تحاول تفك قواطيش البطارية وتغسلها من برة بميه سخنة وتنضف صوابعها بالصنفرة وكمان تغسل وتنضف القواطيش اللى بتركب على البطارية وتشوف هل متاكله ولا سليمة ولا مساميرها باظت لو فيها مشكلة غيرهم - وبعدين فيه سلك سميك واصل بين سالب البطارية وجسم العربية حتلاقيه قريب من البطارية ولونه فى الغالب اسود ده الأرضى العمومى حاتمشى ورا السلك بتاع سالب البطارية لغاية متلاقيه مربوط من الناحية التانية فى جسم العربية حتفكه وتنضف مكانه وتنضف المسمار والورد اللى مربوط بيهم بالصنفرة وتربطهم تانى كويس جداً وتتأكد إن مافيش شعرة من السلك مقطوعه لازم كلهم يكونوا سلام ومتركبين على مسمار الارضى ومافيش اى شعرة فالته او مقطوعه.
وبعدين اغسل صندوق البطارية ولو فيه حتت كاوتش عليه نضفها هى كمان وركب البطارية واربطها كويس ووصل قواطيشها واربطهم كويس وجرب . وإن شاء الله خير
- لو ملاقيتش اى تحسن يبقى تكشف على البطارية والدينامو وتقيس شحن الدينامو لأن ممكن يبقى العيب أرضى أو بطارية أو دينامو - خلص الأول مشوار الارضى العمومى.
المفضلات