بوابة الكربيراتير التانية مش شغالة(thorttle valve 2)

**mounir5010076** · 08-08-2016 03:21 AM

الاخوة الاعضاء معلش هاخد من وقتكوا خمس دقائق.
انا عربيتى سوزوكى ماروتى ،فيها مشكلة ان العربية مبتعديش سرعة 85 كيلو فى الساعة وبدال البنزين مظبوط كويس والدسك والاسطوانة ادائهم معقول بس انا سكت وقولت اهى ماشية .فالبصدفة وانا بفوك الكربيراتير عشان انضفة لقيت ان البوابة التانية للكربيراتير بتعت السرعات العالية مبتشتغلش خالص لما انا ادوس علية بيدى ،مع ان اللى انا اعرفة انا لما ادوس على سوستة البوبة الاولى بعد مبتخلص مشورها تخالى البوبة التانية تفتح ورى منها علطول من غير اى دوس عليها .مش صح كلامى ولا غلط؟؟؟؟؟؟؟وهل هو دة السبب فى ان العربية سرعتا بطيئة
(كنت عاوز اضيف صورة لبوبات الكربيراتير بس معرفش اذاى بتتحمل على المنتدى)

**ahmed_eng2001** · 08-08-2016 02:14 PM

كلام حضرتك مظبوط ... المفروض لما البوابة الاولى تفتح للاخر ... تشد معاها البوابة التانية علشان تفتح هى كمان
متابع معاك

**mounir5010076** · 08-08-2016 07:09 PM

شكرا على المتبعة يا اخ احمد. وياريت اللى عندة اى معلومة بخصوص بوبات الكربيراتير ينشرهلنا

**م/أحمد عبد الفتاح** · 08-08-2016 08:33 PM

دى رسمة بالشرح أعتقد بتوضح نظرية عمل الكاربراتير بتاعك :

أسباب عدم فتح البوابة الثانوية :
- إنسداد فتحة الفاكيوم رقم (٥)
- تلف التيلة أو التوصيلة رقم (٢)
- تلف الديافرام أو الرداخ رقم (٣)
- تلف او كسر السوستة رقم (٤)
أعتقد أول وأسهل حاجه انك تكشف على التيلة أو الوصلة رقم (٢) إللى بتربط البوابة مع عمود الرداخ وده مش حتحتاج تفك الدنيا .

**م/أحمد عبد الفتاح** · 08-08-2016 08:40 PM

ودى صورة تانية طبيعية أعتقد برضه شبه الكاربراتير بتاعك فيه شكل الديافرام أو الرداخ وشكل التوصيلة اللى على البوابة التانية يارب تنفعك.

**م/أحمد عبد الفتاح** · 09-08-2016 11:10 PM

المشاركة الأصلية كتبت بواسطة mounir5010076

يا شباب انا لقيت الديافرم (الرداخ)بتاع البوابة التانية متشال خالص من الكربيراتير بالدراع بتعها(التيلة) ..لو سمحتو افيدونى دة معنى اية؟؟؟؟؟؟؟؟؟؟؟؟

لو حضرتك لسه شاريها يبقى اللى باعهالك وداها لميكانيكى باركها ببركته - ولو كانت معاك من زمان يبقى حضرتك وديتها لميكانيكى برضه باركها ببركته وشال الرداخ علشان !!!!
مش عارف !!!!!
ملهاش أى سبب تتشال غير إنها تعتبر إتسرقت من واحد من الاتنين ميكانيكية دول علشان يبيعها لعربية تانية فيها المشكلة اللى انت فيها دلوقتى - والله أعلم
ما أعتقدش إنها بتتباع هنا لوحدها فملهاش حل غير إن حضرتك تشترى كاربراتير إستعمال وتاخد منه القطع دى تركبها فى الكاربراتير بتاعك وتشيل الباقى قطع غيار للمستقبل .