طيب الطلمبة لما تفكها دلوقتى برة العربية خالص وتديلها طرفين من البطارية بتشتغل ؟؟
عرض للطباعة
طيب الطلمبة لما تفكها دلوقتى برة العربية خالص وتديلها طرفين من البطارية بتشتغل ؟؟
بعد تغيير قلب الطرمبة اكتر من مرة .... و تغيير الطرمبة بالكامل .... لازم تبدأ تدور فى الكهربا ...
احتمال تكون المشكلة فى سلك كهربا بيلمس .... و ممكن تكون مشكلة فى الكونترول زى ما الاخوة وضحوا ....
او يكون العيب مش فى طرمبة البنزين خالص
اؤيد رأى المهندس احمد عبد الفتاح ..... بتجربة الطرمبة ب كهربا مباشر من البطارية
و دى احد الحالات المهمة جدا لاستخدام جهاز قياس ضغط طرمبة البنزين !!!
ممكن يكون الدينامو ... الدينامو شحنة مش مظبوط ... وخد بالك لو الدينامو هو اللى بايظ .. مابيتصلحش ... هاتلك واحد استيراد ... روح لكهربائى كويس يكشفلك علية
لان الاعراض اللى انت قولتها ... بيعملها الدينامو بردو ... وانت ماشى العربية بتهدى شوية بشوية وتفصل
ربنا يوفقك وتعرف الحل فين
صديقى العزيز .. أنا عندى نفس مشكلتك وأنا مش عامل أى إضافة كهرباء فى العربية ومش لاعب فى الضفيرة بأى شكل من الأشكال .. هزود على كلامك إن اللى بيحصل ده مرتبط بسخونية الطرمبة سواء مشيت مشوار طويل أى كان البنزين فى التانك قليل (لأن طبعا وجود الطرمبة جوه البنزين بيكون عامل مبرد) .. القرار اللى أخدته أنى أغير الطرمبة بالكامل بس عشان تشترى لازم تجيب حاجة أصلى ويفضل تشتريها من التوكيل وتركبها بره صحيح الأصلى بتاعت العربية باظت بسرعة بس أكيد هتقعد أكتر من الكام يوم اللى قعدتهم اللى حضرتك أشترتها
الحل الأخير بقى لو حد من زملائنا يفيدنا هل ممكن يركب طرمبة بتاعت ماركه تانية تكون أكثر جوده ولا لأ
دي مش مشكلة طرمبة اعتقد مشكلة حساسات
ووارد تبقى كهربا وممكن ليها علاقة بالكونترول
اعراض المشكله ان الطرمبة بتتحرق على مدار يومين تلاته وطالما غيرت اكتر من مره راجع على المصدر الي بيغذي الطرمبة كهربا وراجع على الاجزاء او الحساسات اللي ليها علاقة او بتدي اوامر للطرمبة زي الحساسات ومنها الايدل
العربية بتعلى وتوطى معاك فجأة على السرعة والسلانسية والموتور فيه رعشة بتزيد وتنقص؟
هو انت عند موتور الهوندا مزبوط الموتور الجديد؟