الموضوع: اسعار مولدات الكهرباء

مفيش شركه او توكيل للمولدات الرخيصه لانها غالبا بتكون صينيه الصنع ولكن ممكن تشوف أنواع عده منها في شارع الجمهوريه والاسعار تختلف من محل لاخر ............ عموما أسعارها كانت نزلت بعد انتظام الكهرباء ولكن بعد ارتفاع الدولار مش عارف الوضع ايه ...... وممكن تشوف بردو مولدات هوندا فهى مضمونه وقويه واستثمار في حاله اعاده بيعها ..... تحياتى .

ال 5 حصان دى يقصد بها القوه الميكانيكيه للموتور اللى راكب على المولد وده غير دينامو المولد وموتور بالقوه دى صغير نسبيا ...... ولكن كما قلت لك محدش هيقدر يحدد لك سعر ممكن تنزل وتشوف بنفسك المهم ان لفات الموتور تبقى نحاس مش الومنيوم ويكون نوعيه معروفه الى حد ما ...

المشاركة الأصلية كتبت بواسطة sherif_mahalla

٣ كيلو وات ممتاز
هو كام لمبة و المروحة و التلاجة
شكرا عالمعلومة

الكيلو وات يساوى 1000 وات ............. وبالنسبه للمبات على حسب يعنى اللمبه الموفره العاديه من 15 وات الى 20 وات واللمبه الليد من 3 وات الى 12 وات والتلاجه وفق الحجم والسعه عموما في حدود 200 وات والمروحه من 100 الى 150 وات وتقدر تحسب وفق ذلك ومن المهم ان يتم التحميل الى نصف او ثلاثه ارباع قدره المولد يعنى لو هو 3000 وات هيديك 2500 خرج حقيقى وممكن تشتغل على 2000 وات من السعه .

المشاركة الأصلية كتبت بواسطة mohamed_1414

محتاج اشتري مولد قدرة 5 حصان...نوع رخيص مش غالي ...الاسعار دلوقتي اية ولو حد يعرف شركة او توكيل؟؟؟؟

عملت ايه حضرتك نحب نطمئن عليك ..............