الموضوع: معا ضد شركه ايجي داتا النصابه EGY Data FBI Misr Net

اولا الشركه وكيل معتمد لشركات الانترنت الاربعه ((TE-Data - link- vodafone- etisalat))
تعمل علي ترويج عروض الانترنت عن طريق موظفين (Tele Sales)
الشركه المصريه للشبكات ونقل البينات
لها ثلاث مسميات
1 - EGY Data ده الفرع الرئيسي للشركه وده موجود في عين شمس
2- Misr Net ده فرع حدائق الزيتون
3-FBI (ده فرع مصر الجديده (حلميه الزيتون
طبعا تغير الشعار لشركه كبيره لازم يكون لسبب
وده طبعا لتشتيت العملاء والموظفين عن سياسه الشركه
وهنشرح ايه هي سايسه الشركه وايه الطريقه اللي بيمصوا دم الموظفين بيها
وخداع العملاء عن طريق الموظفين
بالنسبه للسياسه التي تطبقها الشركه للموظفين وهي...
تطبيق نظام التدريب الغير مدفوع الاجر وبيكون عباره عن 10 ايام تدريب وبعدها تتعين طبعا كتير 10 ايام غير مدفوعين ومع ذالك يرتبط ب(Target) بالنسبه للناس اللي مش فاهمه (((Target بمعني هدف وهو بيتحددلك عدد معين لازم تحققه في فتره التدريب ))) وهو 10 عقود يعني تقنع 10 عملاء بالعرض اللي انت بتقدمه
المشكله مش انك تقنعه وبس لازم العقد يكون Done
بمعني انك اقنعت عميل وتفاعل معاك وبعدها ممكن يغير رأيه في اي لحظه فبترجع لنقطه الصفر
او تكون حققت 10 عقود قبل ال10 ايام لازم تستني ميعاد الاوردر اللي ههيخرج فيه العقد حتي لو بعد اسبوع عشان طبعا يكون اتفعل
يعني من الاخر لو اتعينت بعد 15 يوم او 20 يوم تدريب يبقي انت كده انجزت واتعينت بسرعه طبعا معظم الناس بتزهق وبتقول مفيش امل وبتزهق وتمشي بعد ما يجيب مثلا 7 او 8 عقود ويمشو طبعا الشركه مش خسرانه حاجه بل بالعكس انت جيت اشتغلت حققت ناتج ومشيت فهو المستفاد الاول والاخير وينزلو اعلانات ويجيبو غيرك وهوضح طبعا ايه هو الاعلان اللي بينزل ويشد الناس ليه
كده احنا اتكلمنا عن فتره التدريب لسمه مرحله التعين
وقت تدريب التلي سيلز في الشركه لم يتم مصارحتهم بالقواعد اللي هيمشو عليها بعد التعين
وقت ما تتعين وقولنا عليك برنس وحققت ال10 عقود Done
تلتزم بتحقيق الحد الادني وهو 35 عقد خلال الشهر طبعا Done مش مرفوضين
لازم تحرق 6 ورقات داتا بحد ادنى (الداتا هي الارقام وتحرق يعني تتصل او تستخدمهم) الوقه الواحده تحتوي علي 145 رقم ارضي |
يعني 6 × 145 =870 رقم ارضي ده الحد الادني قليت عن ال6 ورقات خصم نص يوم
تحقيق 30 كول باك بمعني انك ترجع تتصل بناس مش فاضيه ناس هتفكر في العرض بحد ادني 20 + خصم نص يوم
تحقيق عقد بحد ادني في اليوم لو محققتش عقد خصم يوم كامل كأنك مشتغلتش
او تعمل عقد فيك يعني (تألف رقم وعنوان واسم ويتسمي عقد فيك
اكيد الرقم مش هيكون Done ومش هيتحسب )
**** خصم العقود المرفوضه
وبيكون مثلا ربنا كرمك وحققت ال35 عقد في الشهر منهم 10 مرفوضين في نسبه للخصم مينفعش تتعداها وهي 10% يعني ليك 3 عقود بس يكونو مرفوضين من بعد تلت عقود خصم يوم لكل عقد
*****
يعني كانك شغال باليوميه جبت عقد يتحسبلك اليوم مجبتش لم يحتسب
بيغريك بمرتب كبييير وبعد ما رجلك تيجي وتتعين تلقي خصم من كل النواحي
ترويج المنشور
