عملت حادثه ومحتاج مساعدتكم

**Mo.raafat** · 05-08-2016 02:32 PM

انا الحمد لله عملت حادثه وهغير بابين السواق واللي وراه ورفرف وكبوت انا مامن ع العربيه ودي اول سنه تامين عندي كام سؤال ياريت تساعدوني فيهم ...

1- اولا هل اعملها ف التوكيل ولا التكلفه هتكون عاليه ؟؟

2- هل القطع اللى ف مراكز الخدمه المعتمده بتكون اصلي ولا لا عشان سالت برازيلي قالي حتي التوكيل معندوش ابواب اصلي بيجيب مستورد ويرش هل ده صح ؟؟

3- هل تنصحوني بمركز معتمد معين يكون كويس عشان سالت قالولي ف وسام اسماعيل ف حلوان كويس هل فعلا كويس ولا ف افضل منه ؟؟

**adel_edrees** · 07-08-2016 12:46 AM

حضرتك بلغت شركة التأمين باللى حصل طبعا و طالما حضرتك مأمن يبقى حضرتك حتصلح يا أما فى التوكيل يا أما فى مركز صيانة تبع شركة التأمين لوو حضرتك صلحت فى التوكيل بتشيل نسبة من قيمة الأصلاح و دى بتختلف حسب الشركة ما أنصحكش بحاجة غير التوكيل طبعا فى مشكلة الدولار اللى مبهدلة قطع الغيار لكن لو حتصلح فى التوكيل يبقى من حقك أنك تشوف عملية التصليح بنفسك و تشوف قطع الغيار اللى حتركب لعربية حضرتك وى طبعا لو عايز أى مساعدة أحنا كلنا تحت أمرك

**Mo.raafat** · 08-08-2016 07:21 PM

الف شكر ع الردود بس المشكله ف ان التوكيل هيقعدني جمبو كتير غير انو هيطلب كتير انا اتفقت مع نايل موتورز وهوا قالي اني هشتريلو قطع الغيار كلها م التوكيل يعني هوا هيركب ويرش بس متهيالي كده هبقي ضامن حد ادني من الجوده
وفنفس الوقت هستفاد من التامين روحتلهم انهارده وقالولي انهم بيتعاملوا مع نايل موتورز شكرا ليكو تاني

**adel_edrees** · 08-08-2016 08:32 PM

الشغل بتاع نايل موتورز شغل كويس و فعلا هما مش غاليين قوى و جودة كويسة

**Mo.raafat** · 09-08-2016 06:36 PM

متشكر جدا ا/محمد كرم واستاذ عادل ادريس التامين المفروض هيعاين خلا يومين ونايل موتورز هيبدا ع طول وباذن الله اول مستلمها هكتب كل حاجه اتعملت وراي اذا كانت مظبوطه او لا قدر الله لا ربنا ييسر شكرا تاني لحضراتكم

**adel_edrees** · 09-08-2016 10:30 PM

المشاركة الأصلية كتبت بواسطة mo.raafat

متشكر جدا ا/محمد كرم واستاذ عادل ادريس التامين المفروض هيعاين خلا يومين ونايل موتورز هيبدا ع طول وباذن الله اول مستلمها هكتب كل حاجه اتعملت وراي اذا كانت مظبوطه او لا قدر الله لا ربنا ييسر شكرا تاني لحضراتكم

أن شاء الله ربنا ييسر لك الحال وكريم منير مش حيسيبك غير لما العربية ترجع أن شاء الله زى ما كانت و أحسن

**adel_edrees** · 11-08-2016 09:26 PM

شركة التأمين دى أسمها أيه عموما اللى أنا أعرفه أن العميل بيشيل جزء من التكلفة بتكون 10 - 15 % فى حالة الأصلاح فى الوكيل فقط أنا أول مرة أسمع عن حتة التأمين يشيل 2000 و العميل يشيل 5000 دى جديدة الحاجة اللى من حقه أن يعترض عليها هى الخبطة اللى ورا و دى برضه أعتقد أنه مش حقه أنه يعترض عليها عموما التأمين ده نصب فى نصب