- إيه ظروف البطارية معاك؟ شغالة ولا مش بتدور العربية ؟ هل العربية فجأة بتقف بيك وماتدورش تانى؟
- وازاى بتعرف ان اللمبة منورة والدينامو مش بيشحن ؟ ممكن تكون اللمبة فيها قفلة بس الدينامو بيشحن عادى
- هل العربية مش بتدور معاك مارش ؟
- اللمبة بتنور معاك عشوائى مثلاً فى المطبات ولا بالليل لما بتنور النور ولا لما بتشغل الراديو ولا لما بتشغل المساحات؟
- لما بتدور العربية وتنور النور بالليل بيبقى ضعيف عن الأول قبل المشكلة دى ماتحصل؟
- إيه ظروف السير بتاع الدينامو والطارة بتاعته ؟؟؟
كل دى أسئلة لازم تحطها فى دماغك وتراقب الموضوع بيحصل إمتى
علشان تقطع الشكل باليقين لو العربية فصلت منك مرة ومارضيتش تدور مارش اعملها كوبرى من يطارية تانية ودور الموتور وشيل الكوبرى بتاع البطارية التانية بسرعة وسيب العربية دايرة شوية لو بطلت لوحدها يبقى الدينامو بايظ ولو فضلت شغالة مدة كبيرة يبقى الدينامو سليم والبطارية بايظة - ده إحتمال من ضمن الإحتمالات.
المفضلات