استفسار اية الأول المعجون ولا السيراميك

**amr00000** · 31-07-2016 04:31 AM

السلام عليكم ورحمة الله وبركاته كان عندي استفسار عن ايه الاول المعجون ولا السيراميك لأن شقتي ع المحارة وعاوز اعرف المفروض ايه الأول اسمع من ناس السيراميك شويه وشويه المعجون الأول مع العلم اني الي ه عمله ف الاتنين هققل شقتي بعدة كام شهر هعمل الحاجه التانيه فهل لو عملت معجون أو سيراميك بما أن هققل الشقه كام شهر أحافظ ع الي عملته فيهم ازاي هل لازم اركب شبابيك عشان التراب مش يبهدل الحاجه ارجوا اافادة

**shake** · 31-07-2016 08:02 AM

اديها المعجون ووقفها علي اللون واعمل السيراميك وبعد كده اديها اللون

**amr011111** · 31-07-2016 09:33 AM

الاتنيين عادى. بس انا بفضل السيراميك الاول. لانك لما بتعمل المعجون الاول وبعد كده تعمل السيراميك فبتلاقى غبار الاسمنت جه عالحيطه فالنقاش ساعتها قبل ما يدى البطانه بينفض الحوائط وفيه بعض النقاشين بيدى سكنتين قبل السيراميك والتالته بعد السيراميك. بالنسبه للشبابيك كده كده المفروض تركبهم علشان ميفتلوش وبالتوفيق

**Ah.Farid** · 31-07-2016 12:24 PM

اولا ركب الشبابيك والابواب .....هام جدا عشان الخشب ميلفش

ثانيا يفضل المعجون الاول ثم تركيب السيراميك تم دهان الحوائط 2 وش مبدئى وتأخير الوش الاخير فى للالوان قبل استخدام الشقة بفترة بسيطة

**HeMa_LanCeR** · 31-07-2016 05:10 PM

اعمل سنتين معجون و السقف
وبعدين السيراميك
و بعدها اخر سكينة والدهان

**a7medsh3rawi** · 31-07-2016 06:47 PM

ركب السيراميك وبعد كده الشبابيك وبعد كده المعجون
وخلى الدهان قبل ما تفرش الشقه بحاجه بسيطه

**EgyArmy** · 01-08-2016 02:11 AM

هختصرلك كل الردود لانى فى نفس مرحلتلك
نظريا مش فارقه مين الاول

لكن عمليا السيراميك طبعا الاول لكذا سبب
اولا لما هتعمل المعجون الاول هتعمل وشين و بعد كدة هترجع تعمل وش تالت طيب ماتريح دماغك و الى تخلصه تريح دماغك منه خالص بدل ماتشتغل حوائط بعد كدة سيراميك بعد كدة حوائط
ثانيا الحيطه نفسها غصب عن صنايعى السيراميك هتلطش من الاسمنت حتى اضعف الايمان هتهبب فهتحس انك معملتش حاجه
ثالثا التكلفه لما تعمل سكينتين معجون من نقاش اكيد هتحاسبه و لما يرجع تانى يمعجن هتحاسبه و لما يرجع تانى يدهن هتحاسبه هتلاقى نفسك دافع 50% زيادة عن ماتجيبه مرة واحدة او مرتين عشان تطمن للمعجون

فأنا من وجهة نظرى الفقيرة امام طبعا الاعضاء الى مروا بالتجربة دى
اولا لو فيه عروض للسيراميك تكون حقيقيه اشترى و ركب لانك مش ضامن فى نفس الوقت اسعاره هتوصل لفين فى الارتفاع ده لان فيه خامات حتى لو السيراميك مصرى بيستوردوها لكن المعجون امرة سهل
ثانيا ركب بالمرة و الصنايعى عندك حلقان الشبابيك الالموتال من بواقى السيراميك الى عندك و ده هيخلى الشبابيك عندك صاروخ
ثالثا لو خايف من التراب او العفارة بتاعة الشارع على السيراميك هيبقى اهون مليون مرة من لما تخاف على الحيطان السيراميك بمكنسه هيتكنس لكن المعجون هيتكلف تانى
رابعا ركب شبابيكك كلها فى نفس اللحظه و بكدة مفيش نقطه تراب هتدخلك
خامسا معجن و استنى شهر عشان لو فيه عيوب بالمعجنه تظهر و تلحقها بدل ماتدهن و فى الاخر تظهر عيوب تيجى تحلها متعرفش تجيب نفس اللون تانى

و اوعى تسمع كلام صنايعى حتى لو محترم لان اى انسان بيحب يعمل السهل حتى لو هتبقى تكلفه عليك اكتر و فى نفس الوقت هو نفسه مش هيبقى وحش ممكن يكون صنايعى كويس جدا بس دى صفه اى انسان

و دى فكرتى فى نفس الوقت نضيفه جدا و اقتصاديه جدا هتوفرلك حوالى الفين جنيه او اكتر كمان منها

**amr00000** · 01-08-2016 06:28 PM

متشكرين جدا يا جماعة على رودوكم بجد افدوتونى وطلعتم عند حسن ظنى لان كنت محتار جدا وروردوكم وضحتيلى كل حاجة خاصة الاستاذ EgyArmyشكر خاص لية وللتوضيح الشامل والكامل وربنا يوفقك فى شقتك يارب وانا معاك