هو صوت بيظهر مش عالى بس محسوس بيظهر لما تكون العربيه ماشيه على حته مش ممهده وعلى سرعه بطيئه من٢٠الى ٤٠ وبتروح ،انا غيرت التيل ورجعت على مسامير العفشه ومش عارفين نحدد السبب ايه والصوت بيكون من ناحيه اليمين من الامام والعربيه بى واى دى اتوماتيك
هو صوت بيظهر مش عالى بس محسوس بيظهر لما تكون العربيه ماشيه على حته مش ممهده وعلى سرعه بطيئه من٢٠الى ٤٠ وبتروح ،انا غيرت التيل ورجعت على مسامير العفشه ومش عارفين نحدد السبب ايه والصوت بيكون من ناحيه اليمين من الامام والعربيه بى واى دى اتوماتيك
مشكور يا غالى اشوفها بس الصوت من قبل ما اغير التيل وانا غيرت التيل اصلاً علشان الصوت دا
ممكن الافاده لو فى حاجه تانى اراجع عليها لان الصوت بجد بيقلقنى لتكون حاجه مهمه
ارجو من الاخوه الخبراء الرد
لو الصوت كان بيزيد مع سرعة العربية كنت قلتلك إن البلية عايزة تتغير..
إنما ما دام الصوت مع السرعات البطيئة بس وأغلب الظن إنه مع دوسة الفرامل.. يبقى فعلا الصوت ده من الصاجة بتاعت الفرامل.
...
يعنى باللة عليك بتحسسنى انك داخل ورشة متروح لميكانيكى احسن هو الناس اللى هنا واقفة جنب عربيتك وسامعة العيب واللة ما حد حيعرف يفيدك
شكرا يا لجميع الاخوه المحترمين على الرد بس الاخ اللى اسمه mozart براحه شويه انا مش كاتب الموضوع على قلبك علشان ترد كدا وبعدين احنا بنفيد بعض ويا سيدى انا رحت ورشه واتنين بس انا بثق بالاعضاء فى المنتدى وآراءهم وانا بكون سعيد لما بتواصل معهم لان هنا فعلاً فى ناس محترمه وعندها اراء محترمه
الصبح او لما تكون العربية باردة خالص هوى على العجلة اللى فيها الصوت وبدين ارفعها من ناحيتها ولفف العجلة وهى لسه راكبة بايدك وشوف ايه الحكاية وبعدين تفك العجلة وتلفف الطنبور وتشوف برضه اخبار الصاجه ايه يمكن معووجه وساعات التيلة بتاعة الصامولة اللى بتربط الطنبور ( شبة الوردة بتاعة المسمار بس فيها حته زيادة بتتنى على الصامولة ) يمكن تكون مش متنيه كويس وبتحك فاتنيها بمفك وشاكوش .
مشكور يا بشمهندس بكره اجرب اللى قولته