسه هو بتاع الفيات ال1300 و الفيات ال 125 و تشوف الموتور على نص عربية و لا مفكوك على الارض علشان ممكن يكون راجع من واحد قبلك

حتصدقنى لو قلتلك انى كده قلقت اكتر
انى البس ف حاجه بايظه

مفيش قلق و لا حاجة دا طبيعى انك تكون حذر علشان ما تقابلش حاجة وحشة و فى اختيار آخر انك ممكن تعمر الموتور اللى معاك

قلقك طبيعي انا نفسي لو مكانك هقلق جدا ليه ؟ اقولك حضرتك بتغير موتور عشان خفيف يعني محتاج موتور لسه بخيره طيب لما برضه تجيب موتور خفيف تبقي هي هي
هرجع اكرر لحضرتك تاني تروح هنا او هنا دي هتتحدد بناء علي المواتير اللي قدامك هتنزل مثلا عزبه شلبي لقيت حاجه حلوة هتجيبها ملقتش هتروح علي الوكاله او العكس
حكايه 1500 ولا 1600 دي هيحكمك فيها توافر قطع الغيار لو الاتنين واحد زي ما الصنايعي بيقول خلاص اقلبها كاربوراتير لان غالبا مش هتلاقي قطع غيار للانجكشن بس الصنايعي هيعرف ازاي يعرف الحاله ممكن تكلمه وتقولنا هيحدد حاله الموتور
انت راجل مهندس وانا قولتلك علي اختبارات الاستاندر دي علي فكره اختبارات التوكيل التوكيل نفسه لو بيختبر موتور هيختبره كده + طبعا اختبار عزم واختبار تسارع واختبار عادم بس انت الابسط لحضرتك تعمل اختبار الكبس وال 500 جنيه دي مش هياخدها الصنايعي دي تمن عده الكبس وهتبقي بتاعتك الا لو الصنايعي نفسه عنده عده كبس
متابع

المشاركة الأصلية كتبت بواسطة eng. Wesam

قلقك طبيعي انا نفسي لو مكانك هقلق جدا ليه ؟ اقولك حضرتك بتغير موتور عشان خفيف يعني محتاج موتور لسه بخيره طيب لما برضه تجيب موتور خفيف تبقي هي هي
هرجع اكرر لحضرتك تاني تروح هنا او هنا دي هتتحدد بناء علي المواتير اللي قدامك هتنزل مثلا عزبه شلبي لقيت حاجه حلوة هتجيبها ملقتش هتروح علي الوكاله او العكس
حكايه 1500 ولا 1600 دي هيحكمك فيها توافر قطع الغيار لو الاتنين واحد زي ما الصنايعي بيقول خلاص اقلبها كاربوراتير لان غالبا مش هتلاقي قطع غيار للانجكشن بس الصنايعي هيعرف ازاي يعرف الحاله ممكن تكلمه وتقولنا هيحدد حاله الموتور
انت راجل مهندس وانا قولتلك علي اختبارات الاستاندر دي علي فكره اختبارات التوكيل التوكيل نفسه لو بيختبر موتور هيختبره كده + طبعا اختبار عزم واختبار تسارع واختبار عادم بس انت الابسط لحضرتك تعمل اختبار الكبس وال 500 جنيه دي مش هياخدها الصنايعي دي تمن عده الكبس وهتبقي بتاعتك الا لو الصنايعي نفسه عنده عده كبس
متابع

ممكن يكون الكبس كويس بس السبايك مبوشة زى حالتنا هنا

و فى اعتبار تانى فى مسالة دفع ال 500 ج فى العدة علشان يختبر العربية ....الا و هو ايه اللى هاخده من العربية ؟....خاصة لو عربية بتعلم عليها....و كدة كدة هيدفع للصنايعى رسوم التسقيط او العمرة