الموضوع: نيسان صني 98

السلام عليكم ممكن استفسر بخصوص نيسان صني 98 من ناحيه الاعتماديه وكفاءة السياره وأسعار وتوافر قطع الغيار واماكن تواجدها علما بأنني من المنوفيه لأن فيه سياره أمامي فابريكة جوه بمعني الكلمه وكل الكماليات تعمل بحاله ممتازه والصالون بتاع الفابريكة ممتاز عداد 120 وكم يكون أفضل سعر لها وجزاكم الله خيرا

طبعا العربية ممتازة انا معايا 99 فرق بسيط فى الشكل من بره بس وعن تجربة
العربية ممتازة جدا يبانى أصلى طبعا وتحس بكده فعلا فى الأداء هى كربراتير فتقدر تستخدم بنزين 80 عادى واستهلاكها ممتاز أعطالها لا تكاد تذكر زى ما بيقولو عليها مخاصمة الميكانيكية واسعهة من جوه تكيفها ممتاز . هى واطيه شويه فبتركب حاجة اسمها صدادات كاوتشوك على المساعدين الخلفى وخلاص وبتبقى زى الفل ممكن تركب جنوط 14
أهم حاجة لازم ميكانيكى فاهم اليبانى يشتغل فيها لو فيه أى حاجة العربية دى مبتحبش الفذلكة كل حاجة فيها راكبه مكتنها بالظبط وبتؤدى وظيفتها مفيش حاجة اسمها ملهاش لازمة دى من أحسن موديلات اليبانى وعلى فكرة موتورها رغم انه 1300 لكنه 16 صباب مش 12 زى الكريستاله وسير الكاتينة بتعها لاحديد ( جنزير ) رغم كده صوتها ناعم وهادى جدا و طبعا 50 الف سعر كويس