نتكلم شويه عن الادارين المسمي الحقيقي ليهم البغبغانات بيرددوا كل كلمه المدير العام بيقولها مفيش نقاش مفيش جدال حتي وقت البريك
بيكون كالتالي
للاكل فقط وممنوع انك تكلم زميلك او تعرفهم او تتحرك من الكرسي اللي انت قاعد عليه ممنوع الكلام ممنوع الخروج ممنوع حتي الكرسي يلف لاي اتجاه
طبعا لسبب وبيكون انك لو اتكلمت مع زميلك ممكن يكون اقدم منك تساله انت اتعينت ولا فتره تدريب وطبعا هتقابل اللي جاب 10 و15 و 19 عقد ومتعينش فتبدأ تشك وتقلق وتبحث وتذن علي التعين وطبعا ده غير مرغوب فيه
الادارين ...معدومين الضمير حتي لو سالت في بعد التعين هيكون النظام ازاي برضو مش بتعرف حاجه غير بعد التعين زي ما شرحناها
العيب مش علي الشركه بل العملاء اللي بتعملوا مع الشركه ليه تتعامل مع وكيل لما مكن تتعامل مع الشركه نفسها انت لو اتصلت مش هيردوا عليك لان مفيش تسجيل مكالمات حتي ولو نفضولك وجيت الشركه مش هتلاقي حد يستقبلك او يفهم مشكلتك غير قليل جدا لان معظم الناس بتيجي وتمشي اللي مش بيعجبهم الوضع واللي بيزهق من الخصومات بسبب وبدون سبب
طبعا لازم تشوفوا الاعلانات الخاصه بالشركه وهي بتكون مغريه جدا عشان يحصلوا علي عدد كبير من الموظفين
************************************************** *******
مطلوب بادارة المبيعات تلى سيلز .. 2025 جنية بالاضافة الى العمولات
مطلوب تلى سيلز لشركة انترنت كبرى ... مبيعات عبر الهاتف
وصف الوظيفة : تسويق خدمات انترنت عن طريق الهاتف
التسويق خاص بشركة تى داتا واتصالات ولينك اورنج وفودافون . حسب المشروع
طلبة او حديثة التخرج شرط التفرغ .اناث فقط فى الفترة الحالية
المهارات المطلوبة :
الالتزام . الانضباط . الجدية . القدرة على الاقناع . العمل بروح الفريق . الطموح .
عذرا ان لم تكن جادا وملتزم لا تضيع وقتك ووقت من يقوم على تدريبك .
السن المطلوب : من 18 الى 29 سنة .
عدد سنوات الخبرة : خبرة او بدون شرط سرعة التعلم .
سكان القاهرة الكبرى والجيزة فقط .
ويبدأ الكدب
الراتب وعدد ساعات العمل :
عدد ساعات العمل حسب الاختيار من العاشرة صباحا وحتى
الساعة السادسة براتب 1725 جنية = 1325 ثابت + 400 متغير
الساعة السابعة براتب 2025 جنية = 1625 ثابت + 400 متغير
الراحة الاسبوعية : الجمعة من كل اسبوع .
يوجد عمولات تتراوح من 200 جنية والى 1500 جنية حسب الكفاءة .
يوجد ساعة راحة لكل شيفت مقسمة جزءين على مدار اليوم .
مزايا العمل :
وهنا كدب مبالغ فيه :D
يوجد تدريب شامل للوظيفة مع شرح المهام الخاصة بوصف عمل كل موظف .
توفر الشركة جميع متطلبات العمل .
يوجد تامينات وخط موبايل شامل 1500 دقيقة مجانا لكل موظف .
يوجد ترقيات وتدرج وظيفى مرتبط بالكفاءة او الخبرة او الوقت .
اماكن العمل المتاحة :
الفرع الاول : امام محطة مترو عين شمس الغربية مباشرة
الفرع الثانى : امام محطة مترو حدائق الزيتون الغربية مباشرة .
الفرع الثالث : مصر الجديدة جسر السويس بجوار كبرى التجنيد .
اتسجيل البيانات ليتم الاتصال بكم وتحديد موعد المقابلات فى مدة اقصاها 6 ايام عمل
ملحوظة يجب كتابة جميع البيانات حتى يقبل الطلب التسجيل
حضور المقابلة فورمال مع احضار صورة شخصية حديثة .... هام