صوت وكأنه صوت الصاروخ فى الحديد او الرخام بس بصوت اقل

**Brightone** · 03-08-2016 06:51 PM

هو صوت بيظهر مش عالى بس محسوس بيظهر لما تكون العربيه ماشيه على حته مش ممهده وعلى سرعه بطيئه من٢٠الى ٤٠ وبتروح ،انا غيرت التيل ورجعت على مسامير العفشه ومش عارفين نحدد السبب ايه والصوت بيكون من ناحيه اليمين من الامام والعربيه بى واى دى اتوماتيك

**Mohamed Desoky** · 03-08-2016 08:21 PM

المشاركة الأصلية كتبت بواسطة brightone

هو صوت بيظهر مش عالى بس محسوس بيظهر لما تكون العربيه ماشيه على حته مش ممهده وعلى سرعه بطيئه من٢٠الى ٤٠ وبتروح ،انا غيرت التيل ورجعت على مسامير العفشه ومش عارفين نحدد السبب ايه والصوت بيكون من ناحيه اليمين من الامام والعربيه بى واى دى اتوماتيك

بص على صاجة التراب اللى وره التيل احتمال الفنى وهو بيغير التيل قرص على الصاجه شويه بدون اصد بص عليها يمكن تكون بتحك فى الطنبوره او الجنط اكشف عليها وركز يمكن تلاقى علامة التجريح على الصاجه او الجنط

**Brightone** · 03-08-2016 10:33 PM

مشكور يا غالى اشوفها بس الصوت من قبل ما اغير التيل وانا غيرت التيل اصلاً علشان الصوت دا

**Brightone** · 03-08-2016 10:35 PM

ممكن الافاده لو فى حاجه تانى اراجع عليها لان الصوت بجد بيقلقنى لتكون حاجه مهمه

**Brightone** · 04-08-2016 01:47 PM

ارجو من الاخوه الخبراء الرد

**borio1704** · 04-08-2016 04:35 PM

لو الصوت كان بيزيد مع سرعة العربية كنت قلتلك إن البلية عايزة تتغير..

إنما ما دام الصوت مع السرعات البطيئة بس وأغلب الظن إنه مع دوسة الفرامل.. يبقى فعلا الصوت ده من الصاجة بتاعت الفرامل.

...

**Brightone** · 07-08-2016 05:54 PM

شكرا يا لجميع الاخوه المحترمين على الرد بس الاخ اللى اسمه mozart براحه شويه انا مش كاتب الموضوع على قلبك علشان ترد كدا وبعدين احنا بنفيد بعض ويا سيدى انا رحت ورشه واتنين بس انا بثق بالاعضاء فى المنتدى وآراءهم وانا بكون سعيد لما بتواصل معهم لان هنا فعلاً فى ناس محترمه وعندها اراء محترمه

**م/أحمد عبد الفتاح** · 07-08-2016 07:18 PM

الصبح او لما تكون العربية باردة خالص هوى على العجلة اللى فيها الصوت وبدين ارفعها من ناحيتها ولفف العجلة وهى لسه راكبة بايدك وشوف ايه الحكاية وبعدين تفك العجلة وتلفف الطنبور وتشوف برضه اخبار الصاجه ايه يمكن معووجه وساعات التيلة بتاعة الصامولة اللى بتربط الطنبور ( شبة الوردة بتاعة المسمار بس فيها حته زيادة بتتنى على الصامولة ) يمكن تكون مش متنيه كويس وبتحك فاتنيها بمفك وشاكوش .